Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » საინტერესო ბმულები » მიხეილ სააკაშვილის ბრაზილიური ვოიაჟი პრეზიდენტის ადმინისტრაციას 151 415,41 ლარი დაუჯდა

მიხეილ სააკაშვილის ბრაზილიური ვოიაჟი პრეზიდენტის ადმინისტრაციას 151 415,41 ლარი დაუჯდა

თარიღი: 5-06-2013, 08:43,

პრეზიდენტ მიხეილ სააკაშვილის ბრაზილიაში ვიზიტისთვის 151 415,41 ლარი დაიხარჯა.

2012 წლის 1 იანვრიდან 2013 წლის 31 იანვრამდე კი პრეზიდენტის ოფიციალურ ვიზიტებზე სულ 2 336 857,14 ლარია დახარჯული, - ამის შესახებ ინფორმაციას IDFI ავრცელებს. IDFI-ის ინფორმაციით, მიხეილ სააკაშვილი ბრაზილიაში შარშან ივნისში იმყოფებოდა.

"2012 წლის მაისში პრეზიდენტმა გააკეთა განცხადება ბრაზილიაში ეკონომიკისა და მდგრადი განვითარების და განათლებისა და მეცნიერების სამინისტროების თანამშრომლების ვიზიტთან დაკავშირებით, სადაც მან აღნიშნა, რომ "ბიჭებს და გოგოებს ბრაზილიაში გასეირნება მოენატრათ. საინტერესოა, რომ ერთ თვეში პრეზიდენტის განკარგულებით ადმინისტრაციის ბიუჯეტიდან ბრაზილიაში პრეზიდენტის ვიზიტზე 151 415,41 ლარი გამოიყო", - ნათქვამია IDFI-ის სტატიაში.

"ინფორმაციის თავისუფლების განვითარების ინსტიტუტის" მონაცემებით, ამ თანხიდან 405 104,43 ლარი გასული წლის იანვარში, აშშ-სა და გერმანიაში ვიზიტზე, 402 036,73 ლარი - მარტში, აშშ-სა და საფრანგეთში, 169 991,94 ლარი კი ოქტომბერში ბელგიასა და ჩეხეთში განხორციელებულ ოფიციალურ ვიზიტებზე დაიხარჯა.

2012 წლის 1 ოქტომბრის საპარლამენტო არჩევნების შემდეგ კი საქართველოს პრეზიდენტი ოფიციალური ვიზიტით 10 სხვადასხვა ქვეყანაში იმყოფებოდა (რუმინეთი, ემირატები, ბელგია, ჩეხეთი, უკრაინა, სომხეთი, პოლონეთი, ბელგია,

საფრანგეთი, ავღანეთი). აღნიშნულ ვიზიტებზე პრეზიდენტის ადმინისტრაციიდან 600 912,6 ლარი გამოიყო.

IDFI-იმ პრეზიდენტის სამივლინებო ხარჯების შესახებ ინფორმაცია პრეზიდენტის ადმინიტრაციიდან გამოითხოვა. სტატიაში აღნიშნულია, რომ ადმინისტრაციიდან მიღებული ინფორმაცია არ არის სრულყოფილი და პასუხში არ არის მითითებული ქვეყნის შიგნით განხორციელებული ვიზიტები, ასევე, ცალ-ცალკე არ არის გამოყოფილი ოფიციალურ ვიზიტებსა და სამუშაო შეხვედრებზე გაწეული ხარჯები.

როგორც IDFI-ის პრეზიდენტის ადმინისტრაციაში განუცხადეს, წარმოდგენილი თანხები მოიცავს მთლიანად დელეგაციის და არა მხოლოდ პრეზიდენტის ხარჯებს. ამასთან, ამ ხარჯებში კატეგორიების, მაგალითად საწვავის, ბილეთების, დაცვის, სასტუმროს ხარჯების ცალკე გამოყოფა არ ხდება, რადგან ადმინისტრაციაში შესული განკარგულება მხოლოდ ვიზიტისთვის საჭირო ჯამურ თანხას მოიცავს.

IDFI ასევე აღნიშნავს, რომ ზოგიერთი ვიზიტის შესახებ პრეზიდენტის ადმინისტრაციის ვებგვერდზე ინფორმაცია არ მოიპოვება.

ნათია ლეშკაშელი


წყარო




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია