Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ღარიბაშვილმა ისრაელის სახელმწიფოსთან ვიზების გაუქმებას ხელი მოაწერა

ღარიბაშვილმა ისრაელის სახელმწიფოსთან ვიზების გაუქმებას ხელი მოაწერა

თარიღი: 18-11-2013, 09:58,
დღეს საქართველოს შინაგან საქმეთა სამინისტროში ხელი მოეწერა „საქართველოს მთავრობასა და ისრაელის სახელმწიფოს მთავრობას შორის ეროვნული პასპორტების მფლობელთათვის ვიზისგან გათავისუფლების შესახებ" შეთანხმებას. საქართველოს მხრიდან შეთანხმებას ხელი მოაწერა საქართველოს შინაგან საქმეთა მინისტრის მოვალეობის შემსრულებელმა ირაკლი ღარიბაშვილმა, ხოლო ისრაელის მხრიდან – ისრაელის სახელმწიფოს შინაგან საქმეთა მინისტრის მოადგილე ფაინა ქირშენბაუმმა. აღნიშნული შეთანხმება ითვალისწინებს საქართველოს მოქალაქეებისათვის ისრაელის სახელმწიფოში 6 თვის განმავლობაში 90 დღით უვიზოდ ყოფნას.

დღესვე ირაკლი ღარიბაშვილმა და ისრაელის სახელმწიფოს საგანგებო და სრულუფლებიანმა ელჩმა საქართველოში იუვალ ფუქსმა ხელი მოაწერეს დანაშაულთან ბრძოლაში თანამშრომლობის შესახებ შეთანხმებას - „საქართველოს მთავრობასა და ისრაელის სახელმწიფოს მთავრობას შორის დანაშაულის წინააღმდეგ ბრძოლისა და საჯარო უსაფრთხოების საკითხებში თანამშრომლობის შესახებ". დოკუმენტი განსაზღვრავს მხარეებს შორის თანამშრომლობის წესებს ყველა იმ მძიმე დანაშაულის წინააღმდეგ ბრძოლაში, რაც საქართველოს შინაგან საქმეთა სამინისტროსა და ისრაელის სახელმწიფოს საჯარო უსაფრთხოების სამინისტროს კომპეტენციას განეკუთვნება.

აღნიშნული შეთანხმებები ძალაში მას შემდეგ შევა, რაც მხარეები აუცილებელ შიდასახელმწიფოებრივ პროცედურებს დაასრულებენ.
ირაკლი ღარიბაშვილი:  „დღეს ჩვენ  ხელი მოვაწერეთ მართლაც ისტორიულ დოკუმენტს.  ხელი მოეწერა შეთანხმებას  უვიზო მიმოსვლის დაკავშირებით  საქართველოსა და ისრაელის სახელმწიფოს შორის. კიდევ ერთხელ მსურს ხაზგასმით აღვნიშნო, რომ ეს შეთანხმება და ზოგადად უვიზო რეჟიმი დაახლოებს ისრაელის სახელმწიფოს საქართველოსთან, იგივე ჩვენი ხალხის დაახლოვება მოხდება და კიდევ უფრო გაუმჯობესდება არსებული ურთიერთობები როგორც ეკონომიკურ, ასევე სოციალურ, კულტურულ სფეროებში და ბევრად უფრო გაუმჯობესებული გარემო იქნება ასევე ინვესტიციების კუთხით საქართველოში, მე ვიცი რომ ძალიან ბევრი ებრაელი ინვესტორი გეგმავს საქართველოში შემოსვლას.  შესაბამისად ეს ყველაფერი გაამარტივებს ჩვენს შორის არსებულ ურთიერთობებს და უფრო ეფექტურს გახდის მას. ასე რომ კიდევ ერთხელ ვულოცავ მთელს საქართველოს მთავრობის სახელით ამ მეტად მნიშვნელოვანი დოკუმენტის ხელმოწერას."

ფაინა ქირშენბაუმ, ისრაელის სახელმწიფოს შინაგან საქმეთა მინისტრის მოადგილე:
„ჩემთვის დიდი პატივია ამ შეთანხმების ხელის მოწერაში მონაწილეობის მიღება. დღეს ხელი მოვაწერეთ შეთანხმებას ორ ქვეყანას შორის – საქართველოსა და ისრაელს შორის სავიზო რეჟიმის გაუქმების შესახებ.  ამ შეთანხმებამ შესაძლოა არ გახსნას ახალი ეპოქა, მაგრამ დარწმუნებული ვარ, რომ ის გააღრმავებს ორმხრივ ურთიერთობებს ჩვენს ქვეყნებს შორის, ხელს შეუწყობს ურთიერთობების განვითარებას როგორც ტურიზმის, ასევე ბიზნესის კუთხით. დარწმუნებული ვარ, რომ ეს გაამარტივებს და ახალ დონეზე აიყვანს ჩვენს ურთიერთობებს. ამიტომ ვთვლი, რომ ეს არის  ნდობის, პატივისცემის გამოხატვა, ჩვენს ქვეყნებს შორის ურთიერთობების გარღმავება და ვთვლი, რომ ეს ძალიან მნიშვნელოვანი მომენტია".

იუვალ ფუქსი, ისრაელის სახელმწიფოს საგანგებო და სრულუფლებიანი ელჩისაქართველოში: „დღეს ღირსშსანიშნავი დღეა, რადგან ხელი მოეწერა ძალიან მნიშვნელოვან შეთანხმებას, რომელიც იმ ვიზიტების შeდეგია რაც ისრაელში წლის დასაწყისში განხორციელდა  ბიძინა ივანიშვილის და შს მინისტრ ირაკლი ღარიბაშვილის მიერ. შეთანხმება ჩვენ თანამშრომლობას ახალ დონეზე გადაიყვანს, რაც ხალხს უფრო დაახლოებს. საქართველოს ყველა მოქალაქეს ექნება შესაძლებლობა ესტუმროს ისრაელს, თუმცა მინდა ყურადღბა გავამახვილო იმაზე, რომ შეთანხმება ძალაში შევა საბოლოო, ორმხხრივი  პროცედურების დასრულების შემდგომ.  ეს ძალიან მნიშვნელოვანია და მინდა აღვნიშნო, რომ მოსახლეობას ეცნობება შეთანხმების ამოქმედების შესახებ, რაც ხვალ და ზეგ არ მოხდება. მეორე შეთანხმება, რომელიც დანაშაულთან ბრძოლის შესახებაა, ურთერთთანამშრომლობის კიდევ უფრო გააღრმავებს. შეთანხმება ყველა სახის დანაშაუალთან ბრძოლას ეხება, მათ შორისაა ტერორიზმიც. ორივე შეთანხმების ხელმოწერა ძალინ პოზოტიური მომენტია ჩვენს ურთიერთობებში და ქვეყნებს შორის. ჩვენი მეგობრობა საუკუნეებს ითვლის. ჩვენ არ ვიყურებით წარსულისკენ არამედ ჩვენი მზერა მიმართულია მომავლისაკენ და მოხარული ვარ, რომ ორივე შეთანხმებას მოეწერა ხელი ბატონ ირაკლი ღარიბაშვილთან ერთად."

წყარო





კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია