Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » “საქართველოში ახალი მომაკვდინებელი ვირუსი გავრცელდა?!“

“საქართველოში ახალი მომაკვდინებელი ვირუსი გავრცელდა?!“

თარიღი: 19-05-2015, 04:25,
საქართველოში ახალი მომაკვდინებელი ვირუსი გავრცელდა – ამ სათაურით გაზეთი "კვირის ქრონიკა" სტატიას აქვეყნებს. როგორც გამოცემა წერს, თუ დროული სამედიცინო ჩარევა არ მოხდა, ლეტალური შედეგებით სრულდება, მოსახლეობა კი ამის შესახებ ინფორმირებული არ არის.

ადვოკატი ლალი აფციაური „კვირის ქრონიკასთან" ყვება, რომ ეს ვირუსი მას და მისი ოჯახის წევრებსაც შეხვდათ და რომ არა დროული სამედიცინო ჩარევა, დღეს ის ცოცხალი არ იქნებოდა.

„ყველაფერი იქედან დაიწყო, რომ ჩემი ოჯახის წევრები გახდნენ ცუდად. დედა მანგლისში იყო, 21 აპრილს დამირეკეს და მითხრეს, რომ მას სიცხე ჰქონდა. ექიმს გამოვუძახეთ და ფილტვების ანთება დაუდგინეს. ცუდად გახდა დეიდაჩემიც, ვარაუდობდა, რომ გაციებული იყო და მკურნალობა მანაც დაიწყო. მეორე დღეს სასწრაფო დახმარებას გამოვუძახეთ და გვითხრეს, რომ არც ერთს ფილტვებში არაფერი უჩანდა. თუმცა, სასწრაფოს წასვლიდან ნახევარ საათში დეიდაჩემი გაითიშა. მას გონება დაკარგული ჰქონდა, მაგრამ ერთი დეტალია: პირიდან დუჟი მოსდიოდა. დეიდაჩემი სასწრაფო მანქანით თბილისში რომ მოჰყავდათ, ამ დრო დედაჩემიც კომაში ჩავარდა. ორივე რკინიგზის საავადმყოფოში მოათავსეს. გზაში მეც ცუდად ვიგრძენი თავი და საჭესთან მჯდომიარე გავითიშე, მე ინგოროყვას საავადმყოფოში გადამიყვანეს. საავადმყოფოში მისვლის დროს ფილტვები შემიშუპდა და რეანიმაციის განყოფილებაში გადამიყვანეს. მახსოვს, რეანიმაციის განყოფილებაში არაერთი ადამიანი იყო ფილტვების შეშუპებით მოთავსებული. ასევე, გონებაში ჩარჩენილი მაქვს ფრაზა, ექიმები ერთმანეთს ეუბნებოდნენ, ეს რაღაც ახალი ვირუსიაო. ჩემი ამბავი სოციალურ ქსელში რომ გავავრცელე, მომწერეს, რომ მათაც ანალოგიური შემთხვევები დააფიქსირეს. მაგრამ, უცნაურია, რომ ეს ვირუსი რატომღაც არ ხმაურდება",- აცხადებს ლალი აფციაური.

ლალი აფციაური ვირუსის სიმპტომებსაც აკონკრეტებს. ,,იწყება დაბალი სიცხით, მაშინვე ხდება ფილტვების შეშუპება, მერე ავადმყოფი კომაში ვარდება, გადმოსდის დუჟი და რაც ყველაზე საგანგაშოა, სიკვდილით მთავრდება… თავად ექიმებიც აღნიშნავენ, რომ უმძიმესი პროცესია. საავადმყოფოდან რომ გამომიყვანეს, ჩემი ოჯახის წევრებს უთხრეს, რომ სიკვდილს ბეწვზე გადავრჩი. გადარჩა დეიდაჩემიც, თუმცა დედაჩემმა ვერ გაუძლო და გარდაიცვალა",- აღნიშნავს ადვოკატი.

აფციაური მოსახლეობას მოუწოდებს, აღნიშნული სიმპტომების შემთხვევაში, დროულად მიმართონ ექიმს, რათა უბედური შემთხვევები თავიდან აირიდონ.

,,ხალხს ამის შესახებ ინფორმაცია უნდა ჰქონდეს და უნდა იცოდეს, რომ ქვეყანაში ასეთი რამ ხდება. და როცა ასეთი უამრავი შემთხვევაა, ამის შესახებ განცხადება უნდა კეთდებოდეს, რომ ხალხმა საკუთარ თავს მაინც უპატრონოს, თორემ, ვიმეორებ, დიდია ალბათობა ლეტალური შედეგისა", – აცხადებს ლალი აფციაური.

"კვირის ქრონიკა" კომენტარისთვის დაავადებათა კონტროლის ეროვნული ცენტრის ხელმძღვანელს პაატა იმნაძესაც დაუკავშირდა. „ფანჯარა გამოაღეთ და გაიხედეთ, როგორი ამინდია, მეც მქონდა ეგ ვირუსი ახლა! რადგანაც ასეთი ამინდებია, სეზონი გაგრძელდა და ვირუსებიც გაგრძელდა. ახალი არაფერი და ხელოვნური ეს ვირუსი არაა. გამოვა მზე და ყველაფერი კარგად იქნება! თუ ძალიან გაინტერესებთ, ამჟამად გავრცელებულია რინოვირუსი და სიფრთხილე, ცხადია, ცხადია საჭირო", – აცხადებს იმნაძე.

kvira.ge





კომენტარები




მსგავსი სიახლეები:
  • როგორ დავიცვათ თავი გრიპისგან – რეკომენდაციები ვირუსთან საბრძოლველად
  • ემუქრება თუ არა საქართველოს ებოლას ეპიდემია და რა საფრთხის წინაშე დგას მსოფ ...
  • საქართველოში ყირიმ-კონგოს ცხელებით ორი ადამიანი გარდაიცვალა
  • საქართველოში ახალი ვირუსი აღმოაჩინეს
  • "ვირუსისგან თავის დასაცავად ხშირად დაიბანეთ ხელები და მიირთვით ნიორი"

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია