Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ნინო მუმლაძის ბლიც ინტერვიუ

ნინო მუმლაძის ბლიც ინტერვიუ

თარიღი: 5-05-2014, 02:41,
სახელი, გვარი: - ნინო მუმლაძე

საქმიანობა: - მსახიობი, ტელე-რადიო წამყვანი.

1. რომ არ ვყოფილიყავი მსახიობი, ვიქნებოდი - აუცილებლად ვიქნებოდი ხელოვანი, დედას სურდა კონსერვატორიაში ჩამებარებინა, ვოკალის ფაკულტეტზე, ვემზადებოდი კიდევაც ამისთვის, მაგრამ თეატრის სიყვარულმა გადაწონა.  ისე ჩემი მათემატიკის პედაგოგიც ძალიან განიცდიდა ჩემს არჩევანს, რადგან ძალიან კარგად ვსწავლობდი მათემატიკას, ალგებრა მიყვარდა ძალიან.

2. რომ არ დავბადებულიყავი საქართველოში დავიბადებოდი - იტალიაში. მართალია სულ იმას ვამბობ, რომ ევროპული სტილის სახელმწიფოში მინდა ცხოვრება, იტალიელები კი ევროკავშირის ოჯახის წევრებს შორის ყველაზე არაევროპელები არიან თავისი ტრადიციებით, და ცხოვრების სტილით, მაინც ძალიან მხიბლავენ საკუთარი ტემპერამენტით, იუმორით, ნიჭიერებით, კულინარიით, ქვეყნის სილამაზით და რა თქმა უნდა ისტორიით.

3. ცხოვრებაში ყველაზე მეტად მინდა, რომ – ბევრი ვიმოგზაურო და მსოფლიოში ყველა ღირსშესანიშნაობა ვნახო.

4. ბავშვობაში ყველაზე მეტად მინდოდა, რომ – გაგეცინებათ და ბალერინობაზე ვოცნებობდი ))) დავდიოდი კიდევაც ბალეტზე 4 წელი ))) სულ ბალერინებს ვხატავდი ))

5. ის, რის გარეშეც ცხოვრება არ წარმომიდგენია - კამერა და სცენა. თუ ცხოვრებაში შემოქმედებითი პაუზა მაქვს როგორც წესი ძალიან ცუდად ვარ... არ ვიცი შეიძლება ოდესმე, როცა შვილები მეყოლება და ყურადღების უმეტესს ნაწილს მათზე გადავიტან ჩემი საყვარელი საქმის გარეშე ასეთ სიცარიელეს აღარ ვიგრძნობ, მაგრამ ამ ეტაპზე ნამდვილად ასეა. დიდი იმედი მაქვს რომ მაშინაც, როცა დედა გავხდები წარმატებით შევძლებ დედობის და პროფესიის შეთავსებას.

6. ჩემი მეგობრები ჩემთვის - არიან უბრალოდ ის ადამიანები, რომლებიც ძალიან, ძალიან მიყვარს.

7. ის, რაც ყველაზე მეტად მომწონს ჩემს თავში - ყოველთვის ძალიან მიჭირს საკუთარი თავის შეფასება. ალბათ ის, რომ კარგი ადაპტაციის უნარი მაქვს ნებისმიერ სიტუაციაში. მალე ვეგუები ახალ გარემოს, ადვილად ვუღებ ალღოს ნებისმიერ ახალ საქმიანობას. ძალიან კომუნიკაბელური ვარ.

8. ის, რაც ყველაზე მეტად არ მომწონს ჩემს თავში - სიზარმაცე. თუ რაღაცის კეთება სიამოვნებას არ მანიჭებს და მხოლოდ მოვალეობის გამო მიწევს ამის გაკეთება, ძალიან ვზარმაცობ. ამის გამო პრობლემებიც შემქმნია ცხოვრებაში, მაგრამ რა ვქნა, ალბათ როგორც ყველა შემოქმედებით ადამიანს, მეც ყოველთვის ყველაფერში სტიმული მჭირდება.

9. მჯერა, რომ – სიმართლე რომ გითხრათ ამ ბოლო დროს აღარ ვიცი რისი მჯერა და რისი არა... ცხოვრებაში ბევრჯერ გამიცრუვდა იმედები სხვადასხვა სფეროში, ამიტომ ყოველთვის მიჭირს რაღაცაის ან ვიღაცაის მჯეროდეს საკუთარი თავის გარდა.

10. ყველაზე მეტად ადამიანში ვაფასებ - კარგ იუმორის გრძნობას. სხვათაშორის ადამიანის იუმორში ყოველთვის ჩანს მისი ინტელექტიც, გემოვნებაც, ცინიზმის დონეც და ა.შ.

11. ყველაზე მეტად მეშინია - მარტოობის.

12. ის, რაც მაქვს და რისი დაკარგვაც ყველაზე მეტად არ მინდა - ახალგაზრდობა.

13. ის, რაც არ მაქვს და ყველაზე მეტად მინდა, რომ მქონდეს - მქონდეს - მანქანა! კი არ მინდა, უკვე ჰაერივით მჭირდება )) მაგრამ თუ შეიძლება სიტყვა ,, მქონდეს" შევცვალო სიტყვა ,,მყავდეს"-ზე, გეტყვით, რომ ძალიან მინდა მყავდეს შვილები, თანაც ბევრი.

14. ის, რაც არ მქონდა და მინდა, რომ ჩემს შვილებს ჰქონდეთ - საზღვარგარეთ მიღებული განათლება. მინდა რომ ბევრ ენაზე საუბრობდნენ გამართულად და ევროპის ან ამერიკის რომელიმე პრესტიჟულ სასწავლებელში სწავლობდნენ. ეს ჩემი აუხდენელი ნატვრაა.

15. ფრაზა, რომელსაც ყოველდღიურ საუბარში ყველაზე ხშირად ვიყენებ - არ მაქვს ასეთი ამოჩემებული ფრაზა.

16. ყველაზე ხშირად მავიწყდება - საერთოდ კარგი მეხსიერება მაქვს, მაგრამ თუ გადაღლილი ვარ, ან რამის გამო ყურედღება მაქვს გაფანტული, ელემენტარული რაღაცეები მავიწყდება ხოლმე, მაგალითად წამლის დალევა, ხელების დაბანის მერე ბეჭდის ნიჟარიდან აღება და გაკეთება, შეიძლება ტელეფონიც დამრჩეს სახლში...

17. ყოველთვის უნდა მახსოვდეს - რომ ტკბილეული და ყველანაირი გემრიელობები მასუქებს )) როგორც წესი ეს უკვე ამ გემრიელობის მირთმევის მერე მახსენდება ხოლმე ... )))

18. არ ვიცი და მინდა ვიცოდე - უცხო ენები. მხოლოდ რუსულს ვფლობ მშობლიური ენასავით, მინდა ბევრი ენა ვიცოდე ასე.

19. მინდა დამიმახსოვრონ, როგორც - ადამიანი რომელმაც ვიღაცას რაღაცა სიკეთე მოუტანა ცხოვრებაში. სულაც არ მინდა ყველას ვახსოვდე, ჩემთვის საკმარისია უახლოეს ადამიანებს ვახსოვდე ახლაც და მაშინაც როცა მათთან აღარ ვიქნები.

20. სიმღერა, რომელსაც ყველაზე ხშირად ვღიღინებ - ამ ბოლო დრის ადელის სიმღერა Make You Feel My Love ამოვიჩემე... ალბათ იმიტომ, რომ ჩემი რადიოს ბაზაში ეს სიმღერა ყველაზე მეტად მომწონს და ვცდილობ ხშირად გავუშვა ეთერში.

21. ის, რისი თქმაც სულ მინდოდა და დღეს, თქვენთან ვამბობ - მართლა არ ვიცი რა გიპასუხოთ ამ კითხვაზე იმიტომ, რომ ყოველთვის, როცა რაღაცის თქმა მინდა თამამად ვამბობ.

22. როლი, რომელსაც ყველაზე კარგად მოვირგებდი - ცხოვრების სხვადასხვა ეტაპზე სხვადასხვა როლების თამაშის სურვილი მაქვს, ამ ეტაპზე სიამოვნებით შევასრულებდი ნორას როლს ჰ.იბსენის ,,თოჯინების სახლში"

23. წიგნი, რომლის ავტორიც ვიქნებოდი - გოგოლის ნებსმიერი ნაწარმოების ავტორი ვიქნებოდი დიდი სიამოვნებით. ყოველთვის ვიყავი და ვიქნები აღფრთოვანებული ამ უნიკალური ადამიანის ფანტაზიის უნარით. მისი აზროვნება რელობის ნებისმიერ საზღვარს სცდება.

24. ნიჭი, რომელსაც ყველაზე მეტად მინდა, რომ ვფლობდე - ალბათ გარკვეული დოზით ნებისმიერ ადამიანში დევს ყველა სახის ნიჭი, მათ უბრალოდ განვითარება და მუშაობა სჭირდება. არ მინდა თავის ქებაში ჩამომართვათ, მაგრამ გეტყვით რომ მსახიობობის გარდა სიმღერაც მეხერხება, ხატვაც, წერაც, ცეკვაც, დაკვრაც და ალბათ თუ ძალიან მოვინდომებ ნებისმიერი სხვა რამეც გამომივა, თუმცა ყველაზე კარგად რათქმაუნდა იმას ვაკეთებ, რაც ყველაზე მეტად მიყვარს და რაზეც ბევრს ვმუშაობ. საქმე მხოლოდ მონდომებაშია თორემ შეუძლებელი ამ ქვეყნად არაფერია.

25. ზღაპრის გმირი, რომელსაც ყველაზე მეტად ვამსგავსებ ჩემს თავს - არ ვიცი. მიუხადავად იმისა რომ მოზარდ მაყურებელთა თეატრის მსახიობი ვარ და სულ რომელიღაცა ზღაპრის გმირის განსახიერება მიწევს, მაინც არ ვიცი. იმედი მაქვს მომიტევებთ...

წყარო: news.ge





კომენტარები




მსგავსი სიახლეები:
  • ეკო ფანგანი: "იღბალი რომ მქონოდა, დღეს ბევრად წინ ვიქნებოდი"
  • ნანა ჩარკვიანი: "ხანდახან მინდა, არ მქონდეს პასუხისმგებლობა, როგორც ირაკლი ...
  • წერილები კედელზე, ფლირტი, შოპინგი და მარინა ბერიძე, რომელიც „ნიჭს ბლოკავს“
  • ნუკი კოშკელიშვილი - "ალბათ ამას მხოლოდ ქალები გამიგებენ"
  • ეკა ამირეჯიბის დღემდე ცნობილი და უცნობი "პროფესიები"

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია