Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » სპორტი » ნუკი კოშკელიშვილს გიგა ტაბიძის ტორსი შოკში აგდებს

ნუკი კოშკელიშვილს გიგა ტაბიძის ტორსი შოკში აგდებს

თარიღი: 8-03-2014, 05:02,
ტელეწამყვანი ნუკი კოშკელიშვილი და "კომედი გრუპის" მსახიობი გიგა ტაბიძე სანამ "კომედი არხზე" შეხვდებოდნენ, ერთმანეთს მხოლოდ ეკრანიდან იცნობდნენ. მათი პირველი შეხვედრა ორივესთვის გამაოგნებელი იყო. ნუკი ამ შოკიდან ჯერაც არ არის გამოსული. ერთმანეთის გაცნობის პირველ დღეს, რომელიც არასოდეს დაავიწყდებათ, ორივენი "სარკესთან" იხსენებენ. 
ნუკი: პირველად რომ შევედი ოთახში და ეს აპოლონი დავინახე, შოკი მივიღე. რა დავაშავე?! თქვენ და თქვენი მკითხველიც ალბათ კიდევ ვერ ხვდება, გიგა რა ბიჭია! გადახედეთ მისი "ფეისბუქის" გვერდს, როგორი აღმაშფოთებელი ფოტოები უდევს. საოცრად სიმპათიური და მომხიბვლელია, მაგრამ, ამავე დროს, ძალიან თავმდაბალი, ყურადღებიანია, ნამდვილი ჯენტლმენია. ასეთი გარეგნობის ბიჭები ათასი სისულელის კეთებით არიან დაკავებული, ეს კი სულ თავის საქმეშია ჩართული და თავიდანვე ამით დამამახსოვრდა. დავინახე თუ არა, ერთმანეთს მაშინვე თავისდაუნებურად მივესალმეთ. 
გიგა: ნუკი პირველ დღეს რომ მოვიდა სამსახურში, ეგრევე გავშეშდი. ჩემ წინ ეკრანიდან გადმოსული ღვთაება იდგა! დავიბენი, თუმცა მაინც მივესალმე, მას შემდეგ ერთმანეთთან ძალიან ვმეგობრობთ. 
– სანამ პირადად შეხვდებოდით, როგორი წარმოდგენა გქონდათ ერთმანეთზე? 
გიგა: ამა თუ იმ ადამიანზე გული ხომ გიგრძნობს, როგორი იქნება? ჰოდა, ნუკიზეც ვხვდებოდი, რომ კარგი ადამიანი იყო. ისე, ცოტა "სტერვა" კი მეგონა, მაგრამ ასე არ აღმოჩნდა. ძალიან ადამიანურია. 
ნუკი: მთლად ასეც არ არის! შენს დანახვაზე მიწა ჩამივარდა! ჩვენს სამსახურში რომ შემოიხედოთ, ვანო ჯავახიშვილი და მისნაირი კიდევ რამდენიმე დადის და ამ დროს, წარმოიდგინეთ, ორმეტრიანი, დაკუნთული გიგა ტაბიძე რომ გაივლის!.. სულ ბიჭების გარემოცვაში ვარ. ჩემს ოთახში ყველა რაღაცით ერთობა, ზოგი ფეხბურთსაც კი თამაშობს და ამ დროს გიგა თავის ბიცეპსებზე ყვება, ცოტა კიდევ მჭირდება და უფრო ჯანზე ვიქნებიო. მე კი ამ დროს ოფლად ვიღვრები! 
არ მინდა, ყურადღება სულ გიგას გარეგნობაზე შევაჩერო. ის თავის სამუშაოს დიდი პასუხისმგებლობით ეკიდება. ყველაზე ადრე მოდის და გვიანობამდე სამსახურშია. იყო შემთხვევა, როცა ჩემს გადაცემაში "ფეისნუკი" ფორსმაჟორული სიტუაცია მქონდა, სტუმარმა "გადაგვაგდო" და გიგა ბუფეტიდან "მოვხსენი". არ დაიბნა, ზუსტად ორ წუთში თემა გაიაზრა და გადაცემაში მაქსიმალურად მობილიზებული დაჯდა. 
გიგა: ნუკის გადაცემა ისე მომწონს, რამდენჯერმე ჩაწერასაც დავესწარი და კიდევ ბევრჯერ მივალ. ნებისმიერ თემაზე ძალიან თავისუფლად საუბრობს. გადაცემაში ასეთი მასპინძელი რომ დაგხვდება, ხომ სასიამოვნოა? 
– ნუკი, თქვენც ხშირად უყურებთ გიგას მონაწილეობით სკეტჩებს? 
ნუკი: კი, სულ ვუყურებ. "ჭამე, ნოდარი" – ეს ფრაზა ძალიან მოდაშია. ბანკის მმართველიდან დაწყებული ბაღის აღსაზრდელით დამთავრებული, ყველა "ჭამე, ნოდარი"–ს გაიძახის. 
გიგა: ამ ფრაზამ ჩემი ცხოვრება შეცვალა, ოღონდ კარგისკენ თუ ცუდისკენ, ეს უკვე აღარ ვიცი. ყველა ნოდარის მეძახის. ხალხისგან დიდ სიყვარულს ვგრძნობ. ისეთი თაობის ადამიანები დამძახიან, ჭამე, ნოდარიო, უკვე მიკვირს და თანაც მეშინია. ბებიაჩემზე უფროს თაობაზე გეუბნებით, კბილები რომ აღარ აქვთ. 
ნუკი: "ფეისნუკის" ჩაწერაზე ბავშვები მესწრებიან ხოლმე და რომ გაიგეს, გიგა ტაბიძე მეყოლებოდა სტუმრად, ვერ გეტყვით, როგორ გაუხარდათ, კიოდნენ! გახსოვთ, ერთი პერიოდი როსტოზე რომ იყო ბუმი და განცხადებები იბეჭდებოდა, ვარ 25 წლის ბიჭი როსტოს გარეგნობისო, ჰოდა, მე ვწინასწარმეტყველებ, რომ გიგა ტაბიძე საოცნებო მამაკაცი იქნება საქართველოში. 
გიგა: შენს პირს შაქარი! 
ნუკი: საქართველოში ასეთი შრომისმოყვარე ახალგაზრდა ძალიან იშვიათია. არ ვიცი, გიგა სად ერთობა და როგორ სვამს, მაგრამ სამსახურში რასაც ვხედავ, მხოლოდ მისი მოწესრიგებულობაა. ერთხელ არ უთქვამს, "პახმელიაზე" ვარო. 
– გიგა, ნუკი რა თვისებებს ამჟღავნებს, როგორი კუთხით გაიცანით? 
გიგა: ნუკიც ძალიან მოწესრიგებული ადამიანია, ყველაფრის დრო წინასწარ აქვს განსაზღვრული. თავისი გადაცემისთვის ბევრს შრომობს. საკუთარ თავზე ხომ მუშაობს და მთელ შემოქმედებით გუნდზეც გადართულია. ბოლომდე იხარჯება იმისთვის, რომ საზოგადოებას ხარისხიანი პროდუქტი მიაწოდოს. თამამად შემიძლია ვთქვა, რომ "კომედი გრუპის" ყველა წევრი ასეთი შრომისმოყვარეა, სხვაგვარად საქმე არც გამოგვივიდოდა. 
ნუკი: აქ ყველა ერთმანეთს ეხმარება. ვანო ჯავახიშვილი ხომ ძალიან პოპულარულია, არ დაიზარებს და ბიჭებისთვის დაწერს სკეტჩს... ახლა ინტერვიუს კი ვწერთ, მაგრამ გიგას ტორსისკენ თვალი არ გაგირბით? გეუბნებით, შოკში ვარ, რა დავაშავე, რას მოვდიოდი "კომედი არხზე"! 
გიგა: შევიკრავ ზედატანს! 
ნუკი: გიგა, რა ამის პასუხია და, წყალბურთს რატომ არ გაჰყევი? 
გიგა: ცურვა არ ვიცი და წყალბურთზე რა მინდოდა?! საკუთარი თავი ყველა სპორტში ვცადე, მაგრამ უშედეგოდ. სამედიცინო დავამთავრე, მაგრამ სულ სხვა განზომილებაში მოვხვდი. პროფესიით ფარმაცევტი ვარ. 
ნუკი: გეხვეწები, რამე წამალი მირჩიე, ვკვდები, ისეთი გაციებული ვარ და თან სიცხიანი. 
გიგა: ინტერვიუს მერე გეტყვი მაგის წამალს. 
– მკითხველი იფიქრებს, რომ თქვენ შორის რაღაც ხდება, ფლირტის დონეზე მაინც... 
ნუკი: არანაირად! გიგა თავისუფალია, თავის მეორე ნახევარს ეძებს. მე მაჭანკალი ვარ და თან დედამთილის როლს ვასრულებ. ყველა, ვისაც გიგა მოეწონება, კასტინგს ჩემთან გაივლის! 
გიგა: მაშინ კასტინგის დღეც დავთქვათ. 
ნუკი: ოღონდ კასტინგზე მხოლოდ ძალიან ლამაზები და ჭკვიანები გვჭირდება. მინდა, რომ გიგას ცოლი ძალიან ჭკვიანი და ლამაზი იყოს. მის გვერდით სხვანაირი გოგო წარმოუდგენელია. გიგას ისეთი იუმორი აქვს, არ შეიძლება მის მეორე ნახევარს იუმორი არ გააჩნდეს, მაშინ გიგა დაღუპული იქნება, ამიტომ გოგოს ესეც მოეთხოვება. 
გიგა: ქალს შეიძლება ბევრი რამ აკლდეს, მაგრამ იუმორის გრძნობა აუცილებლად უნდა ჰქონდეს. 
– გიგა, თქვენ იმაზე ისაუბრეთ, ნუკის როგორი ბიჭი შეეფერება. 
გიგა: მაღალი, სიმპათიური, დაკუნთული და შრომისმოყვარე ბიჭი, ოღონდ, რა თქმა უნდა, მომავლის პერსპექტივით. იუმორის გრძნობა მასაც უნდა ჰქონდეს. მგონი, ჩემს თავზე ვლაპარაკობ. ასეა? 
ნუკი: რაღაც ეგრე გამოვიდა. დღეს საღამოს რას აკეთებ? 
გიგა: რაც უნივერსიტეტში ჩავაბარე, მას შემდეგ დედაჩემი სულ შვილიშვილს ნატრობს. პირდაპირ არაფერს ამბობს, მაგრამ მახვედრებს, მეუბნება, შენმა კლასელმა ცოლი მოიყვანა და შვილიც ეყოლაო. 
– გიგა, როგორი გოგონები მოგწონთ? 
გიგა: გოგოს კონკრეტული კრიტერიუმებით არ ვარჩევ, შეიძლება შავგვრემანიც მომეწონოს და ქერაც. 
– ნუკი, გაბრაზებული გიგა გინახავთ? 
გიგა: ნუკიმ როგორც უნდა გამაბრაზოს, ყველაფერს მოვუთმენ. 
ნუკი: იცით, როგორი ბუნჩულა და კეთილია? ამის ხმას ვერ გაიგონებთ! 
გიგა: მთლად ეგრე არაა! მეგობრობის ან თუნდაც კოლეგიალურობის გამო რაღაცეების ჩაყლაპვა შემიძლია. ელემენტარულზე არავის გამოვეკიდები. 
ნუკი: ძალიან ზრდილობიანი და ყურადღებიანია. არ არსებობს, რამე წავიწუწუნო და გიგა ეგრევე გასაკეთებლად არ წამოხტეს. ქალის მიმართ განსაკუთრებულად ყურადღებიანია, ოღონდ ეს ყველაფერი ზედმეტებში არ გადასდის. ბევრი რომ არ გავაგრძელო, სუპერ სასურველი სასიძოა! ხალხო, გაახილეთ თვალები! 

სოფიო ბოჭორიძე, ჟურნალი სარკე  

წყარო: sana.ge






კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია