Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » როგორ აღმოჩნდა ქეთა თოფურია ნიკა ლაზარიაშვილის კალთაში

როგორ აღმოჩნდა ქეთა თოფურია ნიკა ლაზარიაშვილის კალთაში

თარიღი: 17-01-2014, 07:39,
ცოტა ხნის წინ სოციალურ ქსელებში მომღერალ ქეთა თოფურიას ფოტო დაიდო, სადაც ქეთა ახალგაზრდა მამაკაცს კალთაში უზის. ის ახალგაზრდა პროექტ "ახალი ხმის" კონკურსანტი ნიკა ლაზარიაშვილია. მითქმამოთქმას, რომელიც ამ ფოტოს გარშემო გაჩნდა, ნიკა "სარკეში" პასუხობს და განმარტავს, როგორ აღმოჩნდა ქეთა მის კალთაში. ახალგაზრდა კონკურსანტი არც იმ კითხვებზე პასუხებს დაზარებია, რომლებიც ჩვენი რუბრიკიდან გამომდინარე დავუსვით ზოგადად მის დამოკიდებულებაზე მშვენიერი სქესისადმი. 
ნიკა 24 წლისაა. ჯერ ნამდვილი სიყვარული არ განუცდია, მაგრამ გატაცება ბევრი ჰქონია. უფრო დაწვრილებით – ქვემოთ. 
– ნიკა, თავდაპირველად ქეთა თოფურიასთან ერთად გადაღებულ ფოტოებზე გკითხავთ, რომელიც "ფეისბუქის" საკუთარ გვერდზე გამოაქვეყნეთ. როდის არის ეს სურათები გადაღებული? 
– ახლახან არის გადაღებული. ქეთა თოფურიას სტეფანეს სახლში შევხვდი, ერთმანეთი იქ გავიცანით და მეგობრული ფოტოები გადავიღეთ. ძალიან კარგი, დადებითი ადამიანია. ის გოგო ჩემს ყველა კრიტერიუმს აკმაყოფილებს, ზუსტად ისეთია, როგორი გოგოებიც მომწონს. ფოტო, სადაც ქეთა კალთაში მიზის, მე არ მაღიზიანებს და სხვისი აზრი არ მაინტერესებს. ისე, ცუდი კომენტარიც არსად მინახავს. ეს ფოტოები რომ ნახეს, არ სჯეროდათ, რომ ქეთა იყო და მეკითხებოდნენ, ის იყო თუ არა. ქეთას მხოლოდ "ფეისბუქით" ვეხმიანები. 
– ერთობლივი გეგმები ხომ არ გაქვთ? 
– არ ვიცი, ვნახოთ. სამომავლო გეგმებზე საუბრისგან ჯერ თავს შევიკავებ. 
– რა ასაკიდან მღერით? 
– 12 წლიდან ჩემს ძმასთან ერთად ფოლკლორულ ანსამბლში ვმღეროდი. მერე მქონდა პერიოდი, როცა არ ვიცოდი, რა მსურდა და ცოტა ხანს გავჩერდი. 20 წლის ვიყავი, როცა ვოკალის პედაგოგთან დავიწყე მომზადება. მაშინ მივხვდი, რომ სიმღერა ჩემში დიდი დოზით იყო. ვოკალის პედაგოგი ხუმრობით მეუბნებოდა, კიდევ რამდენ ხანს უნდა იმღერო ოთახში, რომელიმე პროექტში გადიო, მაგრამ კამერებისა და ეკრანზე გამოჩენის იმხელა კომპლექსი მქონდა, კონკურსზე გასვლას ვერ ვბედავდი. მერე კი გავრისკე და ახლა სტეფანეს გუნდის წევრი ვარ. ვერ აგიხსნით, ამ ადამიანთან ურთიერთობა როგორი სასიამოვნოა. ვთვლი, რომ ჯერჯერობით კარგად მივდივარ. სტეფანე ჩემზე დიდ იმედებს ამყარებს და შევეცდები, არ ვუმტყუნო. გარკვეული დოზით კამერებსაც შევეგუე, მაგრამ შინაგანად კომპლექსი მაინც მაქვს, რაც, იმედია, ეკრანზე არ ჩანს. 
– პროექტში გამოჩენის შემდეგ გოგონებში უფრო პოპულარული გახდით? 
– კი, ძალიან. "ფეისბუქზეც" ხშირად მწერენ, ვგიჟდები შენზე, განსხვავებული ხმის ტემბრი გაქვსო და ა.შ. ზოგი წარმატებას მილოცავს, ზოგიც მთხოვს, რომ პირადად გავიცნო, მაგრამ სოციალური ქსელით გაცნობილ გოგოებს არ ვხვდები. ყოველთვის ვცდილობ, ყველას ვუპასუხო, ოღონდ მთავარია, სისულელეს არ მწერდეს. სხვათა შორის, ბევრ ასეთ წერილს ვიღებ, მაგრამ ინტერვიუში ამას ვერ ვიტყვი. ბევრი იმასაც ამბობს, რომ ბობ მარლის ვბაძავ, მაგრამ მე ასე არ ვფიქრობ. შეიძლება ბობ მარლის რაღაცით ვგავარ, მაგრამ მე ვერ ვამჩნევ. ამ მომღერლის სიმღერა სცენაზე ჯერ არ შემისრულებია, თუმცა დიდი სურვილი მაქვს. 
– შეყვარებული გყავთ? 
– არა, არავინ მიყვარს და თუ ადრეულ ბავშვობას არ ჩავთვლით, არც არასდროს მყვარებია. ალბათ ჩემს ცხოვრებაში ისეთი არავინ გამოჩენილა, ვინც ჩემში ბოლომდე "ჩაჯდება". 
– როგორი გოგონები იქცევენ თქვენს ყურადღებას? 
– რატომღაც ჟღალთმიანი გოგონები მომწონს. გოგონას წონასაც არ ვანიჭებ დიდ მნიშვნელობას, მთავარია, სექსუალური იყოს და ჩემს გემოვნებას აკმაყოფილებდეს. 
– რა განსაზღვრავს ქალის სექსუალურობას? 
– მისი შინაგანი სამყარო და მერე – სილამაზე. არ შეიძლება ქალის სექსუალურობა მხოლოდ მისი გარეგნული მონაცემებით შეფასდეს. თავისუფალი, დადებითი ხასიათის და მხიარული გოგოები მომწონს, ოღონდ სერიოზული. გოგო კარგად მოსაუბრე უნდა იყოს. მხოლოდ მოდელის გარეგნობა არ კმარა, შინაგანად საინტერესო უნდა იყოს. მე თვითონ ძალიან საინტერესო და მხიარული ადამიანი ვარ და თუ ქალი გამაგიჟებს, რაღაც მომენტებში გიჟიც ვხდები. გოგოსთან ურთიერთობაში არაერთი სიგიჟე ჩამიდენია, მაგრამ ამას ვერ დაგიკონკრეტებთ. 
– ქალში ყველაზე მეტად რას აფასებთ? 
– ჩემ მიმართ პატივისცემასა და ერთგულებას. ერთგულება ბევრი რამით შეიძლება გამოიხატებოდეს. გოგო თუ დამთმობი იქნება, მეც დავუთმობ და არაერთხელ დამითმია კიდეც. ქალთან დათმობაზე წასვლა სირცხვილი ნამდვილად არ არის. სხვანაირად წყვილის ურთიერთობა ვერ შედგება. ქალში ინტელექტს ძალიან დიდ მნიშვნელობას ვანიჭებ. რამდენად ჭკვიანია, ურთიერთობაზე აუცილებლად აისახება. როცა ქალი ელემენტარულ შეკითხვაზე ვერ გპასუხობს, აქ უკვე ყველაფერი ნათელია. თავისი განსხვავებული აზრი უნდა გააჩნდეს. ურთიერთობაში ყოველი დღე ახლის დასაწყისი უნდა იყოს, ამ საკითხში კი ქალი დიდ როლს თამაშობს. ჩემ ირგვლივ საკმაოდ ბევრი ჭკვიანი ქალი ტრიალებს და მათთვის რჩევა არაერთხელ მიკითხავს. გოგოების აზრი ცხოვრებაში ძალიან მეხმარება. ქალის ხედვა კაცის ხედვასთან შედარებით მაინც სხვანაირია. 
– ქალის განსაკუთრებული ხედვა თქვენც დაგხმარებიათ? 
– მამაკაცი ყველაფერს პირდაპირ და ზუსტად ხედავს. ქალი ცოტა გვერდიდან უყურებს და ამ დროს შეიძლება უფრო სწორი გადაწყვეტილება მიიღოს. ამიტომ მათი აზრი ყოველთვის მაინტერესებს. რჩევებს დედაჩემსაც ხშირად ვეკითხები, თუმცა ჩემს პირად ურთიერთობებში დიდად არ ერევა. მეუბნება, შენ როგორი გოგოც შეგიყვარდება, მეც ის მეყვარებაო. 
მაია დარსმელიძესთან საკმაოდ ხშირი ურთიერთობა მაქვს, ვმეგობრობ. სიმღერასთან დაკავშირებით ძალიან კარგ რჩევებს მაძლევს. ურთიერთობაში თბილი და მოსიყვარულეა. თამამად შემიძლია ვთქვა, რომ მაია დარსმელიძე ძალიან ჭკვიანი ქალია. ქალის გამოცნობა კარგად გამომდის, მაგრამ მას ბოლომდე მაინც ვერ გამოიცნობ და ეს კიდევ უფრო საინტერესოა ჩემთვის. 
– როცა ვინმე მოგწონთ, როგორ აგრძნობინებთ? 
– როცა ვინმე მომწონს, ეს ჩემს ხასიათზე ძალიან მოქმედებს, მხიარული ვხდები. გოგოებისთვის ბევრჯერ მიმღერია. მათთან ურთიერთობაში თავაზიანიც ვარ და ბრაზიანიც. თუ გოგოსთან მე არ ვიხსნები და ის ჩემთან კონტაქტში მაინც შემოდის, ვაფრთხილებ, რომ ეს საჭირო არ არის და მერე თუ იმავეს გაიმეორებს, უკვე ვბრაზდები. ზედმეტად აქტიური და ცანცარა გოგოები არ მიყვარს. ისე, "ხარისხიანი" ცანცარიც არსებობს. ზომიერად აქტიური გოგოები მომწონს, მაგალითად, ქალს სიყვარულიც აუხსნია ჩემთვის და ამაში ცუდს ვერაფერს ვხედავ. სასიყვარულო ურთიერთობაში გოგომ რომ გადადგას პირველი ნაბიჯი, ეს სულაც არ არის სამარცხვინო. 
– ქალისთვის კომპლიმენტის თქმა გჩვევიათ? 
– კი, ოღონდ მაშინ, როცა ამას ქალი ნამდვილად იმსახურებს. ყველანაირ ქალს შეიძლება ვუთხრა კომპლიმენტი, მთავარია, დაიმსახუროს. სპორტული სტილის გოგოც მომწონს და კლასიკურად ჩაცმულიც, მთავარია, გემოვნებით ეცვას. არ მომწონს ძალიან "კუკლა" და ლამაზები, უფრო მეტად უხეში გარეგნობის ქალები მიზიდავს. მთავარია, ქალს თავისი შარმი და ეშხი გააჩნდეს. არ არის აუცილებელი, ზედმეტ მაკიაჟს ატარებდეს და არც ტუჩების ხელოვნურად გადიდება მომწონს დიდად, რასაც მკერდის გადიდებაზე ვერ ვიტყვი, ეს უფრო მისაღებია ჩემთვის. ჩვენს გოგოებს ძალიან ბევრ სტერეოტიპს დავუმსხვრევდი, თუნდაც ქალიშვილობის ინსტიტუტს. 
– არაქალიშვილ გოგოს ცხოვრებას დაუკავშირებდით? 
– თუ შემიყვარდება, რატომაც არ მოვიყვან ცოლად?! განა, მარტო ქალებს, კაცებსაც ბევრი სტერეოტიპი აქვთ დასამსხვრევი – კომპლექსები გვაქვს. ბავშვობაში მეც ძალიან კომპლექსიანი ვიყავი, მაგრამ მერე მივხვდი, რომ რაც ხარ, ის უნდა იყო ცხოვრებაში და ეს პრობლემა გადავლახე.
 
სოფიო ბოჭორიძე, ჟურნალი სარკე  

წყარო: sana.ge






კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია