Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » მაია რჩეულიშვილი: „ჩემმა დეიდაშვილმა თავი მენაშენე მაია ყიფშიძის ზეწოლის გამო მოიკლა“

მაია რჩეულიშვილი: „ჩემმა დეიდაშვილმა თავი მენაშენე მაია ყიფშიძის ზეწოლის გამო მოიკლა“

თარიღი: 29-12-2013, 05:05,

დეველოპერული კომპანია „ცენტრ–პოინტის" დამფუძნებელი მაია რჩეულიშვილი ირწმუნება, რომ კომპანიის ყოფილმა  დამფუძნებელმა გიორგი გურგენიძემ თავი ერთ–ერთი მენაშენის ზეწოლის გამო მოიკლა.

როგორც რჩეულიშვილმა "Frontnews”-ს განუცხადა, გურგენიძე მისი დეიდაშვილი იყო და მან ზუსტად იცის, რა სახის ზეწოლას განიცდიდა ის ერთ–ერთი მენაშენე მაია ყიფშიძისგან.

„პირველ რიგში, მინდა აღვნიშნო, რომ მშენებლობის დარგს საქართველოში პატრონი არ ჰყავს. არ არსებობს მშენებლობის სამინისტრო, არ არსებობს ზედამხედველობის სამსახური და ჩვენ ისეთ მდგომარეობაში ვართ, რომ თუ ასე გაგრძელდა, ყველა ისეთ მდგომარეობაში აღმოვჩნდებით, როგორც – ჩემი დეიდაშვილი. საქმე იმაშია, რომ ღრმაღელეში მშენებარე კორპუსის ერთ–ერთი მენაშენე იყო ქალბატონი ნათია ყიფშიძე, რომელსაც 35 000 დოლარი ჰქონდა შეტანილი. ამ ობიექტის დასასრულებლად კი, საჭიროა კიდევ 1.4 მლნ დოლარი. ყიფშიძე ითხოვდა ბინის ჩაბარებას და რადგან ეს ჯერჯერობით, ვერ ხერხდებოდა, ჩვენ მის ადვოკატებს ვთავაზობდით სხვა კორპუსში ანალოგიურ ფართს, მაგრამ ის ამ შეთავაზებას არ დათანხმდა. ამიტომ ჩვენ და ნათია ყიფშიძეს სასამართლოში გვქონდა დავა. შედეგად, 8000 დოლარად აღსრულება გააკეთეს და გაყიდეს რკინა–ბეტონის კონსტრუქციები და არმატურა. ასევე, დაახლოებით, 3 500 დოლარად გაუყიდეს გიორგი გურგენიძეს მიწის ნაკვეთი თბილისის ზღვაზე და კიდევ, მე პირადად განვახორციელე ტრანზაქცია და ყიფშიძეს 2000 დოლარი გადავურიცხეთ. გარდა ამისა, ყიფშიძის დავის საფუძველზე სასამართლომ ღრმაღელის კორპუსი დააყადაღა და მისი 35 000 დოლარად აქუციონზე გატანა სურდა, რეალურად კი ქონების ღირებულება 5 მლნ დოლარია.  შედეგად, ჩვენ გვრჩებოდა 100 მენაშენე ჰაერში. ამ ზეწოლას ვერ გაუძლო გიორგი გურგენიძემ და სიცოცხლე თვითმკვლელობით დაასრულა", – განუცხადა რჩეულიშვილმა სააგენტოს.

"Frontnews”-ის კითხვაზე, რა აძლევს ასეთი განცხადების გაკეთების საშუალებას, რჩეულიშვილმა აღნიშნა, რომ ის საქმის კურსში იყო იმ  პრობლემების, რაც გურგენიძეს ყიფშიძესთან გააჩნდა.

„მე ზუსტად ვიცი ეს ყველაფერი. ჩემმა დეიდაშვილმა ზეწოლას ვერ გაუძლო. მივმართავ საქართველოს ხელისუფლებას, ამ დარგის უპატრონოდ მიგდება არ შეიძლება. სამწუხაროა, რომ დღეს მშენებლობის სფეროში არსებული პრობლემებით არავინ ინტერესდება. საოცარ რაღაცას ვიტყვი – დღეს ერთი ზურაბ ადეიშვილი მაინც რომ იყოს ქვეყანაში, კარგი იქნებოდა, რადგან ის იყო ადამიანი, რომელთანაც ერთი ტომი რომ შეგეტანა, იქვე წაიკითხავდა და ჩაასწორებდა. მშენებლობის სფეროს სასწრაფოდ მიხედვა სჭირდება", – აღნიშნა „ცენტრ–პოინტის" დამფუძნებელმა.

ცნობისთვის, სამშენებლო კომპანია ცენტრ პოინტის ყოფილმა დამფუძნებელმა გიორგი გურგენიძემ სიცოცხლე თვითმკვლელობით დაასრულა.

როგორც სააგენტოს შინაგან საქმეთა სამინისტროში განუცხადეს, გარდაცვლილის ცხედარი კუს ტბის მიმდებარე ტერიტორიაზე იქნა ნაპოვნი. მან თავი საკუთარი ტაბელური იარაღით მოიკლა.

სამინისტროს ინფორმაციით, საქმე აღძრულია 115 მუხლით, რაც თვითმკვლელობამდე მიყვანას გულისხმობს.

მომხდარზე დამატებით ინფორმაციას შს სამინისტრო მოგვიანებით გაავრცელებს.

თელარა გელანტია

 წყარო: frontnews.ge





კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
15-06-2020, 20:44
“ეპიდემია არ არსებობს, არც ვაქცინაა საჭირო, არც კარანტინი და არც კომენდანტის საათი” – ჯანმოს ეპიდემიოლოგი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს

     
News.Mcvane.Ge © 2013-2018 საავტორო უფლებები დაცულია