Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ეთერ კაკულიას ღიმილიანი და ოპტიმისტური პროფილი

ეთერ კაკულიას ღიმილიანი და ოპტიმისტური პროფილი

თარიღი: 27-06-2015, 14:41,
“იცით როგორ მინდა სიცოცხლეე? იცით როგორ მინდა კიდე დიდიხანი ვეფერო ჩემს ხალხს? ... იცით რაა? 102 წელი მინდოდა მეცოცხლა, მაგრამ არ გამომდის ვატყობ (მოიწყინა), და ჩემი ვარსკვლავის გახსნაზე მინდა, იცით რატომ? იმიტომ, რომ მომენატრა ჩემი ხალხის მოფერება, რამდენი თვეა აღარც კონცერტზე გამოვსულვარ, ვეღარც ვერსად მივდივარ და მინდა, რომ ერთი დიდი ლამაზი კონცერტით მოვეფერო ჩემს ქართველ ხალხს. არადა ოქიტაშვილი, რომ მეუბნებოდა ადრე - ვარსკვლავი უნდა გაგიხსნათო, გაჩერდი ერთი თუკაცი ხარ - ვისაც გაუხსენი ყველა გარდაიცვალა-თქო (იცინის) და არმინდათქო, მაგრამ ახლა - უარზე აღარ ვარ (იცინის)”,- ეს ერთ-ერთი ბოლო ინტერვიუა რომელიც ყველასათვის საყვარელმა ქართველმა მომღერალმა გარდაცვალებამდე რამდენიმე თვით ადრე ერთ-ერთ გამოცემას მისცა.

ხანგრძლივი ავადმყოფობის შემდეგ მომღერალი ეთერ კაკულია 67 წლის ასაკში დღეს გარდაიცვალა.

ისრაელში მომღერალს ქიმიოთერაპიის კურსი სულ ცოტა ხნის წინ შეუჩერეს. მისი მდგომარეობა მოულოდნელად დამძიმდა, ბოლო დღეები ქალბატონმა ეთერიმ მისივე დაჟინებული მოთხოვნით, თბილისში, დოლიძის ქუჩაზე გაატარა.

მომღერლის უკანასკნელი მიმართვა, სამშობლოში ჩამოსვლის შემდეგ გავრცელდა, სადაც ის ქართველებს სიყვარულს უხსნიდა.

"ისეთი გაოგნებული ვარ, რომ ენა მებმის. როგორ მიყვარხართ მთელი საქართველო, ეს ბიჭები... ამ ბიჭებმა ამომიყვანეს მეოთხე სართულზე. ღმერთო, გადამახდევინე ყველაფერი, საყვარელო უფალო...", - აცხადებდა ქალბატონი ეთერი.

ქალბატონ ეთერს სიცოცხლისთვის ბრძოლა და იმედი ერთი წუთით არ დაუკარგავს, ხშირად იყენებდა მის საფირმო სიტყვას „ოპტიმისტურად ვარ“.

„მთელი ცხოვრება ვიყავი ლაღი და ჯანმრთელი, ანალგინიც არ დამილევია, მაგრამ მოხდა ისე რომ შემერყა ჯანმრთელობა და იცით განვიცდი და არ მინდა, რომ ეს შევიმჩნიო. 2 წლის წინ გავიკეთე ოპერაცია, ახლა უკვე მჭირდება ხელისშეწყობა, რომ განვიკურნო. მინდა ხალხმა სულ ხალისიანი მნახოს. დამეკარგა ხალისი, მაგრამ მჯერა ისევ დამიბრუნდება ხალისი ძალიან მალე.“ - აცხადებდა ქართული სცენის ლეგენდა დაახლოებით ერთი წლის წინ.

„პრესა.ჯი“-მ ამოკრიფა ყველა მნიშვნელოვანი ფაქტი, რომლის შესახებაც ეთერ კაკულია ჟურნალისტებთან ხშირად საუბრობდა.

ბავშვობა...

„იცი, როგორი ბავშვი ვიყავი? დედაჩემი სადაც დამსვამდა, იქ ვიჯექი, სანამ მეტყოდა, რომ ავმდგარიყავი. საბედნიეროდ, მერე ცოტა გამოვსწორდი ორბორბლიანი ველოსიპედი მიყიდეს და ამან გამომაცოცხლა.

ალბათ, მეხუთე კლასში ვიყავი, როცა მეგობრებთან ერთად კუს ტბაზე გავიპარე, არადა, ისე მეშინოდა დედის, როგორც თოფის, მაგრამ მაინც წავედი. თურმე მთელი ქუჩა გვეძებდა, როგორც იქნა, მივედით სახლთან და დაიწყო გადაძახილები, მოვიდნენ, მოვიდნენ, კარგად არიანო. დედამ მეზობლის ქალი ელჩად გამოუშვა ჩემთან და დააბარა, სახლში არ მოვიდესო, რაღას ვიზამდი, შემიფარა მეზობელმა და ორი ღამე მასთან მეძინა... ოთხი სკოლა გამოვიცვალე. ნახე, რამდენის მომსწრე ვააარ? მე და ლენინი მგონი მიტინგებზე ერთად დავდიოდით, რამდენი რამე ვიცი, ნუუუუუუუუუუუ? ჭკუა მეკეტებოდა შატალოზე, ბიძაჩემის სკოლაში რომ დავდიოდი, განსაკუთრებით მაშინ მომწონდა სკოლიდან გაპარვა, პირდაპირ კინოში მივდიოდით და სულ აღარ გვაინტერესებდა, რა ხდებოდა გარეთ. მერე დამიბარებდა ბიძაჩემი და მთხოვდა, ნუ აკეთებ ასეთ რაღაცებსო, მაგრამ... მეორე დღეს იმავეს ვიმეორებდი.

სტუდენტობა...

„მიუხედავად იმისა, რომ მესამე მუსიკალური სასწავლებელი დავამთავრე და ყველა მეუბნებოდა, კონსერვატორიაში ჩააბარეო, მე არჩევანი დასავლეთ ევროპის ენებისა და ლიტერატურის ფაკულტეტზე გავაკეთე.

პედაგოგიური გამოცდილება

- უნივერსიტეტი რომ დავამთავრე, „გეპეიში“ გერმანულის ლექტორად დამნიშნეს, ოღონდ ლექციებზე ამ უცხო ენას კი არ ვასწავლიდი, სტუდენტებს ვუყვებოდი, როგორ დავდიოდი გასტროლებზე ლონდონში, რიგაში და ა.შ. აბა, რაში აინტერესებდათ ინჟინრებს ჩემი გერმანული?! სამაგიეროდ, ჩემს ლექციებზე ბრდღვნა იყო, სტუდენტები აუდიტორიაში შემოსვლას ერთმანეთს ასწრებდნენ. სხვა პედაგოგ-მასწავლებლები დაფიქრდნენ, ნეტავ, რას ასწავლის ამისთანას, ბავშვები მუდმივად მის ლექციებზე რომ მიიჩქარიანო და დეკანატმა გადაწყვიტა, ლექციაზე დამსწრებოდა. რა ვქნა არ ვიცი, ერთი სიტყვა არ იცის არც ერთმა ჩემმა სტუდენტმა გერმანულად. შემოვიდა რვა პროფესორ-მასწავლებელი და მეც დავიწყე რაღაცების წერა, როდემდე უნდა მეწერა, მოვბრუნდი და სტუდენტებს ვეკითხები, აბა, როგორ არის გერმანულად ჩვენ, ეს ნაცვალსახელი ამ ენაზე არის ვირ, რატომღაც ვიფიქრე, ეს მაინც ეცოდინებათ-მეთქი და ამიტომ დავსვი ვითომდა მარტივი შეკითხვა. რასაკვირველია, ყველა დუმს, ახლა სხვანაირად მივანიშნე, ბავშვებო, კახეთში ყველაზე მეტად რომელი ცხოველი უყვართ-მეთქი, ვირიო, ჰოდა ეგა ვართ ჩვენ-მეთქი... არ გაგიკვირდებათ ალბათ თუ გეტყვით, რომ ის ჩემი ბოლო ლექცია იყო.

სიყვარული...

ერთადერთხელ იყო დაქორწინებული რეზო ვაჩიბერიძეზე. ამ ქორწინებიდან ჰყავს ერთადერთი შვილი ალეკო.
„35 წლის გავთხოვდი, ავჩქარდით და გავიპარეთ, მშობლები კი ამას ბოლომდე ვერ შეეგუვნენ. ჩემი მეუღლე რეზო ვაჩიბერიძე პროფესიით კვების ტექნოლოგი გახლდათ, სულ კარგ თანამდებობებზე მუშაობდა, 5-6 წელი ვიცხოვრეთ ერთად, ის ჩემს რეჟიმს, გასტროლებს ვერ ეგუებოდა, მე კი ამის გარეშე ცხოვრება არ შემეძლო, მერე და მერე თითქოს აღარც მიყვარდა და დავშორდით. ქმართან გაცილების შემდეგ გასტროლებზე ციმბირში წავედი (იცინის). მას შემდეგ ოჯახის შექმნაზე აღარ მიფიქრია.

...37 წლის ასაკში გავაჩინე შვილი, ფანატიკურად შეყვარებული დედა ვიყავი, მასაც ძალიან უჭირდა უჩემობა და მეც.

ეთერ კაკულიას თავისი შემოქმედების მანძილზე სხვადასხვა კომპოზიტორის მიერ დაწერილი 200-მდე სიმღერა აქვს შესრულებული, ასევე შესრულებული აქვს ჰიმნები საქართველოს თითქმის ყველა რეგიონზე.

დაჯილდოებულია ღირსების ორდენით.

presa.ge




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია