მამა გაბრიელის საფლავი შაბათს 12 საათზე გაიხსნება.
ამის შესახებ საპატრიარქოში გამართულ ბრიფინგზე მამა მიქაელ ბოტკოველმა განაცხადა.
მამა გაბრიელის ნეშტს თავდაპირველად სამთავროს ფერისცვალების ტაძარში, საღამოს ექვს საათზე კი სვეტიცხოველში დაასვენებენ.
24 თებერვალს კი წმინდა ნაწილებს სამების ტაძარში დააბრძანებენ. მამა გაბრიელის საფლავის გახსნამდე კი კიდევ ორი, ღირსი მამის საფლავები გაიხსნება.
"20 თებერვალს 5 საათზე ბეთანიაში გაიხსნება მამა გაბრიელის მოძღვრის ღირსი მამა გიორგი-იონაე მხეიძის და ღირსი მამა იოანე მაისურაძის წმინდა ნაწილები და დასვენდება ბეთანიის ღვთისმშობლის შობის ტაძარში. ამ დღესვე 19 საათზე დაიწყება საზეიმო ლოცვა, ხოლო 24 საათზე საზეიმო წირვა ღამისთევით. 22 თებერვალს 2 საათზე სამთავროს დედათა მონასტრის ეზოში აღმოყვანებული იქნება ღირსი მამის წმინდა გაბრიელს სალოსის წმინდა ნაწილები. ჯერ სამთავრობოს ეზოში დასვენდება, ხოლო 18 საათზე გადასვენებული იქნება სვეტოცხოვლის ტაძარში, სადაც საზეიმო ლოცვა შაბათას 19 საათზე დაიწყება, ხოლო კვირას - 10 საათზე. წმინდა ლოცვას სინოდის წევრებთან ერთად სრულიად კათოლიკოს პატრიარქი აღასრულებს. ორშაბათს მამა გაბრიელის წმინდა ნაწილები გადმოსვენებული იქნება სამების საკათედრო ტაძარში, ერთი კვირის განმავლობაში იქნება დასვენებული აქ და საზოგადოებას ექნება შესაძლებლობა პატივი მიაგოს წმინდანს, შემდეგ კი იგი დაიკრძალება სამთავროს ფერისცვალების ტაძარში," - განაცხადა მამა მიქაელ ბოტკოველმა.
