Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ეთერ კაკულია მძიმე სენს ებრძვის

ეთერ კაკულია მძიმე სენს ებრძვის

თარიღი: 20-07-2014, 02:43,
მომღერალი ეთერ კაკულია მძიმე სენს ებრძვის. მედიკოსებმა მას სიმსივნის დიაგნოზი დაუსვეს. ქალბატონ ეთერს უცხოეთში, კერძოდ, ისრაელში სჭირდება ქიმიოთერაპიის კურსის გავლა, რაც საკმაოდ ძვირი ჯდება, მომღერალს კი ამის საშუალება არ აქვს. მისი მეგობრები, ახლობლები, კოლეგები და სრულიად უცნობი ადამიანები გაერთიანდნენ და ეთერ კაკულიას დასახმარებლად ფულს აგროვებენ. 

ქალბატონ ეთერს ჯანმრთელობასთან დაკავშირებით პრობლემა ერთი წლის წინ შეექმნა. ოპერაცია გაიკეთა, ქიმიოთერაპიის კურსიც ჩაიტარა, მაგრამ ამ ყველაფერს დადებითი შედეგი არ მოჰყოლია. მომღერალი ახლა თავს ძალიან ცუდად გრძნობს, მაგრამ ცდილობს, მძიმე სენს მოერიოს. 

– ქალბატონო ეთერ, როდის გაიგეთ თქვენი დაავადების შესახებ? 
– შარშან ოპერაცია გავიკეთე, საშვილოსნოზე კისტა მქონდა, რაც ქალებს ძალიან ხშირად უჩნდებათ. სხვათა შორის, არც ვიცოდი, რომ მქონდა, რადგან არასდროს შევუწუხებივარ. ჩემმა მეგობარმა შემთხვევით წამიყვანა ექოსკოპიაზე და კისტა აღმომაჩნდა. მითხრეს, ოპერაცია ხვალვე უნდა გაიკეთოთ და ამით დამთავრდება ყველაფერიო. მე კი ექიმთან ერთი წლის შემდეგ წავედი და, რასაკვირველია, დაგვიანების გამო მუცლის ღრუში რაღაც გართულებები დაიწყო. მოკლედ, ოპერაცია გავიკეთე. ვფიქრობ, ნორმალურად ჩაიარა, მშვენიერი ქირურგი მყავდა – ირაკლი თოდუა. ახლა მკურნალობა მჭირდება, რომ ჯანმრთელობა დავიბრუნო. 

– ვინ გაგიმხილათ დიაგნოზი? 
– მეგობარმა, რაულ ქირიამ მითხრა, სიმსივნე გაქვსო. თვითონ ეს სიტყვა "სიმსივნე" არ მიყვარს... ამ დიაგნოზის მოსმენა ჩემთვის ძალიან რთული იყო. ასე დეტალურად საუბარი ახლაც არ შემიძლია, მიჭირს. მთელი ცხოვრება შემართებით რომ ვიყავი, ახლა ასე ვეღარ ვარ. ბუნებით ძალიან მხიარული და დადებითი პიროვნება ვარ, მე ხომ ყველა მიყვარს, არა? ეს კი ძალიან მშველის. ამ ჩემს ავადმყოფობას ლიმფური კვანძების პრობლემაც დაერთო, ამიტომ სულ კარგი ხასიათი მჭირდება. როგორც კი რაღაც გეტკინება ან გაბრაზდები, ეს ლიმფური კვანძები მრავლდება და ცუდი რაღაცეები გამოიყოფა. თუმცა გამოსავალი არსებობს და ასე მგონია, როგორც ჩაფიქრებული მაქვს, 102 წელი ვიცოცხლებ. 102 წლის ასაკში კიდევ შევხვდებით ერთმანეთს. მაინც იმედიანად ვარ, სხვანაირად არ შეიძლება, არა? ჩემს საყვარელ ქართველ ერს, მსმენელს უნდა, რომ ეთერ კაკულია ჯანმრთელი, ისევ ისეთი მხიარული და მოსიყვარულე ნახოს, როგორიც აქამდე ვიყავი. არ შემიძლია საუბარი, მეტირება. ახალი სიმღერების ჩაწერა მინდა, უამრავი გეგმა მაქვს, ამიტომ ჩემი ავადმყოფობა სამშობლოს ღალატის ტოლფასია. 

– მალე ვარსკვლავს გაგიხსნიან და თქვენი მხარდასაჭერი მარათონიც გაიმართება... 
– ეს ძალიან მახარებს. ჩემი ვარსკვლავი ადრეც უნდა გახსნილიყო, მაგრამ მე თვითონ ვიზარმაცე. მიხარია, რომ მეგობრები ასე ზრუნავენ ჩემზე. ძალიან დიდი მადლობა იმ ადამიანებს, რომლებიც ასე მეხმარებიან, მათ შორის – ჩემს მეგობარს, რაულ ქირიას, ჯამლეთ ხუხაშვილს, ნაზი ალასანიას, ჟურნალისტებს, ყველას, ყველას! მინდა, ყველას მოგეფეროთ. ჩემი სიმღერა ჩაწერეს მომღერლებმა და... გადაღებაზე ვტიროდი. რა ბედნიერებაა, როცა ყოველ ფეხის ნაბიჯზე ხალხის სიყვარულს ვგრძნობ, ამით ვარსებობ და ეგ მაცოცხლებს... 

– ქალბატონო ეთერ, ყველაფერი კარგად იქნება და არაერთ სიმღერასაც ჩაწერთ. 
– მეც ამის იმედი მაქვს. ვიცი, რომ ჩემზე მთელი საქართველო ნერვიულობს, რადგან ყველას ვუყვარვარ. ახლა გადასხმებს მიკეთებენ, ვიტამინებს და ტონუსის ასამაღლებელ წამლებს ვიღებ და ვატყობ, რომ მიხდება, გამოვჯობინდი. ვნახოთ, კიდევ რამდენიმე გადასხმას გამიკეთებენ და შეიძლება უკეთესად ვიმღერო. ისრაელში ალბათ ივლისის დასაწყისში გავემგზავრები და იქიდან გამოჯანმრთელებული დავბრუნდები. მერე ებრაულადაც დავიწყებ სიმღერას. 
...
რაულ ქირიას უჭირს იმ დღის გახსენება, როცა უფროსი მეგობრისთვის სიმართლის თქმა მოუხდა. ქალბატონი ეთერის გულშემატკივრებთან ერთად ის სხვადასხვა ღონისძიებას გეგმავს და იმედი აქვს, რომ მომღერლის უცხოეთში გამგზავრება დროულად მოხერხდება. 

– რაულ, ქალბატონი ეთერის სამკურნალოდ მაინცდამაინც ისრაელის კლინიკა რატომ შეირჩა? 
– ოპერაციის და ქიმიოთერაპიის კურსის გავლის შემდეგ ეთერი ძალიან დასუსტდა. ამიტომ ბატონ ჯამლეთ ხუხაშვილის დახმარებით მისი სამედიცინო დასკვნა ისრაელში გადავაგზავნეთ და აღმოჩნდა, რომ მისი ჯანმრთელობის მდგომარეობა რთულია. ისრაელის კლინიკაში სიმსივნურ წარმონაქმნებს გაყინავენ, რაც მას სიცოცხლეს შეუნარჩუნებს. ისრაელში გამგზავრება თუ დროულად არ მოხერხდება, შეიძლება ყველაფერი ცუდად დამთავრდეს. ახლაც, ამ წუთშიც, 37–38 გრადუსი აქვს სიცხე. მას უბრალოდ თავისი პრობლემების გარეთ გამოტანა არ სჩვევია, ამიტომ არ ეტყობა, რომ ასეთი რამ აწუხებს. საშინელ დაავადებას ებრძვის. 

– ქალბატონმა ეთერმა გვითხრა, რომ სიმართლე თქვენ გაუმხილეთ, რაც ადვილი ნამდვილად არ იქნებოდა. 
– ჩემთვის ამის თქმა ძალიან მძიმე იყო, 2 საათი ვფიქრობდით, მე მეთქვა თუ მის შვილს, ალეკო ვაჩიბერიძეს. მერჩივნა, ალეკოს გაემხილა სიმართლე, მაგრამ საბოლოოდ მაინც მე მომიწია. სწორედ იმ დღეს მივიღეთ ისრაელიდან მკურნალობის კურსის ჩასატარებელი ინვოისი და... ეთოსთან ავედი და ვუთხარი, რეალობას უნდა შევეგუოთ, შენ ეს უნდა იცოდე, ჯობს, სანამ სხვა გეტყვის, მე გითხრა, რომ სიმსივნე გაქვს, მაგრამ ის სტადიაა, როცა შველა შესაძლებელია–მეთქი. 

ახლაც ვითრგუნები, იმ დღეს რომ ვიხსენებ. ეთომ იტირა, არადა მისი ცრემლები აქამდე ხომ არავის უნახავს... ამას წინათ ერთ–ერთი გადაცემის ჩაწერა იყო, სადაც მომღერლებმა მასთან ერთად შეასრულეს კომპოზიტორ ოთარ ტატიშვილის სიმღერა "გთხოვ, ნუ გამწირავ, ჯერ ამდენი არ მიმღერია". ძალიან ემოციური გამოვიდა... იცით, ყველაზე მთავარი რა არის? თუ მისი მკურნალობის დაფინანსება მოხდება, კიდევ ბევრი წელი იცოცხლებს. 

– მკურნალობის ჩასატარებლად რა თანხაა საჭირო? 
– დაახლოებით 35.000 დოლარი სჭირდება... ყველას მოვუწოდებ, ეთერს გვერდით დავუდგეთ, რომ ამ მკურნალობის კურსის ჩატარება მოახერხოს. 

– როგორ აპირებთ თანხის შეგროვებას? 
– დავით ოქიტაშვილმა მიიღო გადაწყვეტილება, რომ ივლისის დასაწყისში ფილარმონიის დიდ საკონცერტო დარბაზთან ეთერ კაკულიას ვარსკვლავი გაიხსნას, თან დიდი კონცერტიც ჩატარდება. ვეცდებით, ტელემარათონი იყოს. რამდენიმე ტელეკომპანიასთან მოლაპარაკება მიმდინარეობს, როგორც კი მათგან თანხმობას მივიღებთ, დათო ოქიტაშვილის თანადგომით ეთერის ვარსკვლავს გავხსნით. 

ყოველი დღე მისთვის გადამწყვეტია, მკურნალობა მალევე უნდა დაიწყოს. ახლა სახლშია და ცდილობს, არაფერი შეიმჩნიოს, მაგრამ სუსტად არის. ყოველთვის ამბობდა, 102 წელი უნდა ვიცხოვროო, ახლა ხუმრობით მითხრა, სეკვესტრი გავაკეთე, მაგრამ 80 წელი მაინც უნდა ვიცხოვროო. ყოველთვის იმას იმეორებს, რა კარგია სიცოცხლეო, სიკვდილის ეშინია. ეთერისგან იმდენი პოზიტივი მოდის, არ შეიძლება მას რამე დაემართოს. ჩვენ ყველაფერს ვაკეთებთ იმისათვის, რომ გადარჩეს და მრავალი წელი იცოცხლოს. ღვთის წყალობით, ამას მოვახერხებთ. 
...
ეთერ კაკულიას დასახმარებლად "საქართველოს ბანკში" გახსნილია ანგარიში: GL19BG0000000825999700 
ასევე შეგიძლიათ დარეკოთ ნებისმიერი ქსელიდან შემდეგ ნომერზე: 0901900991 (ზარის ღირებულება 1 ლარია) 

ეკა ლემონჯავა, ჟურნალი სარკე  

წყარო: sana.ge





კომენტარები




მსგავსი სიახლეები:
  • ანრი ჯოხაძე - "დავეხმაროთ ეთერ კაკულიას, ეს ჩვენი ქვეყნის სირცხვილი იქნება ...
  • რაულ ქირია - "ეთერ კაკულიას დასახმარებლად გავააქტიურეთ ნომერი"
  • მომღერალი ეთერ კაკულია მძიმე მდგომარეობაშია
  • გიორგი ყორღანაშვილი: "ამხელა პაუზის შემდეგ თავიდან ვეგუები სცენას"
  • ანრი ჯოხაძე: ”სცენაზე მეგონა, რომ ეთერ კაკულია ვიყავი”

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია