Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » რატომ დაემშვიდობა თიკა ჯამბურია გრძელ თმას

რატომ დაემშვიდობა თიკა ჯამბურია გრძელ თმას

თარიღი: 7-04-2014, 13:53,
მომღერალმა თიკა ჯამბურიამ გარეგნობაში კორექტივები შეიტანა, გრძელ თმას აღარ ატარებს და წონაშიც დაიკლო. თავის მოვლაზე ყოველთვის ზრუნავდა, მაგრამ გათხოვების შემდეგ მეტი ყურადღება დაუთმო. შვილის გაჩენის შემდეგ ყველაზე მეტი ძალისხმევა ზედმეტ კილოგრამებთან ბრძოლას დასჭირდა, ახლაც ფაქტობრივად შიმშილობს, რომ სასურველი წონა დაიბრუნოს. 
– თიკა, გარეგნობაში ცვლილება შეგიტანიათ. რატომ აღარ გაქვთ გრძელი თმა? 
– ახალ კლიპს ვიღებ და გარეგნობის შეცვლა მჭირდებოდა. ამავდროულად თმა ძალიან დაზიანებული მქონდა და შეჭრა გადავწყვიტე. 
– საკმაოდ გრძელი თმის დათმობა არ იქნებოდა ადვილი. 
– სხვათა შორის, საერთოდ არ მინერვიულია. პირიქით, მინდოდა, რაც შეიძლება მალე მომეშორებინა გრძელი თმა. იმდენად იყო დაზიანებული, რომ სხვა გზა არც მქონდა. 
– რატომ დაგიზიანდათ ასე, სათანადოდ არ უვლიდით? 
– ვაღიარებ, როცა გრძელი თმა მქონდა, განსაკუთრებულად არ ვუვლიდი. ახლა უკვე ყველაფერს ვაკეთებ იმისთვის, რომ მისი ხარისხი გავაუმჯობესო. ვიყენებ სპეციალურ ნიღბებს და თმის მოვლის სხვა საშუალებებს. თან გადავწყვიტე, რომ აღარ შევიღებო, მანამდე კი თითქმის ყველანაირი ფერი ვცადე. მყავს არაჩვეულებრივი სტილისტი, რომელსაც ბოლომდე ვენდობი, ის ყოველთვის სწორად მირჩევს ვარცხნილობას. 
სხვათა შორის, პროექტ "ახალი ხმის" მეორე ტურში ძალიან ცუდი ვარცხნილობა გამიკეთეს, საშინლად არ მომეწონა. ალა პუგაჩოვას ვგავდი, მაგრამ სხვა გზა არ მქონდა, ცოტა დრო იყო დარჩენილი და ასე გავედი სცენაზე. 
– სხვა დროსაც დარჩენილხართ უკმაყოფილო სტილისტის ან ვიზაჟისტის მუშაობით? 
– ძალიან ხშირად არასწორი მაკიაჟი გაუკეთებიათ ჩემთვის. როცა ტელევიზიაში გადაღებაზე მიდიხარ, იქ, რა თქმა უნდა, საკუთარ ვიზაჟისტს ვერ წაიყვან. სხვა გიკეთებს თავისი ხედვით და ამ დროს შეიძლება უარყოფითი შედეგი მიიღო. როცა მაკიაჟი არ მომწონებია, მე თვითონ შემისწორებია. ყოველდღიურ მაკიაჟს თავისუფლად ვიკეთებ. უკვე ვიცი, ფერების სწორად განაწილება. მგონია, რომ საკმაოდ კარგად გამომდის. 
– უცხოელი მომღერლები განსაკუთრებულად ზრუნავენ გარეგნობაზე, თამამ ექსპერიმენტებს არ ერიდებიან და ხშირად დიდ მსხვერპლზეც მიდიან... 
– საქართველოში კი საერთოდ არ ცდილობენ, იმიჯზე იზრუნონ. ძალიან ბევრი ცნობილი სახე არაფრით განსხვავდება ჩვეულებრივი ადამიანისგან. ნამდვილი ვარსკვლავები საზღვარგარეთ საკუთარ იმიჯს, სტილს იქმნიან, აქ კი, არა მგონია, ვინმეს განსაკუთრებული იმიჯი ჰქონდეს. ეუხერხულებათ, ფიქრობენ, ხალხი რას იტყვისო. ბევრისთვის განსხვავებულობა გოიმობასთან ასოცირდება. ამავდროულად ფაქტია, რომ ქართული შოუბიზნესი არ არსებობს და არც არის იმის მოთხოვნილება, იმიჯზე იზრუნო. 
– თქვენც ერიდებით, რომ თამამი იმიჯით წარდგეთ მაყურებლის წინაშე? 
– 9 წლიდან ქართველი მსმენელის და მაყურებლის წინ ვიზრდები. ერთი წლის წინ ერთ–ერთი გამოცემის ყდაზე ჩემი ფოტოები დაიბეჭდა, შედარებით თამამი. ამან კი საკმაოდ უცნაური რეაქცია გამოიწვია ხალხში. მესმოდა შეფასებები: "რატომ იპრანჭება?", "რატომ დიდობს?". ვერ მიხვდნენ, რომ იმიჯს სპეციალურად კი არ ვიცვლი, უკვე დიდი ვარ და, ბუნებრივია, სხვანაირი გავხდი. კიკინებით ვეღარ გამოვჩნდები! 
– როცა რაიმეს შეცვლა გსურთ, ვის რჩევებს უჯერებთ? 
– ძალიან ვენდობი ჩემს მეგობარს, ფოტოხელოვან საშა პრიშვინს. მან ზუსტად იცის, რა მიხდება. 
– ოჯახის წევრების აზრს არ ითვალისწინებთ? 
– სახლიდან გასვლის წინ დედას ყოველთვის ვეკითხები რჩევას. ჩვენი გემოვნება ხშირად არ ემთხვევა ერთმანეთს, მაგრამ ვერც იმას ვიტყვი, რომ დედა ჩემი თაობის გემოვნებას ვერ იგებს. უბრალოდ მას უფრო კლასიკურ სტილში მოვწონვარ. მე კი ხანდახან თავისუფლად სიარული მინდა. 
– ოჯახის წევრი მამაკაცების აზრიც მნიშვნელოვანია? როცა გათხოვილი იყავით, ქმარი რას გირჩევდათ გარეგნობასთან დაკავშირებით? 
– მამაჩემი არასდროს ერევა ამ საკითხში, მიიჩნევს, რომ კომპეტენტური არ არის. ზოგადად, ყველას აზრს ვითვალისწინებ. ჯერ არავის უთქვამს, რომ რაიმე არ მოსწონებიათ ჩემს სტილში. არ ვიცვამ ისე, რომ ვინმესთვის ვულგარული და მიუღებელი იყოს. 
– რა ფერები მოგწონთ? 
– ძალიან მიყვარს "ელექტრიკი" ფერები, განსაკუთრებით ზაფხულში. ბათუმში მეუბნებოდნენ, ყველგან ანათებდიო, რადგან კაშკაშა ფერის სამოსით დავდიოდი – ჟოლოსფერით, სალათისფერით, სტაფილოსფერით და ა.შ. ეს ფერები ზაფხულს უხდება. ზამთარში კი მუქი ფერის ტანსაცმელსაც ვიცვამ. 
– 23 წლის ასაკში კანის მოვლას ყურადღებას აქცევთ თუ ფიქრობთ, რომ ეს ჯერ ადრეა? 
– განსაკუთრებულ ყურადღებას ნამდვილად არ ვაქცევ. შეიძლება კოსმეტოლოგები არ დამეთანხმონ, მაგრამ ვფიქრობ, რომ ჩემს ასაკში მისი მოვლა ადრეა. მგონია, რომ რაც უფრო ადრე დავიწყებ კანზე ზრუნვას, უფრო მალე გამიჩნდება ნაოჭები. კანის დამატენიანებელს ვიყენებ მხოლოდ, მაკიაჟის ქვეშ კი – დამცავ ბაზას. გარუჯვასაც არ ვერიდები, პირიქით, ძალიან მიყვარს. ძალიან კარგი გენეტიკა მაქვს, ჩემი ოჯახის ქალები მშვენივრად გამოიყურებიან. 
– როგორ უვლიან ისინი თავს? 
– მახსოვს, ბებია კიტრის ნათალს სახეზე იწყობდა ხოლმე. ბავშვობაში ვერ ვხვდებოდი, ამას რატომ აკეთებდა. დღეს კი იმდენი საშუალებაა კანის მოსავლელად, რომ კიტრის ნათალს სახეზე არავინ იდებს. მეც არასდროს მიცდია. სხვათა შორის, გენეტიკაში ნაოჭების პრობლემა ნაკლებად გვაქვს. 
– სწორად იკვებებით? 
– სამწუხაროდ, არა. ძალიან მიყვარს ხორცეული და შემწვარი საკვები, ეს კი ცუდია. ამიტომ ხშირად ვარ დიეტაზე. თან ძალიან ცუდ დიეტებს ვიცავ, ისეთს, რომ ვერც გეტყვით, ფაქტობრივად ვშიმშილობ. ეს კი ორგანიზმისთვის კარგი არ არის. 
– ორსულობის შემდეგ ფორმაში ჩადგომა გაგიჭირდათ? 
– ძალიან გამიჭირდა. ჯერ კიდევ არ მაქვს ის წონა, რაც მინდა. ორსულობის შემდეგ საოცრად მოვიმატე, თუმცა ვერ ვიტყვი, საკუთარ თავს შვილის გამო დროს ვეღარ ვუთმობ–მეთქი, პირიქით, თავს არ ვზოგავ იმისთვის, რომ კარგად გამოვიყურებოდე. მიმაჩნია, ქალმა გათხოვების მერე მეტად უნდა მოუაროს თავს. ყველა ქალი ქმრისთვის უნდა გაიპრანჭოს. ამ ყველაფერს ვაკეთებდი და კიდევ გავაკეთებ აუცილებლად, როცა გავთხოვდები. მძულს, გათხოვების მერე თავის მოვლას რომ წყვეტენ. 
– სარკის წინ რა დრო გჭირდებათ თავის მოსაწესრიგებლად? 
– სამწუხაროდ, სწრაფად მომზადება არ შემიძლია. თუ ძალიან არ მეჩქარება, სარკის წინ საკმაოდ დიდ დროს ვატარებ. ძალიან მიყვარს სარკე, მუდმივად ვიხედები მასში. როგორც ყველას, მეც განწყობის მიხედვით მომწონს საკუთარი თავი. არის შემთხვევა, როცა უმიზეზოდ იწუნებ გარეგნობას. 
– და რა გეხმარებათ განწყობის გაუმჯობესებაში? 
– შოპინგი და ჩემი შვილი ნინა. 
– სამკაულები გიყვართ? 
– კი, ძალიან მიყვარს, განსაკუთრებით – ბეჭდები. მაქვს თეთრი ოქროს ბეჭედი, რომელსაც არასდროს ვიხსნი, არა იმიტომ, რომ მას რაიმე ისტორია აქვს, უბრალოდ ძალიან მივეჩვიე. ზოგადად აქსესუარები ჩემთვის მნიშვნელოვანია. 
– რა არ მოგწონთ თქვენი თაობის გოგონებში? 
– ხშირად ვამბობ, რომ თითქმის ყველა ერთნაირია. ინდივიდუალიზმი აკლიათ. რაღაც რომ შემოვა მოდაში, ყველა ერთნაირად იცვამს. არ მომწონს, როცა პატარა გოგონები მაღალქუსლიანი ფეხსაცმელებით დადიან და დიდობენ. 

მანანა ნოდია, ჟურნალი სარკე  

წყარო: sana.ge






კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია