Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » "... და მერე წავალ უმისამართოდ" - რა დაწერა მოკლულმა პოლიციელმა "ფეისბუქში" უკანასკნელად

"... და მერე წავალ უმისამართოდ" - რა დაწერა მოკლულმა პოლიციელმა "ფეისბუქში" უკანასკნელად

თარიღი: 5-04-2015, 05:01,
4 აპრილს, საღამოს, ვარკეთილის მეტროსთან, ჯავახეთის ქუჩაზე შინაგან საქმეთა სამინისტროს თანამშრომლებს ცეცხლი გაუხსნეს.

როგორც შსს იუწყება, "ისანი-სამგორის სამმართველოს მე-8 განყოფილების უბნის ინსპექტორ-გამომძიებელი ბექა მარგიშვილი, დეტექტივის თანაშემწე - გამომძიებელ ვალერიან გრძელიშვილთან სამსახურებრივ მოვალეობას ასრულებდა, რა დროსაც მათ გადამოწმების მიზნით პიროვნება შეაჩერეს. აღნიშნულმა პირმა მოულოდნელად პოლიციელების მისამართით ცეცხლსასროლი იარაღიდან ცეცხლი გახსნა და შემთხვევის ადგილიდან მიიმალა. სროლის შედეგად ორივე სამართალდამცველი დაიჭრა. მიყენებული ჭრილობების შედეგად ბექა მარგიშვილი საუნივერსიტეტო კლინიკაში გადაყვანის შემდეგ გარდაიცვალა. ვალერიან გრძელიშვილს სამედიცინო დახმარება პირველ კლინიკურ საავადმყოფოში უტარდება.

მიმდინარეობს ოპერატიულ-სამძებრო და საგამოძიებო ღონისძიებები დამნაშავე პირის დადგენა-დაკავების მიზნით. გამოძიებას ქალაქ თბილისის პროკურატურა აწარმოებს."
შინაგან საქმეთა სამინისტრო უბნის ინსპექტორ-გამომძიებელ ბექა მარგიშვილის გარდაცვალების გამო ღრმა მწუხარებას გამოთქვამს და გარდაცვლილის ოჯახს თანაუგრძნობს.
ამ წუთებში შინაგან საქმეთა სამინისტროსთან სამართალდამცველთა განსაკუთრებული მობილიზება შეინიშნება. როგორც "ინტერპრესნიუსის" კორესპონდენტი იტყობინება, ადგილზე იმყოფებიან კრიმინალისტიკური სამსახურის, საგამოძიებო სამსახურის, საპატრულო პოლიციის ეკიპაჟები და შეიარაღებული სპეცრაზმელები. შსს-სთან ასევე იმყოფება სასწრაფო სამედიცინო დახმარების ორი ბრიგადა. კახეთის გზატკეცილის გარდა გადაკეტილია მოძრაობა შინაგან საქმეთა სამინისტროს მიმდებარედ, მოქალაქეებს არ უშვებენ სამინისტროს მახლობლად არსებული საცხოვრებელი უბნის ტერიტორიაზე.

სამართალდამცავები და დასასწრაფო დახმარების თანამშრომლები არ საუბრობენ, თუ რატომ მოხდა მათი მობილიზება, თუმცა, სავარაუდოდ ეს წუხელ მომხდარ პოლიციელის მკვლელობას და ეჭვმიტანილის ძებნის ოპერაციას უკავშირდება.

გარდაცვლილ პოლიციელ ბექა მარგიშვილს წელს აგვისტოში 29 წელი შეუსრულდებოდა, როგორც მისი ნაცნობისგან შევიტყვეთ ნიჭიერი ადამიანი იყო, მღეროდა და ლექსებსაც წერდა. ბექას "ფეისბუქის" საკუთარ პროფილზე ბოლო ჩანაწერი 19 მარტს აქვს დატოვებული. ეს ჩანაწერი მისივე ლექსია, რომელსაც ვაქვეყნებთ:

AVE...

ნუ იგვიანებთ, მეგობრებო, გათენდა, AVE...
მე ერთი გროშიც არ მაბადია ბოლო იმედად,
ო,არ იდარდოთ, დაგიბრუნებთ დახარჯულს ხვალვე,
ვერ ხედავთ,დარდი როგორ მოსჩქეფს მღვრიე დინებად?!.
ნუ გეღიმებათ, მეგობრებო, მე ლოთი არ ვარ!..
მინდა,რომ მზერა ცივი დილის ვნებით გავათბო.
ერთიც დ
ამისხით ამ ფიალაში და მერე წავალ...
ერთიც დამისხით და მერე წავალ უმისამართოდ.
ჩემი ტკივილი და ჩემი ურვა არის ნამდვილი.
მე მიყვარს ღმერთი და სამშვიდობოს გასული ფიქრი...
ხანდახან რთული და ხანდახან ალბათ ადვილი
ეს აღმაფრენა....ჩემი გრძნობები ზეცისკენ მიქრის.
ნუ იგვიანებთ მეგობრებო,გათენდა, AVE...

"კვირის პალიტრა" ღრმა მწუხრებას გამოთქვამს მომხდარი ტრაგედიის გამო და უსამძიმრებს გარდაცვლილის ოჯახს.

kvirispalitra.ge





კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია