Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » დაწუნებული თათული ედიშერაშვილი

დაწუნებული თათული ედიშერაშვილი

თარიღი: 6-12-2014, 08:21,
მსახიობ თათული ედიშერაშვილს სპექტაკლის - "იმერული რეკვიემი" დაწყებამდე, ახმეტელის თეატრის საგრიმიოროში ვესაუბრე. 

როცა მისი პერსონაჟი "კრიმინალად" მოვიხსენიე, ცოტა არ იყოს, განაწყენდა. მითხრა, - ჩემს გმირს ეგონა, რომ ყოვლისშემძლე იყო, მაგრამ გულუბრყვილო მსხვერპლი აღმოჩნდა. თუკი მას კრიმინალად მივიჩნევთ, მაშინ ყველანი კრიმინალები ვყოფილვართო...

- ყოველი სპექტაკლის წინ ვღელავ. ის კი არა და, სერიალის - "შუა ქალაქში" ჩაწერაზეც ყველა მსახიობი ვნერვიულობთ, მიუხედავად იმისა, რომ უკვე 300-მდე სერიაა გადაღებული. მღელვარებას პასუხისმგებლობის განცდა განაპირობებს - ვაიმე, ტექსტი არ დამავიწყდესო... საკუთარ თავს მშვიდად ეკრანზეც ვერ ვუყურებ, ყოველთვის კრიტიკულად განწყობილი ვარ, რაღაც არ მომწონს. მშვიდი ბუნებით არ გამოვირჩევი, ემოციური ვარ, მაგრამ ეს იმას არ ნიშნავს, რომ ვინმეს ნერვებს ვუშლი.



- პირველი სპექტაკლი გაიხსენე, რომელშიც ითამაშე...
- პირველი კურსის სტუდენტი გახლდით. შალვა გაწერელიას ჯგუფში ვიყავი. სპექტაკლი ბატონმა შალვამ დადგა, რომელშიც 2 როლს (პრინცესას და ბებიას) ვასრულებდი. მართალია, სტუდენტური ნამუშევარი იყო, მაგრამ "შეკრული" წარმოდგენა გამოგვივიდა, რამდენჯერმე ვითამაშეთ. მახსოვს, პირველი სასცენო კოსტიუმი რომ ჩავიცვი, უბედნიერესი ვიყავი! საერთოდ, ბატონ შალვას 28-ე აუდიტორიაში ზღაპრული გარემო იყო. თან, იქ შესვლა ყველასთვის არ შეიძლებოდა. ფაქტობრივად, მას პატარა თეატრი ჰქონდა მოწყობილი და 28-ე აუდიტორიაში 4 სპექტაკლში ვითამაშე...

- პირველი ავტოგრაფი...
- პირველი ავტოგრაფი მანამდე მთხოვეს, ვიდრე პოპულარული ტელევიზიით გავხდებოდი: "თავისუფალ თეატრში" "დონ ჟუანი" ჩემთვის ერთ-ერთი წარმატებული სპექტაკლი აღმოჩნდა. მაშინ ვფიქრობდი, რომ სამსახიობო სფეროში არც ისე ბევრი რამ მქონდა გაკეთებული, რომ ვინმესთვის ავტოგრაფი მიმეცა, ამიტომ მაყურებლის თხოვნამ გამაკვირვა. მისი ვინაობა არ მახსოვს, მაგრამ "თავისუფალი თეატრის" ეზოში, კიბესთან, ბილეთზე ხელი მოვუწერე... კარგი განცდა დამეუფლა...

- "დონ ჟუანში" ვის როლს ასრულებდი?
- რაც უნდა საკვირველი იყოს, თვით "დონ ჟუანს" ვთამაშობდი. სპექტაკლი ალექსი ჯაყელმა დადგა. იცით, როგორი გამოხმაურება ჰქონდა? ვიღაცას ან ძალიან მოსწონდა, ან - ძალიან არ მოსწონდა, მაგრამ მიმაჩნია, რომ კარგი და საინტერესო სპექტაკლი იყო.

- მამაკაცის როლი სხვა დროსაც შეგისურულებია?
- არა. პრინციპში, "დონ ჟუანი" ერთმნიშვნელოვნად ქალი ან კაცი არ იყო. ეს გახლდათ "უსქესო" ადამიანი. დონ ჟუანს ორნი ვასახიერებდით: მე და აპოლონ კუბლაშვილი (პოლიკა). მე პერსონაჟის ძალიან ცუდი ფიქრები ვიყავი. ყველაფერს ვაკეთებდი, რასაც დონ ჟუანი ადამიანებს უკეთებდა... ეს როლი ჩემთვის "ბეწვის ხიდი" იყო, რადგან არცთუ ისე გამოცდილი მსახიობი გახლდით. შეიძლება, ამ როლის თამაშს ბევრი არ დასთანხმებოდა, მაგრამ თავად რეჟისორი ჩემთვის იმდენად საინტერესო იყო, რომ გავრისკე და დავთანხმდი.

- პირველი რეაქცია, როცა შვილმა "დედა" დაგიძახათ...
- ზუსტად არ მახსოვს, რადგან ბავშვები ლაპარაკის სწავლას რომ იწყებენ, სიტყვებს ყოველთვის დამახინჯებლად ამბობენ. მაგალითად - "დადა". ჰოდა, როცა "დადა" "დედა" გახდა, განსაკუთრებული რეაქცია არ მქონია. სამაგიეროდ, როცა ჩემი შვილები პირველად დავინახე, ისტერიკულად ვტიროდი, ბოლო ხმაზე ვბღაოდი (იცინის). მშობიარობის შემდეგ, ახალდაბადებულს მუცელზე გიწვენენ. შვილის პატარა სხეული რომ ვიგრძენი, დასამშვიდებელი გავხდი. როცა ის ემოციური წუთები მახსენდება, ცუდად ვხდები (კარგი გაგებით). აი, ახლაც კი, ხმა ამიკანკალდა...

- სერიალის - "შუა ქალაქში 10 წლის შემდეგ" პირველი სცენის გადაღებისას რას გრძნობდით?



- ძალიან კარგი და საინტერესო იყო. მიუხედავად იმისა, რომ სერიალში ცოტათი შეცვლილი ფორმით დავბრუნდით, თითქოს, "დეჟა ვუ" მქონდა. მართლა ვერ წარმოვიდგენდით, სერიალი - "შუა ქალაქში" თუ გაგრძელდებოდა.

- "თამარით" პირველად როდის მოგმართეს?
- სიმართლე გითხრათ, ზუსტად არ მახსოვს. ალბათ, მაყურებელმა დამიძახა ასე... იცით, "თამარს" დღემდე მეძახიან. 

- ეს არ გაღიზიანებთ?
- გააჩნია, ამას როგორი ფორმით აკეთებენ: ხან მომწონს, ხან - არა... მგონი, ზედმეტად გულწრფელი ვარ (იღიმის).

- პირველი სიყვარული...
- მისი სახელი და გვარი დღემდე მახსოვს: თემურ გაგაძე. საბავშვო ბაღში მიყვარდა. ოჯახებით ვახლობლობდით, ერთმანეთის მეზობლად ვცხოვრობდით, საბავშვო ბაღში ერთად დავდიოდით... თურმე, ვამბობდი, - თემური ძალიან მიყვარს-მეთქი. სამაგიეროდ, თემურს არ ვუყვარდი. ამბობდა, - ცოლად არ მოვიყვან, ძალიან მეტიჩარააო. მოკლედ, დამიწუნა (იცინის). ამის გამო, მისი მშობლები დღემდე იცინიან.

- თემურთან დღემდე კონტაქტობთ?
- ხშირად - არა. საერთო სანაცნობო წრე გვყავს. ალბათ ვერც წარმოუდგენია, რომ ეს ამბავი მახსოვს და სადმე ვიტყვი (იცინის). ერთად გადაღებული ფოტოებიც გვაქვს: ღობესთან, ქვებზე ვსხედვართ. ისეთი მოკლე კაბა მაცვია, ტრუსი მიჩანს. ძალიან გაპრანჭული სახე მაქვს - გვერდით თემური მიდგას და ამიტომ ვიპრანჭები. სასაცილო ფოტოა. მაგარი განცდა მეუფლება, როცა ბავშვობის სურათს ვუყურებ. თურმე, რა დღეში ვყოფილვარ...

- პირველი დაუდევარი საქციელი...
- ასეთი ბევრი იქნებოდა. პირველი და მეორე რომელი იყო, არ მახსოვს. ალბათ, ბავშვობაში ჩემს დებს გავაბრაზებდი. მახსოვს, თმას მაწიწკნიდნენ... 2 საყვარელი უფროსი და მყავს.

- პირველი სატელევიზიო გადაცემა, რომელშიც სტუმრის ამპლუაში იყავით...
- "მოგზაურობა სასიტყვეთში" გახსოვთ? თამაზ კვაჭანტირაძე ლექციებს კითხულობდა. ძალიან საინტერესო გადაცემა იყო. მისი რეჟისორი ანდრო ენუქიძე გახლდათ. მაშინ ანდროს სპექტაკლში ვთამაშობდი. რამდენიმე მსახიობი გადაცემაში წაგვიყვანა. უნდა გვეთამაშა, თითქოს, ლექციას ვუსმენდით, მაგრამ ბატონი თამაზის ლექცია ისეთი საინტერესო და შემეცნებითი იყო, თამაში არ დაგვჭირდა... თუმცა, ჩემი პირველი სატელევიზიო კადრები ეს არ ყოფილა: 7 წლის ვიყავი, როცა ელდინო საღარაძესთან მხატვრულ კითხვაზე დავდიოდი. მახსოვს, რამდენიმე ბავშვი - მე, ნინო კახნიაშვილი, დები - თინიკო და თამუნა ჩიქოვანები, ეკა რურუა, გიორგი თარგამაძე კარგ მოსწავლეებად მივიჩნეოდით. ოპერისა და ბალეტის თეატრში, აკაკი წერეთლის საიუბილეო საღამო - გალა-კონცერტი გაიმართა და მასში ვმონაწილეობდით. ისიც მახსოვს, რას ვკითხულობდი: "დღეს მერცხალი შემოფრინდა, ჭიჭიკითა შემომძახა..." ძალიან ბედნიერი ვიყავი. ალბათ, ის კადრები "საზოგადოებრივი მაუწყებლის" არქივში ინახება.

- თაყვანისმცემლისგან მიღებული პირველი საჩუქარი...
- შოკოლადის კანფეტები. მახსოვს, პირველ კლასში ვიყავი. მაშინ თურქეთის გზა ახალი "გაჭრილი" იყო და სხვადასხვანაირი შოკოლადი თბილისში იშვიათად იყიდებოდა, თურქეთიდან თუ ჩამოგიტანდა ვინმე... ჩემთვის შოკოლადის კანფეტები ჩემს სკოლელ ბიჭს მოჰქონდა. ძალიან მომწონდა და ბედნიერი სახით ვჭამდი ხოლმე...

- ბიჭი თუ მოგწონდა?
- რა ვიცი, არც მახსოვს, ვინ იყო. ალბათ - არა, თორემ სახელი მაინც მემახსოვრებოდა. აი, შოკოლადის კანფეტები კი კარგად მახსოვს!

- პირველი გრიმი...
- ანასტასია ვირსალაძის სახელობის ხელოვნების გიმნაზია დავამთავრე. დირექტორი კომპოზიტორი, ბატონი დავით ტურიაშვილი იყო. საოცარი, უსაყვარლესი პიროვნება გახლდათ, მას ყოველთვის დიდი სიყვარულით ვიხსენებ... გიმნაზიაში სპექტაკლი - "ჟაკო და ჟორჟეტა" დაგვიდგეს. ალბათ, პირველი გრიმი მაშინ გავიკეთე. რა თქმა უნდა, სრულფასოვანი არ იყო, უფრო მეტიც - შეიძლება, მხოლოდ ფერუმარილი წაგვისვეს, მაგრამ ჩვენთვის გრიმი იყო!..



- პირველი სერიოზული წარმატება ცხოვრებაში...
- ჩემი შვილები. მიმაჩნია, რომ როგორც დედა, "შევდექი", რისთვისაც ღმერთს მადლობას ვუხდი. ჩემი 2 შვილი ყველაზე დიდ ბედნიერებად მიმაჩნია. ეს იმას არ ნიშნავს, რომ სხვა ადამიანების - მეუღლის, დების, მამაჩემის, ოჯახის ახლობლების არსებობა არ მაბედნიერებს. უბრალოდ, შვილების "იქით" ჩემთვის ახალი ცხოვრება და ახალი სამყარო "გაიხსნა"... უფროს გოგონას - 4 წლის ნანიკოს უნდა, რომ "ბალეტინა" გამოვიდეს. ყოველ საღამოს მითანხმდება, რომ მის "ბალეტინაზე" მივიდე და "ბევრი ტაში" დავუკრა. თავს მორჩილად ვუქნევ ხოლმე, გულში კი ვფიქრობ, - მაგ დროს სპექტაკლი ან გადაღება თუ არ მექნება, მოვალ, დედა გენაცვალოს-მეთქი (იცინის)... უმცროსი გოგონა - 3 წლის სესე მთავარია, გამოკვებილი იყოს. ის "სხვა კატეგორია" გახლავთ: ცელქია, "კედლებზე "დადის", ჭამა უყვარს... ძალიან საყვარელია. რადგან უმცროსი შვილია, ბევრად უფრო გატუტუცებულია, ვიდრე - ნანიკო. ტანსაცმლის გამო, დები ძალიან ჩხუბობენ, მათი გაშველება მიჭირს. ვიმედოვნებ, ეს ჩვევა უფროს ასაკში არ გაჰყვებათ... მგონი, კარგი გოგონები არიან.

ეთო ყორღანაშვილი

წყარო: www.gzapress.ge










კომენტარები




მსგავსი სიახლეები:
  • ნინი წიკლაური: "მოცეკვავე გიგი გაჩეჩილაძეს რამდენჯერმე გამაყოლეს ცოლად!"
  • რას უმალავდა ია ნინიძე საკუთარ ქალიშვილს და რატომ არ მიუძღვის მას წვლილი ქა ...
  • რატომ შეწყდა სერიალის - "შუა ქალაქში" გადაღება
  • ასე გაიხსენა ერთხელ სოფიკო ჭიაურელმა თავისი პირველი სიყვარული
  • ნინი ბადურაშვილზე გავრცელებულ ჭორებს, მისი და - ქეთო პასუხობს (ინტერვიუ)

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია