Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » რისთვის ტუქსავს ჯაბა კილაძეს 8 წლის ქალიშვილი ლიზა

რისთვის ტუქსავს ჯაბა კილაძეს 8 წლის ქალიშვილი ლიზა

თარიღი: 27-02-2014, 10:11,
მსახიობ ჯაბა კილაძისა და მომღერალ თამთა ჭელიძის შვილი, 8 წლის ლიზა, ზრდასრული ადამიანივით მსჯელობს. იცის, რა სურს და რა – არა. მამასთან ერთად სპექტაკლ "დეკამერონში" უკვე ითამაშა, მაგრამ მსახიობობა არ უნდა. მუსიკაზე დადის, მაგრამ დედასავით სცენაზე სიმღერასაც არ აპირებს. მისი არჩევანი სრულიად განსხვავებულია – სურს, რომ ვეტექიმი გახდეს და ცხოველებს უმკურნალოს. სახლში ფაუნის მთელი სამყარო აქვს.

ჯაბა ამაყობს თავისი ზრდილობიანი და დამჯერი გოგონათი. მთელ შაბათდღეს მასთან ატარებს და სურვილებს უსრულებს – სათამაშოებს ყიდულობს და კინოში მულტფილმების სანახავად დაჰყავს. თავის მხრივ, ლიზაც "არიგებს ჭკუას" მამას და როცა ჯაბა არ უჯერებს, უბრაზდება. თუ რისთვის, ამას ქვემოთ შეიტყობთ.

ჯაბა: ლიზა უკვე მესამე კლასის მოსწავლეა. ჩვენ, პირველ რიგში, მეგობრული ურთიერთობა გვაქვს, შემდეგ – მამაშვილური. სამწუხაროდ, ჩემი გრაფიკის გამო ლიზას ხშირად ვერ ვნახულობ, მაგრამ შაბათს ძირითადად ერთად ვართ და, თუ სპექტაკლი არ მაქვს, კინოშიც დავდივართ. რაც კი მულტფილმი გამოვიდა, ამის წყალობით, ყველა ნანახი მაქვს. 
ლიზა: ოღონდ, თუ კარგი მულტფილმი გადის, იმ შემთხვევაში. მამას მხოლოდ კინოში კი არ დავყავარ, სათამაშოების მაღაზიაშიც ხშირად მივდივართ და პარკებშიც დავსეირნობთ.
 
– ლიზა, სპექტაკლებზე თუ დაჰყავხარ მამიკოს? 
ლიზა: მამაჩემი რა სპექტაკლებშიც თამაშობს, ვფიქრობ, რომ ასეთი წარმოდგენები ჩემი ასაკისთვის არ არის გათვალისწინებული, უფროსებმა უნდა უყურონ, ამიტომ ძირითადად არ დავდივარ თეატრში. 
ჯაბა: "ჯინსების თაობა", "რიჩარდ მესამე", "კავკასიური ცარცის წრე"... – ლიზასთვის ამ სპექტაკლების ყურება ჯერ ცოტა ადრეა. 
ლიზა: როცა წამოვიზრდები, მამას სპექტაკლებს აუცილებლად დავესწრები. ზოგჯერ მეც ვთამაშობ სცენაზე.

– ჯაბა, თქვენი გოგონა არტისტულ ნიჭს ამჟღავნებს? 
ჯაბა: სპექტაკლ "დეკამერონში" ეპიზოდური როლი ითამაშა. სამსახიობო მონაცემები ნამდვილად აქვს. სცენაზე დგომის არ რცხვენია, 8 წლის ბავშვისთვის ეს უკვე სამსახიობო მონაცემია. ჯერ მის პროფესიაზე ლაპარაკი ადრეა. როცა წამოიზრდება, რა პროფესიაც უნდა აირჩიოს, მაქსიმალურად ხელს შევუწყობ.

– ლიზა, სცენა არ მოგეწონა, მსახიობობა არ გინდა? 
ლიზა: იმ სპექტაკლში უბრალოდ ვითამაშე. სამომავლოდ რა პროფესიაზე ვფიქრობ, ეს მამამ გიპასუხოთ. 
ჯაბა: ლიზას ცხოველები საშინლად უყვარს. მისი ეს თვისება ძალიან მომწონს, მაგრამ სულ ვეუბნები, რომ ამისთვის ვეტექიმობა აუცილებელი არ არის. მაინც ფიქრობს, რომ ვეტექიმი გამოვიდეს. 
ლიზა: კუ, კურდღელი, ქათამი, იხვი, ძაღლი, კატა... რა აღარ მყავს სახლში. მალე ზაზუნაც მეყოლება და კიდევ ის ღორი, რომელიც არ იზრდება. 
ჯაბა: ჯობია, ზოოპარკში გადაგიყვანო საცხოვრებლად. ზაფხულში ჩვენს სოფელში, მარტყოფში ისვენებდა. ვარია ჰყავდა დამეგობრებული. წარმოიდგინეთ, ქათამს რა ტვინი აქვს, მაგრამ ლიზა კალთაში რომ ჩაისვამდა და ველოსიპედით დაარბენინებდა, ერთხელაც არ გადამხტარა. 
ლიზა: დედას რომ ვუთხარი, ვეტექიმობა მინდა–მეთქი, დამთანხმდა, კარგი პროფესიააო. სახლში ამდენი ცხოველი რომ მყავს, ბებოსაც ძალიან უხარია. ყველაფერს მე ვუვლი. რაც მყავს, ყველა ადვილად მოვათვინიერე.

– ლიზა, სკოლაში იციან, ჯაბა კილაძის შვილი რომ ხარ? 
ლიზა: კი, როგორ არა, ოღონდ ზოგი იმჩნევს ამას, ზოგიც – არა. ბიჭებთან მეგობრობას გოგოებთან მეგობრობა მირჩევნია. ბიჭებთან მეგობრობა შეუძლებელია! ერთხელ გოგოებმა ერთ ბიჭზე რაღაც ჩავიჩურჩულეთ, იმას გაუგია და ასე გვითხრა, არა უშავს, თქვენ გოგოები ხართ და თქვენთან ჩხუბი არ შემიძლიაო. გოგონები ვცდილობთ, კლასელი ბიჭები გამოვასწოროთ, მაგრამ მათ გამო მაინც ჩვენ ვისჯებით. ამას წინათ გამყიდველმა რაღაც მაჩუქა, ალბათ იმიტომ, რომ ჯაბა კილაძის შვილი ვარ. მე არ მითხოვია, მაჩუქეთ–მეთქი. 
ჯაბა: ლენინის შვილი ხომ არ არის, მეც ჩვეულებრივი მოქალაქე ვარ!

– ჯაბა, ლიზა ხასიათით როგორი გოგოა? 
ჯაბა: როგორც ყველა გოგო, ლიზაც პრანჭიაა, ოღონდ – ზომიერების ფარგლებში. საოცრად ცოცხალი ბავშვია, სულ რაღაცას აკეთებს. იცით, ყველაზე მეტად რა მომწონს? ლიზა ძალიან ჭკვიანია, სულ მისმენს. კარგია, როცა ადამიანს, მით უმეტეს, გოგოს, ზომიერების შეგრძნება აქვს. ნებისმიერი სახის ურთიერთობაში მეგობრობა მაინც პრიორიტეტია. ლიზასთან საერთო ენის გამონახვას ვცდილობ. თამთას ლიზა ძალიან კარგად ჰყავს გაზრდილი, ასეთი მოწესრიგებული და ზრდილობიანი რომაა, ამით ძალიან ბედნიერი ვარ.

– ლიზა, მამას ხშირად ურეკავ? 
ლიზა: კი, როგორ არა. შაბათ დილით მუსიკიდან პირდაპირ მამასთან მივდივარ და ძალიან მიხარია ხოლმე. ციცინო ბებოსთან (ჯაბას დედა, რეჟისორი ციცინო კობიაშვილი. ავტ.) ძალიან ვმეგობრობ, ძალიან მიყვარს.

– სკოლაში როგორ სწავლობ? 
ლიზა: ალბათ უფრო კარგად. გაკვეთილებს ყოველთვის ვამზადებ, სულ ორჯერ მახსოვს, როცა მეცადინეობა ვერ მოვასწარი. გუნდშიც ვმღერი და ფორტეპიანოზეც დავდივარ.

– დედიკოსთან ერთად მღერი? 
ლიზა: მე და დედა ერთად არასოდეს ვმღერით, თამთას ჩემთვის არასოდეს უთქვამს, ვიმღეროთო. 
ჯაბა: ლიზა მუსიკალური ვეტექიმი იქნება, ცხოველებს სიმღერ–სიმღერით მოარჩენს.

– ლიზა, დედა არ გამეცადინებს მუსიკაში? 
ლიზა: არა, დედამ ფორტეპიანოზე დაკვრა არ იცის და მე უნდა ვასწავლო, თვითონ მთხოვა, მასწავლეო. თავიდან ეგონა, რომ დამოუკიდებლად მეცადინეობას ვერ შევძლებდი, მაგრამ ახლა დარწმუნდა, რომ შემიძლია. დედას საღამოებზე იშვიათად დავდივარ. თამთას რეპერტუარიდან სიმღერა "ახალი წელი" განსაკუთრებულად მომწონს. დედაჩემი სცენაზე ძალიან ლამაზია, ძალიან მომწონს.
 
– სხვა გოგოებივით დედიკოს ტანსაცმლის ჩაცმა შენც გიყვარს? 
ლიზა: მე უფრო სათამაშოები მაინტერესებს, ტანსაცმელს დიდ ყურადღებას არ ვაქცევ. ფუმფულა სათამაშოები ყველაფერს მირჩევნია, ბარბი რატომღაც არ მიყვარს, ასეთი სტილის თოჯინები მალე მბეზრდება. მამაჩემს ყველაზე ხშირად სათამაშოებს ვთხოვ. ტანსაცმლის საყიდლადაც დავყავარ.

– მამა–შვილი ხასიათით ერთმანეთს ჰგავხართ? 
ლიზა: ყველა მეუბნება, რომ მამაჩემს ვგავარ ხასიათითაც და გარეგნობითაც. ჩემს გვარს როგორც კი გაიგებენ, ეგრევე მეკითხებიან, ჯაბა კილაძის შვილი ხომ არ ხარო. 
ჯაბა: ლიზა ნამდვილად ძალიან მგავს, ოღონდ მე ცხოველები ასე ძალიან არ მიყვარს. 
ლიზა: ყველაზე მეტად ცხოველები მიყვარს. ძაღლი კეთილშობილი არსებაა. ადამიანმა შეიძლება გიღალატოს, ძაღლი კი არასოდეს გიღალატებს.

– ლიზა, მამა რამეზე გაგბრაზებია? 
ლიზა: კი არ მიბრაზდება, შენიშვნას მაძლევს გადამეტებულ ქცევებზე. მამა თუ არ მიჯერებს, მეც კი ვუბრაზდები ხოლმე. 
ჯაბა: ლიზა მეუბნება, სიგარეტი გადააგდეო. 
ლიზა: სიგარეტის მოწევა ჯანმრთელობისთვის მავნებელია და არ მინდა, რაღაც ცუდი მოხდეს. 
ჯაბა: ლიზა ამას რომ მეუბნება, თავს ვხრი. ყველანაირად უნდა ვეცადო, რომ სიგარეტს თავი დავანებო.

– ჯაბა, ლიზას თაობა უკვე საშინლად "კომპიუტერიზებულია", თქვენი შვილი ამ გატაცებისგან თავისუფალია? 
ჯაბა: ჩემს ბავშვობაში კომპიუტერისა და ინტერნეტის ფუფუნება არ გვქონდა, ჟურნალში თუ ვნახავდით. დღეს კი ამ თაობას ამის პრობლემა არ აქვს, მაგრამ ათჯერ უფრო დიდი პრობლემა გაჩნდა, ძალიან ბევრ ბავშვს კომპიუტერისადმი დამოკიდებულებამ ფსიქიკური პრობლემებიც შეუქმნა. იმდენ დროს ატარებენ ინტერნეტში ძრომიალში, ოთახებიდან ვერ გამოჰყავთ. 
ლიზას სახლშიც აქვს კომპიუტერი და ჩემთანაც რომ მომყავს, იქაც შეუძლია ისარგებლოს ინტერნეტით. შეიძლება მას საკუთარი ლეპტოპი უნდა, მაგრამ არ ვთვლი, რომ ბავშვს ყველაფერი ერთად უნდა მიაყარო. შვილი უნდა გაანებივრო, მაგრამ ყველაფერი არ უნდა შეუსრულო. დაუყრიან ბავშვს ყველაფერს და მერე თავში ირტყამენ ხელებს, ვაიმე, მეგობარი აღარ ჰყავს ან სახლიდან აღარ გამოდისო. არ მინდა, ლიზასთან ეს პრობლემა შეგვექმნას და ალბათ არც გვექნება, რადგან ძალიან დამჯერია. 

სოფიო ბოჭორიძე, ჟურნალი სარკე  

წყარო: sana.ge





კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია