Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ორი სარკინიგზო ავარია მსხვერპლით – ტრაგედიის დეტალები

ორი სარკინიგზო ავარია მსხვერპლით – ტრაგედიის დეტალები

თარიღი: 7-03-2014, 04:28,
ორი გარდაცვლილი სარკინიგზო მაგისტრალზე ერთ დღეში „კვირამ" შემთხვევის ადგილზე დეტალები გაარკვია ტრაგედია გუშინ, დილის და საღამოს საათებში, ფეიქრების ქუჩაზე N14 -ის მიმდებარე ტერიტორიაზე მოხდა. შემთხვევის შედეგად, დილის საათებში, 1954 წელს დაბადებული გიორგი გავაკეთაშვილი, საღამოს კი 1986 წელს დაბადებული გიორგი იოსელიანი გარდაიცვალნენ.

თვითმხილველების ინფორმაციით, ბოლო 20 წლის მანძილზე ზუსტად ამ ადგილზე 10 ადამიანი დაიღუპა. რიგით მეათე კი 28 წლის გიორგი იოსელიანი აღმოჩნდა. შემთხვევის ადგილზე, ლიანდაგებს შორის ახალგაზრდა მამაკაცის ტანსაცმელი და პირადი ნივთები ახლაც გდია. ლიანდაგებს სისხლის კვალიც ემჩნევა.

გიორგი იოსელიანი სატვირთო მატარებელმა 6 მარტს, 20.15 წუთზე გაიტანა.

„კვირას" ინფორმაციით, მამაკაცი მატარებლის ლიანდაგებზე თვითმკვლელობის მიზნით დაწვა. მემანქანემ ის შეამჩნია და რამდენიმე გამაფრთხილებელი სიგნალი მისცა, თუმცა სისწრაფის გამო, მან დამუხრუჭება ვერ მოასწრო. თვითმხილველები ამბობენ, რომ გიორგი იოსელიანს სატვირთო მატარებლის 20-მდე ვაგონმა გადაუარა. თავად სატვირთო მატარებელს 31 ვაგონი ჰქონდა ჩაბმული. მემანქანეს დასავლეთიდან თბილისისკენ ნავთობპროდუქტები გადაჰქონდა.

რაც შეეხება გუშინ, დილის საათებში მომხდარ ტრაგედიას, „კვირამ" გაარკვია, რომ 60 წლის გიორგი გავაკეთაშვილი ფეიქრების ქუჩაზე მდებარე შპს „ინტრეიდის" დაცვის თანამშრომელი იყო. შპს „ინტრეიდის" დირექტორის ილია შარიქაძის ინფორმაციით, გიორგი გავაკეთაშვილი ოჯახთან ერთად მეტრო „სარაჯიშვილთან" ახლოს ცხოვრობდა. მისი თქმით, ის სამსახურში ყოველდღე მეტროდან სამსახურამდე ერთი და იგივე გზით მიდიოდა და სარკინიგზო მაგისტრალი უნდა გადაეკვეთა.

6 მარტი საბედისწერო დღე აღმოჩნდა მისთვის. გიორგი გავაკეთაშვილს სამსახურში ეჩქარებოდა. თვითმხილველების ინფორმაციით, დაახლოებით 11.30 წუთზე გავაკეთაშვილმა აღმოსავლეთიდან დასავლეთის მიმართულებით მოძრავ სატვირთო მატარებელს გადაასწრო, თუმცა დასავლეთიდან აღმოსავლეთით მოძრავი მატარებელი ვერ შეამჩნია. ხანდაზმულ მამაკაცს ქუთაისი-თბილისის მიმართულებით მოძრავმა სამგზავრო მატარებელმა გადაუარა.

 კიდევ ერთი დეტალი. როგორც „კვირას" შემთხვევის ადგილზე უამბეს, მემანქანე, რომელმაც საღამოს ახალგაზრდა მამაკაცი გაიტანა, ზუსტად ქუთაისი-თბილისის მიმართულებით მოძრავ სამგზავრო მატარებელში იმყოფებოდა და ის სამსახურში მატარებლით მივიდა. ფაქტობრივად, ის გუშინ მომხდარი ერთი ტრაგედიის თვითმხილველი, ხოლო მეორეს მონაწილე აღმოჩნდა. როგორც „კვირამ" გაარკვია, გუშინ შემთხვევის შემდეგ, შოკირებულ მემანქანეს სასწარაფო-სამედიცინო დახმარების ბრიგადამ ადგილზევე აღმოუჩინა სამედიცინო დახმარება.

რაც შეეხება სს „საქართველოს რკინიგზას", ადმინისტრაცია კომენტარისგან თავს იკავებს. თუმცა, ფაქტია, ფეიქრების ქუჩაზე, იქ სადაც ტრაგედია დატრიალდა, სარკინიგზო მაგისტრალზე ფეხით სიარული აკრძალულია. მომხდარ ფაქტთან დაკავშირებით სისხლის სამართლის საქმე აღიძრა. ორივე ცხედარი სასამართლო-სამედიცინო ექსპერტიზის ბიუროში მოათავსეს.

იზა შაქარაშვილი

წყარო: kvira.ge




კომენტარები




მსგავსი სიახლეები:
  • "გალერეაში" გარდაცვლილი 23 წლის ახალგაზრდა გულიკო ჩაფიძის შვილიშვილია
  • მიცკევიჩის ქუჩაზე გარდაცვლილმა სიკვდილის წინ წერილი დატოვა - ,,მაპატიე დედა ...
  • რა ჩვენება მისცა გამოძიებას გარდაცვლილი მარიკა ჩემიას მეუღლემ?
  • ექსპერტიზამ მარიკა ჩემიას გარდაცვალების მიზეზი დაადგინა
  • სამარშრუტო ტაქსის გარდაცვლილი მძღოლი კახა ჭანკვეტაძეა

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია