Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » კარდენახში გლეხმა ვაზი გაჩეხა (ვიდეო)

კარდენახში გლეხმა ვაზი გაჩეხა (ვიდეო)

თარიღი: 22-09-2015, 11:10,
"კახეთის საინფორმაციო ცენტრი" მასალას ავრცელებს, რომლის მიხედვითაც ირკვევა, რომ კარდენახში გლეხმა ვაზი გაჩეხა. „განა მართლა 70 თეთრად იბარებენ ყურძენს? ქარხანაში რომ მიგაქვს, 2–3 დღე რიგში დგახარ დატვირთული მანქანით. მერე გიწუნებენ ყურძენს და 60 თეთრს გადაგიხდითო. 3 დღის ყურძენს სადღა წაიღებ? იძულებული გავხდი და ჩავაბარე. გამაწამეს ქარხანაში. მასხარად გვიგდებენ მევენახეებს. რაც დავხარჯე იმასაც ვერ ვინაზღაურებ. ოჯახი ხომ უნდა ვარჩინო? ერთი კილოგრამი წიწაკა 1.30 ლარი ღირს. ვენახი გავჩეხე და წიწაკას მაინც მოვიყვან“, – განუცხადა "კახეთის საინფორმაციო ცენტრს" კარდენახში მცხოვრებმა გელა გრიშენკომ, რომელმაც 0.25 ჰექტარზე მსხმოიარე ვაზი უკვე გაჩეხა, ახლადგაშენებული ვაზის გაჩეხვა კი დღეს დაიწყო.

როგორც ონლაინ გამოცემა წერს, "ვაზის გაჩეხვას კარდენახში მცხოვრები სხვა მევენახეებიც აპირებენ. „ბატონი ივანიშვილი ხომ დაგვპირდა ყურძენი 1 ლარი იქნებაო, რატომ არ შეასრულა დაპირება? აი, სადამდე მიგვიყვანა, ახლადგაშნებული ვენახების გაჩეხვა დაიწყო ხალხმა. გადაწყვეტილი მაქვს, რომ მეც უნდა გავჩეხო. აზრი არ აქვს, ზარალია. სხვა შემოსავალი ჩვენ არ გვაქვს და ოჯახი რამით ხომ უნდა ვარჩინოთ“, – ამბობს მევენახე მალხაზ ნანობაშვილი.

„იმ 9 წელს რომ მისტირიან, სააკაშვილი რომ არ ვარგოდა, ხომ იმიტომ გადავაყენეთ? ესენი რას აკეთებენ, ეს მთავრობა? რატომ ხელს არ გვიწყობენ? თუ ვერც ღვინო გააქვთ უცხოეთში, ვერც რუსეთთან ალაგებენ ურთიერთობას, ვერც საქართველოში ახერხებენ ვერაფერს, რისთვის არიან? მარტო იმიტომ რომ პრემიები აიღონ?“, – აღნიშნავს ალიკა ხატიაშვილი.

ყურძნის გასაყიდ ფასთან და ღვინის ქარხნებში ჩაბარებასთან დაკავშირებული პრობლემების მიუხედავად, კახეთში რთველი აქტიურ ფაზაშია შესული. ღვინის ეროვნული სააგენტოს მონაცემებით, 22 სექტემბრის მდგომარეობით, გადამუშავებულია 35 765 ტონა ყურძენი.

წელს კახეთში ყურძნის უხვი მოსავალია. რეგიონში 200 ათას ტონამდე ყურძენია მოსალოდნელი.

სახელმწიფო ერთ კილოგრამ რქაწითელში 25 თეთრს იხდის, რასაც სახელმწიფო სუბსიდიის სახით 35 თეთრი ემატება და ჯამში 60 თეთრს შეადგენს. საფერავს სახელმწიფო 60 თეთრად იბარებს და სუბსიდიის სახით 15 თეთრი ემატება, ჯამში ერთი კილოგრამი საფერავის ფასი 75 თეთრია. ზოგიერთი კერძო კომპანია ქრაწითელში 70 თეთრს იხდის სუბსიდიის ჩათვლით, საფერავში კი 85 თეთრს.

ყურძენზე ფასის გაზრდის მოთხოვნით მევენახეებმა არაერთი საპროტესტო აქცია გამართეს, საავტომობილო გზებიც გადაკეტეს, პარლამენტშიც ჩავიდნენ, მაგრამ ფასი არ შეიცვალა. პოლიციამ აქციის რამდენიმე მონაწილე დააკავა კიდეც დაუმორჩილებლობის ბრალდებით, მაგრამ სასამართლომ ისინი ადმინისტრაციულ სამართალდამრღვევებად არ ცნო მტკიცებულებების არქონის გამო.

მევენახეების საპასუხოდ ხელისუფლებამ გაავრცელა სოფლის მეურნეობის სამეცნიერო კვლევითი ცენტრის მრავალწლოვანი კულტურების კვლევის დეპარტამენტის უფროსის, ასოცირებული პროფესორისზვიად ბობოქაშვილის განმარტება, რომ საშუალოდ, 1 კილოგრამი ყურძნის მოყვანა 29 თეთრი ჯდება, რასაც მევენახეები არ ეთანხმებიან. ბობოქაშვილის თქმით, სოფლის მეურნეობის წარმოებაში ორმოცდაათ პროცენტიანი მოგების მარჟა სავსებით მისაღები უნდა იყოს.

„ყურძენზე ფასი სასურველია მეტი ყოფილიყო, მაგრამ მე მახსოვს, შარშან 2 ლარსაც აპროტესტებდა მოსახლეობა და 3 ლარი რომ იქნება, 4-ს გააპროტესტებს. ეს ჩვეულებრივი ჯანსაღი მოვლენაა. ძალიან საზეიმო რთველი გვექნება. ამის გარანტიას გაძლევთ“,- განაცხადა სოფლის მეურნეობის მინისტრმა ოთარ დანელიამ 13 სექტემბერს.

ღვინის საინფორმაციო ცენტრის დამოუკიდებელი კვლევის მიხედვით, არაორგანული მევენახეობის პრაქტიკაში 1 კგ. რქაწითელის ფასი 0.17-დან 0.43 ლარამდეა, ხოლო 1 კგ. საფერავისა - 0.22-დან 0.65 ლარამდე. ორგანული მეთოდებით მოვლილ ვენახში 1 კგ. რქაწითელზე ფასი 0.36-დან 0.74 ლარამდე იზრდება, 1 კგ. საფერავის თვითღირებულება კი 0.68 ლარს შეადგენს.

2014 წელს კახეთში ღვინის კომპანიები საფერავის ჯიშის ყურძენს 1.50 – 3.40 ლარად (ადგილწარმოშობის მიხედვით) იბარებდნენ, რქაწითელს 1 ლარად სახელმწიფო სუბსიდიის ჩათვლით. სპეციალისტების შეფასებით, ყურძენზე ფასის გაზრდა რუსეთის ბაზრის გახსნამ გამოიწვია, რომელიც ემბარგოს გამო რამდენიმე წლის განმავლობაში ქართული ღვინისთვის დაკეტილი იყო. მევენახეებმა კახეთში ახალი ვენახების მასობრივად გაშენება დაიწყეს.

2015 წლიდან რუსეთში ქართული ღვინის ექსპორტი მნიშვნელოვნად შემცირდა. სტატისტიკური მონაცემებით, 2015 წლის აგვისტოში რუსეთში ღვინის ექსპორტმა 58%–ით იკლო, 8 თვის მონაცემებით კი 46%–ით არის შემცირებული", - წერს "კახეთის საინფორმაციო ცენტრი" და ფოტომასალას ავრცელებს.

presa.ge




კომენტარები




მსგავსი სიახლეები:
  • ყურძენი და ფული ყველას უნდა! რატომ ღელავს საქართველო კახელების ბიზნესზე?
  • ახლა ეს გაიაზრონ კარგად ,,ზევითაც" და,, ქვევითაც“!
  • მოკლესახელოიანი კაბის ჩაცმის გამო მამამთილმა რძალი, შვილი და 2 წლის ბავშვი ...
  • ლადო სადღობელაშვილი: სააკაშვილმა ერეკლე მეორის ღვინის თასი ყალბი ორეულით შე ...
  • ქართულ ბაზარზე ხორცი გაძვირდა

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია