Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » რა წერილი უპოვეს გარდაცვლილ ბექა გოგიტიძეს

რა წერილი უპოვეს გარდაცვლილ ბექა გოგიტიძეს

თარიღი: 23-06-2014, 05:50,
ხელვაჩაურის მუნიციპალიტეტში, სოფელ ახალშენში, გოგიტიძეების ოჯახში ტრაგედია დატრიალდა - 21 წლის ბექა გოგიტიძე, რომელსაც მთელი აჭარა ეძებდა, ბებიის საფლავთან ხეზე ჩამომხრჩვალი იპოვეს. ბიჭი თურქეთში, ხოფაში მუშაობდა. მან 16 ივნისს, დაახლოებით საღამოს 17 საათსა და 30 წუთზე გადმოკვეთა სარფის საზღვარი და მას მერე კვალი გაქრა. ცნობილი მხოლოდ ის იყო, რომ ბექამ ბოლოს შეყვარებულს დაურეკა. შემდეგ მისი ტელეფონი გაითიშა. შვილის დაკარგვის ამბავი სამართალდამცავებს ოჯახმა მეორე დღეს შეატყობინა...

ბექას მამის, ოთარ გოგიტიძის თქმით, მისი შვილი თურქეთში სამუშაოდ ოჯახის სიდუხჭირის გამო წავიდა. სამხედრო აკადემიაში უნდოდა სწავლის გაგრძელება, მაგრამ ფინანსური პრობლემების გამო ვერ შეძლო. ბექამ გადაწყვიტა, სწავლის ფული მოეგროვებინა და ამის მერე ჩაებარებინა აკადემიაში. ოთარ გოგიტიძეს 4 შვილი ჰყავს, სამწუხაროდ, მათგან ერთი, 18 წლის ვაჟი, ხონის ფსიქიატრიულ საავადმყოფოში მკურნალობს. ბექა მშობლებს მხარში ედგა - ხან ავადმყოფი ძმისთვის აკოწიწებდა ფულს, ხან ოჯახისთვის. "ბექა თურქეთში ჩემმა დამ წაიყვანა სამუშაოდ, მერე ჯარში წავიდა და სამხედრო სამსახური მოიხადა. ჯარიდან რომ ჩამოვიდა, თურქეთში იმავე სამუშაოზე დაბრუნდა. სოფელში ხშირად მოდიოდა და დილით ისევ სამუშაოდ ბრუნდებოდა. ხოფა ახლოს არის ბათუმთან... 17 ივნისს, მეორე დღეს, საღამოს 5 საათზე დამირეკა ჩემმა დამ და მასთან საუბრის დროს გავიგე, რომ ბექა წამოსულა ბათუმში. მკითხა, ვერ ვურეკავ, უკან როდის მოდისო. ეს რომ გავიგე, თავზარი დამეცა, არ შეიძლებოდა, ჩემი შვილი შინ არ მოსულიყო. ტელეფონი გათიშული ჰქონდა. მის კვალს რომ ვერ მივაგენი, ყველა ნაცნობს დავურეკე, ვინც ჩემს შვილს იცნობდა. ჩემი და ბექას შეყვარებულსაც იცნობდა და მასაც დაურეკა, ხომ არ იცი, სად არისო. ის გოგოც ჩემს დასთან ახლოს მუშაობს თურქეთში. უთქვამს, ბექამ დამირეკა, შეხვედრა მთხოვა, მაგრამ არ მეცალა და ამიტომ ვერ შევხვდიო", - ამბობს ოთარ გოგიტიძე.

ტრაგედიამდე რამდენიმე წუთით ადრე ბექამ მამიდაშვილს უცხო ნომრიდან ასეთი მესიჯი გაუგზავნა: "ანანოს მიხედე, ჩემი ძმა ხარ!" ანანო ბექას უმცროსი დაა, რომელიც მესამე კლასში სწავლობს. პარალელურად, სოციალურ ქსელ "ოდნოკლასნიკში" ბექა გოგიტიძემ ერთსიტყვიანი სტატუსი დადო: "მოღალატე!"

სოფელში თვითმკვლელობის მიზეზებზე ლაპარაკობენ და ბექას შეყვარებულ გოგონას ადანაშაულებენ. როგორც ამბობენ, 28 წლის გოგო უკვე დაჰკითხეს ძალოვანებმა. ბექას მშობლები სასოწარკვეთილი არიან. ახლაც ყურში ჩამესმის ბექას მამის განწირული ხმა. ის დამნაშავის უმკაცრესად დასჯას ითხოვს. "უსულგულო ადამიანმა, 28 წლის ალქაჯმა, წაართვა ჩემს შვილს სიცოცხლე. დაგვაქცია. არ ვიცი, ახლა რა გავაკეთო, განადგურებული ვარ. შვილი არა მყავს. ჩემი ჭკვიანი და ლამაზი შვილი. ის გოგო ბათუმელი იყო, თურქეთში გაიცნო ჩემმა შვილმა. არ ვიცი, რა მოხდა, რომ სიცოცხლით სავსე ბიჭმა ასე დაასრულა სიცოცხლე. ბოლოს მას დაურეკა. ჩემი შვილი რომ მომისვენეს, ჯიბეში ვუპოვეთ წერილი, ბექა, მენატრებიო და ფურცელზე წითელპომადიანი კოცნაა გამოსახული. თურმე ამას დაატარებდა ჩემი შვილი. არ ვიცი, რა გაუკეთა ჩემს ბექას, რომ ასეთ გადაწყვეტილებამდე მიიყვანა. ახლა ერთი ის ვიცი, ჩემს შვილს რომ დავასაფლავებ, არ გავჩერდები, მიწიდან ამოვთხრი ჩემი შვილის მკვლელს. მან მთელი ოჯახი გაგვანადგურა. თურმე არაადამიანი უყვარდა. მას სხვასთანაც გაუბამს ურთიერთობა. ეს ვერ აიტანა ბექამ. ის გოგო თურქეთში მაღაზიაში მუშაობს, იქვე ახლოს მუშაობდა ჩემი ბექაც და ყოველდღე ხვდებოდნენ ერთმანეთს. ძალიან თბილი ბიჭი მყავდა. მისი იმედი მქონდა. სულ მხარში მედგა, დიდ დახმარებას მიწევდა, მეორე შვილის მოვლაშიც მეხმარებოდა და უცებ ცა ჩამოგვექცა თავზე, დავიღუპეთ. ყველგან ვეძებდით. რას ვიფიქრებდით, თუ ჩემი შვილი სასაფლაოზე იყო. თურმე დედაჩემის საფლავზე მისულა და მთელი ოთხი საათი ტრიალებდა. ბებიას გაანდო თავისი გულისტკივილი და ასე წავიდა ამ ქვეყნიდან", - ვუსმენდი განადგურებულ მამას და სანუგეშოს ვერაფერს ვეუბნებოდი.

როგორც ახლობლები ამბობენ, ბექას ბოლო დროს შეყვარებულთან დაეძაბა ურთიერთობა და ამის გამო გაღიზიანებული იყო. გოგონა ბექაზე რამდენიმე წლით უფროსი იყო, თურმე ნათესავებთან დაიჩივლა კიდეც, რომ ის გოგო მისი სიყვარულის ღირსი არ იყო, რადგან სხვასთანაც ჰქონია რომანი. "16 ივნისს საღამოს გადმოვიდა საზღვარზე. შემდეგ ტირში სათამაშო მოუგია. ამის მერე იმ გოგოსთვის დაურეკავს და შეხვედრა უთხოვია. არ ვიცით, მათ შორის რა დიალოგი გაიმართა... ამის მერე ბექას ვეძებდით...", - ამბობს ნათესავი.

ჩვენ ვცადეთ ბექა გოგიტიძის შეყვარებული გოგონას ადგილსამყოფლის დადგენა, მაგრამ ვერ შევძელით. მიმდინარეობს გამოძიება და სამართალდამცავები დაადგენენ, რა გახდა 21 წლის ბიჭის თვითმკვლელობის მიზეზი.






კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია