Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » საინტერესო ბმულები » სიმსუქნე, ეპილეფსია და კიბო გენეტიკურ ანომალიად აღიარეს!

სიმსუქნე, ეპილეფსია და კიბო გენეტიკურ ანომალიად აღიარეს!

თარიღი: 7-08-2015, 03:45,
არცთუ შორეულ წარსულში მეცნიერებმა დღეგრძელობის გენი აღმოაჩინეს, რომელიც ხანგრძლივი სიცოცხლის საიდუმლოს ინახავს... თუმცა ეს არ ნიშნავს, რომ მზა რეცეპტი _ როგორ გავახანგრძლივოთ ჩვენი ამქვეყნიური ყოფა, არსებობს, მით უმეტეს, იმ ფონზე, რომ გენეტიკურად ადამიანებს მხოლოდ დღეგრძელობა კი არა, სხვადასხვა დაავადებაც გადმოგვეცემა. სწორედ ესაა საინტერესო _ რა არის დღეისთვის ცნობილი გენების შესახებ. დადასტურებულია, რომ ადამიანს გენეტიკურად გადაეცემა გარეგნობა, ხასიათი, დაავადებები... გენებზეა დამოკიდებული ბავშვის სქესი, სიმაღლე, მიდრეკილება ღალატისკენ და რელიგიური შეხედულებებიც კი, მაგრამ რამდენადაა მზად თანამედროვე მეცნიერება ამ გამოწვევას ბრძოლა გამოუცხადოს და თან გამარჯვებულიც დარჩეს?!

ფაქტია _ გენეტიკის თანამედროვე ხარისხი, მეცნიერთა უკანასკნელი პერიოდის კვლევები და დიაგნოსტიკის მეთოდები კონკრეტული ადამიანის ყოველი გენის კვლევის საშუალებას იძლევა, თუმცა გენეტიკური დაავადებები სიმშვიდის საფუძველს ნამდვილად არ იძლევა. გენეტიკური დაავადებები კი ერთ კონკრეტულ გენში ცვლილებების შედეგად ჩნდება. დღეისთვის ასეთი 3 500 და ავადებაა აღმოჩენილი და მათ შორის ნახევრის შემთხვევაში დამნაშავე ერთი გენია, თუმცა რომელი გენი აღმოჩნდება ძლიერი და ,,თავს შემოინახავს'' მომავალი თაობებისთვის _ ამის განჭვრეტა საკმაოდ რთულია. ზოგიერთი გენი საფუძვლიანადაა შესწავლილი და სპეციალისტებს ძალუძთ მათი დაბლოკვაცა და ,,ამუშავებაც'', მაგრამ ჯერ კიდევ უამრავი გენია შეუსწავლელი და მათ დღემდე იკვლევენ.

დღეგრძელობის გენი
ჰარვარდის სამედიცინო სკოლის მეცნიერებმა აღმოაჩინეს და ის, ფაქტობრივად, 10 გენის ერთობლიობის შედეგია. კვლევა 91-დან 109 წლამდე ადამიანებზე ჩატარდა და მათი გენების შესწავლის შედეგად ყოველ მათგანს ,,ქრომოსომი 4'' აღმოუჩინეს. მეცნიერები მიიჩნევენ, რომ სწორედ ეს ქრომოსომია იმ ათი გენის ,,ნაზავი'', რომელიც გავლენას ახდენს სიცოცხლის ხანგრძლივობაზე. ეს გენები, თავიანთ მატარებლებს ეხმარება წარმატებით შეებრძოლონ კიბოს, გულისა და სხვა დაავადებებს. მეცნიერები კი სამომავლოდ აპირებენ, გამოყონ ის ქიმიური ნივთიერებები, რომლებიც ამ გენებს წარმოქმნის და მათ საფუძველზე შექმნან პრეპარატი ასაკოვანი ადამიანებისთვის. ამ სამუშაოს ძირითადი მიზანი სიცოცხლის გახანგრძლივება კი არა, ასაკობრივი დაავადებებისა და ტკივილის თავიდან აცილებაა. ბოლო 20 წელი ადამიანმა ტკივილის გარეშე რომ გაატაროს, საჭიროა გენები, რომელთაც შეუძლიათ, შეებრძოლონ სხვადასხვა დაავადებას.

ეპილეფსიის მიზეზები
როგორც წესი, ეპილეპტიკური გულყრის გამომწვევი მიზეზის დადგენა შეუძლებელია, მით უმეტეს, ზოგიერთ შემთხვევაში ექსპერტები საუბრობენ იდიოპათიურ ეპილეფსიაზე. მელბურნის უნივერსიტეტის სპეციალისტების თაოსნობით შექმნილმა მეცნიერთა ჯგუფმა გაარკვია, რომ იდიოპათიური ეპილეფსიის 12% გენ DEPDჩ5-ის მუტაციითაა გამოწვეული.
გენების მუტაცია და კიბო
ერთ-ერთი საშუალება, დადგინდეს საკვერცხეების კიბოს წარმოქმნის ალბათობა _ სპეციალური ანალიზია, რომელიც იტყობინება BღჩA1 და BღСA2 გენების მუტაციის შესახებ. ეს ანალიზი იმ ქალებისთვისაა განკუთვნილი, რომელთათვისაც საკვერცხის კიბო გენეტიკური რისკფაქტორია. და სხვათა შორის, სწორედ ამ გარემოებამ აიძულა ჰოლივუდის ვარსკვლავი ანჯელინა ჯოლი, რომელსაც დედა საკვერცხის კიბოთი, დეიდა კი ძუძუს სიმსივნით გარდაეცვალა, ამოეკვეთა სარძევე ჯირკვლები.

სიმსუქნე და შთამომავლობა
კიდევ ერთი პრობლემა რომელიც მსოფლიოს აწუხებს და მეცნიერები დღემდე ამაოდ ებრძვიან მას _ სიმსუქნეა. მკვლევარები ცდილობენ, საკითხი მხოლოდ დიეტითა და ფიზიკური დატვირთვით კი არა, გენეტიკურ დონეზეც გადაჭრან მით უმეტეს, რომ ცნობილია _ სიმსუქნისკენ მიდრეკილება იმ ადამიანებს უჩნდება, რომელთაც ერთგვარი დეფექტი აღენიშნებათ გენში FთO. ეს გენი არღვევს ,,შიმშილის გენის'' _ გრელინის ბალანსს, რაც მადის დარღვევას განაპირობებს და ადამიანი იძულებულია, შიმშილის დასაკმაყოფილებლად სულ უფრო მეტი საკვები მიიღოს. სპეციალისტები იმედოვნებენ, რომ შექმნიან პრეპარატს, რომელიც დააქვეითებს ორგანიზმში გრელინის კონცენტრაციას.

გენეტიკა და გონებრივი შესაძლებლობები
არცთუ დიდი ხნის წინ ჩინელმა მეცნიერებმა განაცხადეს, რომ ეძებენ ,,ჭკუის გენს'', მთავარი ამოცანა კი ისაა, ისწავლონ ისეთი ჩვილების ,,გამოყვანა'', რომლებიც ნიჭიერები იქნებიან ზუსტ მეცნიერებებში, ეს პროცესი კი საბოლოოდ საგრძნობლად აამაღლებს მთელი ჩინური ნაციის ინტელექტს.

დაბერების გენი
გენი პ66შჰც ხელს უწყობს ორგანიზმის დაბერებას, მაგრამ მისი შესწავლის შედეგად მეცნიერები მოულოდნელ დასკვნამდე მივიდნენ _ გაირკვა, რომ სიბერის გენი არა მხოლოდ ნელნელა კლავს ჩვენს ორგანიზმს, არამედ ერთგვარი დამცავი მექანიზმია შიმშილისა და სიცივის დროს. მეცნიერულად უკვე დადასტურებულია, რომ ყოველი ადამიანი იდუმალი მატარებელია მინიმუმ ხუთი გენეტიკური დაავადებისა, მაგრამ იმისთვის, რომ რომელიმე მათგანი მომავალ თაობას გადაეცეს, მეორე მშობელსაც უნდა აღენიშნებოდეს იმავე გენში პათოლოგიური ცვლილებები. ასეთი ,,შეხვედრის'' ალბათობა კი ძალიან მცირეა, ამიტომ ექსპერტები დარწმუნებულები არიან _ თეორიული რისკი, გააჩინოს ავადმყოფი ბავშვი, აქვს ნებისმიერ წყვილს, მაგრამ მისი მაჩვენებელი 5%-ს არ აღემატება. უმრავლეს შემთხვევაში გენეტიკური ანომალიებით ბავშვის გაჩენა _ ამ პროცესის განჭვრეტა ფაქტობრივად შეუძლებელია. გარდა ამისა, ოჯახს, სადაც გენეტიკურმა ანომალიებმა უკვე იჩინა თავი, აქვს შანსი, გააჩინოს აბსოლუტურად ჯანმრთელი ბავშვი. გენეტიკური დაავადების რისკის გათვლა კი მხოლოდ ექიმ გენეტიკოსს შეუძლია, მაგრამ ამისთვის აუცილებელია გენეალოგიისა და წინაპრების სამედიცინო ისტორიის ცოდნა.

თამარ ლომსაძე

versia.ge




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია