მომღერალი ნინი ქარსელაძე, უკვე დიდი ხანია საზღვარგარეთ ცხოვრობს და სწავლობს. მომღერალი უკვე წლებია საქართველოში არ აღარ აგრძელებს თავის კარიერას, და ამბობს, რომ ამ ქვეყანაში არაფრის კეთებას არ აქვს აზრი, რადგან კონცერტები აღარ ტარდება. ცოტა ხნის წინ ცნობილი გახდა, რომ ნინის მამა, თემურ ქარსელაძე დააკავეს.

„დიახ, ყველგან დაიწერა, ნინი ქარსელაძის მამა დაიჭირესო. როცა მამა პირველად დააკავეს, ირმა ნადირაშვილმა გაავრცელა ეს ინფორმაცია, მაშინ ჟურნალისტურ საქმიანობას ეწეოდა. მახსოვს, სკოლის მოსწავლე ვიყავი, ირმა მთელი დღის განმავლობაში პირდაპირ ეთერში თუთიყუშივით აცხადებდა: შეგახსენებთ, თემურ ქარსელაძე პატარა მომღერლის, ნინი ქარსელაძის მამა გახლავთო. მძიმედ გადავიტანე ის დღე და ვერ ვივიწყებ… თქვენი გაზეთი მეშვეობით მივმართავ ირმა ნადირაშვილს — ღმერთი მაღალია და რასაც აკეთებ, ბუმერანგივით უკან გიბრუნდება. არ ვუსურვებ, როგორც მე მატკინა გული, ასეთი რამ თავის თავზე გამოცადოს. მე ვამაყობ მამაჩემით. ვინც მამაჩემზე რამეს ამბობს, იკითხონ მამაჩემის გვარ-სახელი და მიხვდებიან, რა ადამიანზეა ლაპარაკი. ჟურნალისტებმა წერონ და იკითხონ, რაც უნდათ. მამაჩემი ძალიან მაგარი ადამიანია.» — განაცხადა მომღერალმა.