Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » საინტერესო ბმულები » როგორი იყო ნინო გვასალიას ცხოვრების ბოლო წუთები

როგორი იყო ნინო გვასალიას ცხოვრების ბოლო წუთები

თარიღი: 27-11-2013, 03:04,

ზუსტად 25 დღე ეძებდნენ. ზუსტად ამდენივე ხანს ყველას სჯეროდა, რომ ნინო საკუთარ თავზე ინფორმაციებს სადღაც ჩუმად კითხულობდა და სჯეროდათ, რომ ის აუცილებლად გამოჩნდებოდა ოღონდ ცოცხალი.

ნინოს ცხედარი ბაიკერებმა შემთხვევით იპოვეს. ტრაგედიის შემდეგ ოჯახის წევრები და მისი მეგობრები ცდილობენ, ნინოსთან გატარებული ბოლო დღეების ფრაგმენტები შეაგროვონ, რომ წარმოიდგინონ, როგორი იყო მისი ცხოვრების ბოლო წუთები, რათა გაიგონ, რატომ დასაჯა ნინომ ასე საკუთარი ახლობლები. რა იყო ეს – პროტესტი საკუთარი ცხოვრების მიმართ თუ, უბრალოდ, ცხოვრების პრობლემებს ვერ გაუძლო? სანამ ნინოს ეძებდნენ, დედამ ნინოს მიერ დატოვებული წერილის შინაარსი გამოაქვეყნა. იმ დღეს, როცა სახლიდან გავიდა და მხოლოდ თვითონ იცოდა, რომ აღარ დაბრუნდებოდა, მხოლოდ ერთი ფრაზით "დაემშვიდობა" საკუთარ ოჯახს, – არ მინდა თქვენი ნაწილი ვიყოო. მოგვიანებით პატარა ძმაც გაიხსენებს, ნინო თვითმკვლელობაზე რომ ელაპარაკებოდა. დედამ სამართალდამცავებს შვილის მუხათწყაროში მოძებნა სთხოვა. ნინო ამ ტყეს კარგად იცნობდა, ზაფხულობით იქ ისვენებდნენ ხოლმე. ნინოს მარტოს უყვარდა ტყეში სიარული. დედას გული ცუდს უგრძნობდა. შესაძლოა იმიტომაც, რომ მისი დაკარგვის შემდეგ უკვე ყველა დეტალი აღიდგინეს, თავიდან გაიარეს მასთან ერთად გატარებული თითოეული დღე და მოულოდნელად ისევ ნინოს დედამ გაიხსენა ფრაზა, რომელიც ნინომ კარში გასვლისას უთხრა. რეესტრში მივდივარო. ცდილობდნენ ამ ფრაზასა და მის გაუჩინარებას შორის რაიმე კავშირი ეპოვათ. მერე ერთ-ერთი მეგობარი მიხვდა, რომ ეს ფრაზა ნინოს კოტე ყუბანეიშვილის ლექსიდან ჰქონდა აკვიატებული. "სიკვდილით თუ დაბადებით, ბოლოს რეესტრს ჩავბარდებით". ნინოს ფრაზამაც, რეესტრში მივდივარო, უკვე საბედისწეროდ გაიჟღერა. თუმცა, მას მაინც ელოდნენ, თითქმის დარწმუნებულნი იყვნენ, რომ ცოცხალი დაბრუნდებოდა. თვითმკვლელობა იმდენად მისტიკური მოვლენაა, რომ სუიციდების ისტორიები შესაძლოა სხვადასხვა მოტივით იყოს ნაკარნახები, მაგრამ ის თითქმის ყოველთვის ერთნაირია მის აღსრულებაში – არაფერმა ხელი არ შეუშალა. ამ შემთხვევაშიც ითქვა, რომ ნინოს გზაში არანაირი დაბრკოლება არ შეხვედრია. სახლიდან გავიდა, ტაქსიც მალევე გააჩერა, გაჩერებაზე უკვე ავტობუსი ელოდებოდა და შემდეგ ფეხით იარა მთელი სამი კილომეტრი. გზად მაღაზიაშიც შეიარა, თოკი იყიდა და მერე, ალბათ, ტყეში შესაფერის ხეს ეძებდა. რას ფიქრობდა ბოლო წუთებში? რატომ არ მოხდა რაღაც ისეთი, რომ მისთვის სუიციდის მცდელობა გადაეფიქრებინა? რატომ? ეს ის კითხვებია, რომლებზე პასუხი ახლა ყველას აინტერესებს.

-ფეხით სამი კილომეტრი იარა უღრან ტყეში, სახლიდან გასვლის წინ დედას უთხრა: რეესტრში მივდივარო, თავის ჩამოხრჩობის დროს კი გადარჩენა შეეძლო, მაგრამ ეს შანსი არ გამოიყენა,  – სინანულით ამბობენ ახლა.

და მაინც, უფრო მეტს იმაზე ფიქრობენ, რომ ხელი არაფერმა შეუშალა. კითხვა ბევრია. მაგალითად, როგორ შეძლო ამდენი ევლო ფეხით, მაშინ როცა ბოლო სამი დღე არაფერი უჭამია; როგორ მოახერხა თავის მოკვლა, როცა შეეძლო მიწაზე ფეხის დადგმა და გადარჩენა. ხომ ამბობენ, რომ ადამიანს თვითგადარჩენის ინსტინქტი აიძულებს, შეჩერდეს. ნინოს ეს ინსტინქტიც არ ჰქონდა? რატომ? მეგობრები ამბობენ, რომ ის სიცოცხლით სავსე გოგო იყო, მხიარული, იუმორის გრძნობით. თუმცა, ბოლო დროს მაინც ამჩნევდნენ ცვლილებებს. ერთ-ერთმა მეგობარმა "პრაიმტაიმთან" საუბარში აღნიშნა, რომ ნინო მისთვის რაღაცის თქმას აპირებდა, მაგრამ ვერ მოახერხა. ესეც ბედისწერა იყო? 22 წლის ასაკში მოიკლა თავი. გამოძიება მიმდინარეობს. თუმცა, როგორიც არ უნდა იყოს ახლა პასუხი კითხვაზე რატომ? დედისთვის ეს ნუგეში აღარ არის. ის საკუთარ თავსაც ადანაშაულებს მომხდარში. თუმცა, არის ცხოვრებაში შემთხვევები, როცა თავს ყველა დამნაშავედ გრძნობს. იმიტომ რომ ყურადღება არ მიაქციეს – ასეა ხოლმე ხშირად. "პრაიმტაიმი" ნინოს ბავშვობის მეგობარს დაუკავშირდა. შევეცადეთ, გაგვეგო, როგორი იყო ნინოს ოცნებები, მიზნები და მისი ცხოვრება 22 წლამდე.

ირინა გელაშვილი, ნინო გვასალიას მეგობარი: "ნინოს ერთი წლის ასაკიდან ვიცნობ, ჩვენ "ბასტი-ბუბუდან" მოვდივართ ერთად. დედაჩემი "ბასტი-ბუბუში" მუშაობდა, სწორედ იქ გავიცანით ნინოც და დედამისიც და მას შემდეგ სულ ერთად ვიყავით. კონცერტებში ვმონაწილეობდით. 1990-იან წლებში, როცა არც შუქი იყო, არც გათბობა, მათ სახლში ყოველთვის იყო სითბოც და დენიც. სულ ჩართული იყო ტელევიზორი, თანაც მუდმივად „ბასტი-ბუბუზე" და იქ ვიყავი თითქმის მთელი დღეები. ძალიან მხიარული გოგო იყო. ერთმანეთის საიდუმლოებები ვიცოდით, ყველაფერს ვუყვებოდით. ზოგადად, მუსიკა ძალიან უყვარდა, ყველა ჟანრს უსმენდა, ამოჩემებული არ ჰქონდა რომელიმე მიმართულება. მაგრამ ბოლო პერიოდში "პინქ ფლოიდი" შეუყვარდა ძალიან. იტაცებდა ფსიქოლოგია, ძირითადად მთელი დღეები იჯდა და ფსიქოლოგიურ ლიტერატურას კითხულობდა. მაგალითად, ბოლო პერიოდში გიჟდებოდა დოსტოევსკიზე. სულ კითხულობდა და მერე იყო მეგობრებთან ერთად ნაწარმოებების გარჩევა.

- თქვენთან უსაუბრია საკუთარ პრობლემებზე?

- კი, როგორ არა. ზოგადად, გამოხატავდა ხოლმე საკუთარ ემოციებს. გარდაცვალებამდე ბოლო სამი დღე ვერ ვნახე. ბოლოს დედამისის დაბადების დღეზე შევხვდი, ვერ იყო ხასიათზე, შევამჩნიე. ძალიან დიდი იუმორის მქონე ადამიანს, რომელიც ნებისმიერ სიტუაციაში ხუმრობს, ვერასოდეს შეამჩნევ, როდის არის ცუდ ხასიათზე და როდის – არა. ასე იყო ნინოც, ის ძალიან მხიარული ადამიანი იყო. ამის შემდეგ კიდევ დავურეკე, კონცერტზე უნდა წავსულიყავით ერთად, ისიც მოდიოდა, მაგრამ ბოლო მომენტში რატომღაც გადაიფიქრა. ეს იყო 9 ოქტომბერს... ბოლოს, როცა ერთად ვიყავით, მითხრა, რაღაც უნდა გითხრაო, მაგრამ იმ დღეს ბევრ ხალხში ვტრიალებდით და მარტო ვერ ვნახეთ ერთმანეთი, რომ გვესაუბრა.

- ხვდებით, დაახლოებით რის თქმა უნდოდა?

- არა, ვერ ვხვდები. მე ვერ მეტყოდა საკუთარ გადაწყვეტილებაზე, ამაში დარწმუნებული ვარ. იმიტომ რომ დაუშვებდა, რომ მე მის გადაწყვეტილებას ხელს შევუშლიდი რამენაირად მაინც. ან ვიტყოდი  ან რამეს გავაკეთებდი სხვას. ხელს აუცილებლად შევუშლიდი.

- რომელი იყო მისი საოცნებო ქვეყანა, საზღვარგარეთ წასვლა თუ უნდოდა?

- ძალიან მოსწონდა გერმანია და სულ ამბობდა, იქნებ წავიდეო. იქ ცხოვრება უნდოდა. მშობლებს რაღაცებში არ ეთანხმებოდა და პროტესტი ჰქონდა ამის გამო. უფრო პირადი, ოჯახური საკითხები იყო. ძმები ძალიან უყვარდა, ხანდახან დედასავით იყო მათთვის. როდესაც მან თავის პატარა ძმას უთხრა საკუთარი გადაწყვეტილების შესახებ, ალბათ, ჩათვალა, რომ ეს მათ უნდა სცოდნოდათ. დარწმუნებული ვარ, თავის ძმას ესეც ხუმრობით, სიცილითა და იუმორით უთხრა. ამიტომ ვერაფრით ვერ დაუშვებდა ილია, რომ ის მართლა იყო ამის გამკეთებელი".

ერეკლე სტურუა გაზეთი "პრაიმტაიმი"


წყარო: primetimenews.ge





კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია