Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » კოტე თოლორდავა ჰოლივუდური პრემიერისთვის ემზადება

კოტე თოლორდავა ჰოლივუდური პრემიერისთვის ემზადება

თარიღი: 7-09-2014, 02:59,
მსახიობი კოტე თოლორდავა მომატებულ 15 კილოს ებრძვის. ეს მსხვერპლი მან ამერიკულ–ქართული ფილმისთვის გაიღო, სადაც უარყოფით როლს თამაშობს. ფილმის პრემიერა თბილისსა და ლოს ანჯელესში შემოდგომით შედგება. ამავე პერიოდში იგეგმება მეორე ფილმის, "ილია ჭავჭავაძის" კინოეკრანებზე გამოსვლაც, სადაც კოტე ერის სულიერი მოძღვრის როლს თამაშობს. ასე რომ, წინ დატვირთული შემოდგომა ელის. მანამდე კი ერთი სურვილი აქვს – ზაფხულის რამდენიმე დღე ცოლ–შვილთან ერთად გაატაროს. 

– კოტე, როგორც ვიცი, ორ ფილმზე მუშაობა უკვე დაასრულეთ. პრემიერა როდის იგეგმება? 
– ოქტომბერში. ფილმ "ილია ჭავჭავაძის" პრემიერა, სადაც ილია ჭავჭავაძის როლს ვასრულებ, აქამდე უნდა გამართულიყო, მაგრამ გარკვეული მიზეზების გამო შემოდგომამდე გადაიდო. მეორე კი ქართულ–ამერიკული პროექტია და ასე ჰქვია – "ნაღმი მოდის მოქმედებაში". ამ ფილმშიც ჩემს პერსონაჟს ილია ჰქვია. პრემიერა ლოს ანჯელესშიც გაიმართება, სადაც აუცილებლად გავემგზავრებით. 

– ილია ჭავჭავაძის როლის შესრულება ალბათ განსაკუთრებული პასუხისმგებლობა იყო თქვენთვის. 
– რა თქმა უნდა. ეს არის მხატვრულ–დოკუმენტური ფილმი, სადაც ძირითადი თხრობა მიდის იმაზე, თუ ვინ მოკლა ილია ჭავჭავაძე. შინაგან საქმეთა სამინისტრო იყო ინიციატორი, რომ ეს საქმე გამომზეურებულიყო და გარკვეული ფაქტები საზოგადოებისათვის ცნობილი გამხდარიყო. როცა ილიას როლზე დამამტკიცეს, ჩემთვის ყველაზე დიდი ბედნიერება საქართველოს პატრიარქთან შეხვედრა იყო. უწმინდესმა დამლოცა, მითხრა, ილიას გრიმის გარეშეც ჰგავხარო. 

– ქართულ–ამერიკულ ფილმში რა როლს ასრულებთ? 
– უარყოფით გმირს ვთამაშობ, რომელსაც ილია ჰქვია. ეს ფილმი რეჟისორმა ლევან ბახიამ და კომპანია "სარკემ" გადაიღეს. ფსიქოლოგიური ტრილერია. არ გამოვრიცხავ, რომ ფილმის გამოსვლის შემდეგ ჩემ მიმართ აგრესია გაჩნდება, მაგრამ მსახიობი ვარ და ხან დადებით სახეს შევქმნი, ხან უარყოფითს. ამ როლის გამო 15 კილოგრამი მოვიმატე. ახლა ისევ ვცდილობ, ფორმაში ჩავდგე, აქტიურად ვვარჯიშობ და სწორად ვიკვებები. 

– ფილმში ამერიკელი მსახიობები გიწევენ პარტნიორობას? 
– ჰოლივუდის დამწყებ მსახიობებთან ერთად მომიწია თამაში. გადაღებები ბირთვისში მიმდინარეობდა. ფილმის ბიუჯეტი, თუ არ ვცდები, 700 ათასი დოლარია. ეს ქართული რეალობისთვის საკმაოდ ძვირი პროექტია. არ მახსოვს, ვინმეს ამხელა ფული ჩაედოს ქართულ კინოში. მიუხედავად იმისა, რომ ეს ფილმი გაკეთდა ამერიკისთვის, შემოქმედებით ჯგუფში ძირითადად ქართველები იყვნენ. მუშაობის დროს ზუსტად იყო განსაზღვრული თითოეული მომენტი. 

– რა სირთულეების დაძლევა მოგიხდათ ამ როლზე მუშაობისას? 
– ჩემს პერსონაჟს ჰყავს ფუტკრები და როტვეილერი. ფუტკრების მოვლაც შემასწავლეს და როტვეილერისაც. ძაღლს 2 თვე ვხვდებოდი და ერთმანეთს ვეცნობოდით. ალბათ იცით, რომ როტვეილერი ძალიან აგრესიული ძაღლია, ძლიერი ყბები აქვს და არაპროგნოზინებადია. ერთ სცენაში ეს ძაღლი ერთ–ერთ ამერიკელ მსახიობს უნდა შეხტომოდა, მის დაგლეჯამდე კი უნდა მომესწრო ბრძანების მიცემა, რომ გაჩერებულიყო. საბედნიეროდ, ყველაფერს კარგად გავართვი თავი. 
– ფართო საზოგადოებამ სერიალიდან "ჩემი ცოლის დაქალები" გაგიცნოთ. როცა ეს პროექტი დატოვეთ, არ შეგეშინდათ, რომ თქვენ მიმართ ინტერესი შენელდებოდა? 
– არა, რადგან პოპულარობა ჩემი მიზანი არასდროს ყოფილა. სერიალმა მართლაც გამხადა ცნობილი, მაგრამ, მიუხედავად იმისა, რომ იქ აღარ ვთამაშობ, საზოგადოების დიდი ნაწილისგან მაინც დიდ სითბოსა და სიყვარულს ვგრძნობ. ვთვლი, რომ რაღაც ეტაპზე სერიალიდან უნდა წამოვსულიყავი. მსახიობისთვის ძალიან ძნელია იარლიყის მოშორება. იქ კი მე და რამდენიმე მსახიობს ისეთი როლები გვქონდა, რომ ჩვენი პერსონაჟების გამო "ბაბულიკებს" გვეძახდნენ. სერიალს სხვა გამოცდილება მოაქვს, მხატვრულ ფილმს – აბსოლუტურად სხვა, თეატრს კიდევ – სხვა. ვისწავლე კამერასთაან ურთიერთობა. დიპლომში კი მიწერია დრამისა და კინოს მსახიობი, მაგრამ სტუდენტობის პერიოდში კინოსთან შეხება არ მქონია. ახლა უკვე 10 კინოროლი მაქვს. ცხოვრება გამიფერადდა და თან ყველაფერი წინ მაქვს. 

– თეატრის სცენაზე უფრო კარგად გრძნობთ თავს თუ გადასაღებ მოედანზე? 
– ადრე თეატრში უფრო თავისუფალი ვიყავი, ვიდრე კინოში. ახლა კი მინდა, კინოშიც თამამი ვიყო. 

– თქვენი და განო მელითაურის ოჯახური ცხოვრება როგორ მიდის? 
– ჩვენს ცხოვრებაში არაფერი შეცვლილა. ურთიერთობაში კრიზისი არ გვაქვს, ერთმანეთის უსიტყვოდ გვესმის. მთავარია, ფინანსური პრობლემები არ გაგვიჩნდეს. როცა კაცს ოჯახი ჰყავს, ის საკუთარ თავს აღარ ეკუთვნის. ამიტომ თავდაუზოგავად ვშრომობ. თეატრი, კინოგადაღებები, გახმოვანება, განოსთან ერთად გადაცემაც მიმყავს... მოკლედ, ბევრ რამეს ვარ მოდებული. ამ ყველაფერს ვაკეთებ იმიტომ, რომ ოჯახს სჭირდება და დასვენებაზე არ ვფიქრობ. წლებია, მე და განო ცოლ–ქმარი ვართ და აღარც მახსოვს, ბოლოს ერთად როდის დავისვენეთ. დიდი ბედნიერება იქნება, თუ რამდენიმე დღით მაინც შევძლებთ მთელი ოჯახი ერთად წასვლას და განმუხტვას. 
მთელი წლის განმავლობაში ცოლ–შვილთან ურთიერთობა მაკლია, დილას შინიდან ადრე გავდივარ, მაშინ, როცა ბავშვებს სძინავთ, შინ რომ ვბრუნდები, მაშინაც სძინავთ. მე და განო გაჭირვებით, მაგრამ მაინც ვუძღვებით ოჯახს. ახლა ჩვენი ნომერი პირველი საზრუნავი შვილის, ტასოს სკოლაში მიყვანაა. შევეცადეთ, მისთვის კარგი სკოლა აგვერჩია. შვილებს ყველანაირად შევუწყობთ ხელს, რომ კარგი განათლება მიიღონ. 

ლანა კიკნაძე, ჟურნალი სარკე  

წყარო: sana.ge





კომენტარები




მსგავსი სიახლეები:
  • კოტე თოლორდავა - "პრემიერა ლოს ანჯელესში გაიმართება, წითელ ხალიჩაზე უნდა გ ...
  • ექსკლუზივი - კოტე თოლორდავა ჰოლივუდისთვის ემზადება
  • გივი ბერიკაშვილი: "ილია ჭავჭავაძეს ეხება ფილმი და არავის აქვს უფლება, "იტ ...
  • კოტე თოლორდავა: "ილია ჭავჭავაძეს ვთამაშობ იმის ფონზე, რაც მთელი საქართველო ...
  • კოტე თოლორდავა - "შევძლებ, ილია ღირსეულად განვასახიერო"

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    15-06-2020, 20:44
    “ეპიდემია არ არსებობს, არც ვაქცინაა საჭირო, არც კარანტინი და არც კომენდანტის საათი” – ჯანმოს ეპიდემიოლოგი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს

         
    News.Mcvane.Ge © 2013-2018 საავტორო უფლებები დაცულია