Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » მინდა საქართველო ვასახელო! - დიანა ჯაშიაშვილი

მინდა საქართველო ვასახელო! - დიანა ჯაშიაშვილი

თარიღი: 11-11-2015, 12:25,
დიანა ჯიშიაშვილის ლექსიკონში სიტყვა „არ შემიძლია“ - არ არსებობს. 11 წლის წინ მისი ჩვეული ცხოვრება დასრულდა. მან მიიღო ხერხემლის ტრავმა, რომელიც, ექიმების თქმით, სიცოცხლესთან შეუთავსებელი იყო... 18 წელი რეანიმაციაში შეუსრულდა. იყო სრულიად პარალიზებული და გადარჩენის შანსები თითქმის არ ჰქონდა. მაგრამ დიანამ გადაწყვიტა, რომ იცოცხლებს! გადაიტანა ურთულესი ოპერაცია, რეაბილიტაციის უმძიმესი პროცედურები. მკურნალობის საფასური რომ გადაეხადათ, მის ოჯახს, რომელიც უკიდურეს გაჭირვებაში ცხოვრობდა, ყველაფრის გაყიდვა მოუხდა, დანა-ჩანგლისაც კი. მაგრამ ეს თანხაც არ აღმოჩნდა საკმარისი. უსახსრობის გამო, დიანას ვერ ჩაუტარდა საჭირო მკურნალობა და ამის გამო ძვლებზე და სახსრებზე სერიოზული პრობლემები დაეწყო.

მიუხედავად ამისა, ღვთის წყალობით და უსაზღვრო ნებისყოფის დახმარებით დიანამ შეძლო, დაეწყო ახალი ცხოვრება. ამას 5 წელი დასჭირდა...ხუთწლიანი ბრძოლა საკუთარ თავთან! დიანამ გაიმარჯვა! ეტლზე ისწავლა ჯდომა. შემდეგ განათლება მიიღო - ის კომპიუტერული ქსელების სისტემების ადმინისტრატორია. დიანა მშვენივრად წერს, აქვს ბლოგი და აქვეყნებს სტატიებს ჟურნალში „განსხვავებული“.

თავისი შესაძლებლობების რეალიზება ბოლომდე რომ მოახდინა, დიანამ ფარიკაობაში დაიწყო ვარჯიში. მოკლე დროში დიდ წარმატებასაც მიაღწია. როდესაც ხელში ცივი იარაღი უჭირავს, ის ყოვლისშემძლე ხდება. 2 თვის წინ მონაწილეობა მიიღო ფარიკაობის მსოფლიო ჩემპიონატში, რომელიც უნგრეთში, ქალაქ ეგერში გაიმართა და ბრინჯაო მოიპოვა! ძნელი წარმოსადგენია, რომ ასეთ შედეგებს დიანამ უმოძრაო ხელის მტევნით მიაღწია. შეჯიბრის დროს, საბრძოლო იარაღს - რაპირას, ხმალს ან დაშნას მჭიდროდ უმაგრებენ ხელზე ელასრიური ბინტით.

ახლა დიანა ინტენსიურად ვარჯიშობს და ემზადება ახალი შეჯიბრისთვის... მისი მიზანია საქართველო ასახელოს და სამშობლოში ოქროს მედალი ჩამოიტანოს!

„ერთი სარეაბილიტაციო კურსისთვის მაინც თუ შევძლებ თანხის შეგროვებას, ხელი რომ აღვიდგინო და იარაღი სრულფასოვნად დავიჭირო, მსოფლიო ჩემპიონატზე აუცილებლად გავიმარჯვებ. მინდა ყველას დავუმტკიცო, რომ ჩვენს ქვეყანაში ძლიერი და შეუპოვარი ხალხი ცხოვრობს!“ - ამბობს დიანა. ბევრჯერ მიუმართავს სხვადასხვა ორგანიზაციისთვის, მაგრამ რეაბილიტაციისთვის საჭირო თანხა ვერ შეაგროვა. საჭირო მკურნალობის ჩატარება კიევშია შესაძლებელი. „უკრაინაში საგრძნობლად იაფია, ვიდრე ევროპაში, და ხალხიც უფრო ახლობელია - ეს კი ძალიან მნიშვნელოვანია“

დიანა ძალიან ენერგიულია, უსმენს როკ-მუსიკას, ოცნებობს, მოხვედეს „სეპულტურას“ კონცერტზე, რომელიც თბილისში, 27 ნოემბერს გაიმართება. მაგრამ ბილეთის ყიდვა არ შუძლია. პენსია, რომელსაც ის იღებს, საჭმლის საყიდლადაც ძლივს ჰყოფნის. სხვა შემოსავალი არ აქვს, მატერიალურ დახმარებას არავინ უწევს.

ფონდი „სოციალური პარტნიორობა“ იწყებს აქციას დიანას რეაბილიტაციისთვის თანხის შესაგროვებლად. ძალიან გთხოვთ ყველა ადამიანს, ვისაც დახმარების გაწევა შეგიძლიათ გამოიჩინოთ გულისხმიერება, ეს ის შემთხვევაა, როდესაც ჩვენი თანადგომა არა მხოლოდ ერთ ადამიანს დაეხმარება, არამედ საქართველოსაც მოუტანს შედეგს.

თუ გაქვთ საშუალება დახმარება აღმოუჩინოთ ამ მშვენიერ, ძლიერ, ენერგიულ გოგონას, თანხა შეგიძლიათ გადმორიცხოთ ფონდის ანგარიშზე: GE15TB7194336080100003 (დანიშნულება: დიანა ჯიშიაშვილი)

droni.ge




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია