Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ”წულუკიანი ძალიან აქტიური სტუდენტი იყო. ირაკლი ასეთი არ ყოფილა” - როგორ იხსენებენ მომავალ პრემიერს ლექტორები, კურსელები და მეზობლები

”წულუკიანი ძალიან აქტიური სტუდენტი იყო. ირაკლი ასეთი არ ყოფილა” - როგორ იხსენებენ მომავალ პრემიერს ლექტორები, კურსელები და მეზობლები

თარიღი: 7-11-2013, 05:13,
საქართველოს მომავალი პრემიერ მინისტრი ირაკლი ღარიბაშვილი 1999-2003 წლებში ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლისა და ურთიერთობების ფაკულტეტზე, ურთიერთობების სპეციალობით სწავლობდა. მას ბეჯით და განათლებულ სტუდენტად ახასიათებენ.


ეკა სხირტლაძე, ირაკლი ღარიბაშვილის ჯგუფელი:

- ძალიან შეკრული, მეგობრული და განსაკუთრებული ჯგუფი გვქონდა. ზურაბ დავითაშვილი საერთაშორისო ურთიერთობების საფუძვლებს გვიკითხავდა. პირველ დღეს მან გასაცნობად სამართალისა და ურთიერთობების მთელი ფაკულტეტი შეგვკრიბა. ტესტი დაგვირიგა, რომელიც ისტორიას კულტურას, გეოგრაფიას და ყველა სხვა საგანს ეხებოდა. ბატონ ზურაბს ჩვენი ზოგადი განათლება აინტერესებდა. რამდენიმე დღეში შედეგებით შემოვიდა და იკითხა, ვინ არის ადამიანი, რომელმაც ყველა შეკითხვას აბსოლუტურად სწორი პასუხი გასცაო. ეს იყო ირაკლი ღარიბაშვილი. ის ყველას იქიდან დაგვამახსოვრდა.

ირაკლი ძალიან მორიდებული, წესიერი და განათლებული ადამიანია, მაგრამგანათლებით თავს არ გვამეტებდა. ნიჭიერებით და ცოდნით თავის გამოჩენა არ უყვარდა. ყველა კოლოქვიუმში და გამოცდაზე მაღალ ქულებს იღებდა. ძალიან მეგობრული და უშუალო იყო. არ იყო ყალბი. კოლოქვიუმის და გამოცდის პერიოდში ყველა ერთმანეთს დავდევდით, კონსპექტი მათხოვე, დამეხმარე... ირაკლი ყოველთვის ყველაზე მაღალ ქულას იღებდა. თან ისე, რომ არავის დახმარება არ სჭირდებოდა..

- ჯგუფელებსაც გეხმარებოდათ დავალებების გაკეთებაში?

- კი, ყველას გვეხმარებოდა. მერე საფრანგეთში წავიდა და იქ სწავლობდა. როდესაც ჩამოვიდა, ჯგუფელებს თუ შეგვხვდებოდა, ძალიან თბილად გვკითხულობდა. უნივერსიტეტში ვმუშაობდი და რომ მოდიოდა, განსაკუთრებული სალმით და ყურადღებით მხვდებოდა. ყველას თბილად მოგვიკითხავდა ხოლმე. ასეთი რამ გასაკვირია, რადგან დრო რომ გადის, ბევრს დერეფნის თავიდან ბოლოში ჯგუფელის მოკითხვა ეზარება. 

ირაკლი ყველას გამორჩეულად გვახსოვს. გვეამაყება, რომ ჩვენი კურსელი ასეთი წარმატებულია. ეს ჩევნი უნივერსიტეტისა და ქვეყნის წარმატებაც არის.

ირაკლი არის ადამიანი, რომელშიც არის გაერთიანებული - ცოდნა, განათლება და ინტელექტი. ასეთი ადამიანი ყველა სფეროში წარმატებული იქნება და ეს ქვეყნისთვის ძალიან მნიშვნელოვანია.


ზურაბ დავითაშვილი, პროფესორი:


- ირაკლი ღარიბაშვილი პასუხისმგებლობითა და გულისყურით ეკიდებოდა ყველაფერს, მაგრამ გამორჩეული სტუდენტი ნამდვილად არ ყოფილა.ზრდილობიანი და წესიერი ახალგაზრდა იყო. ლექტორს უფრო ამახსოვრდება სტუდენტი, რომელიც ძალიან აქტიურია. 

- აუცილებლად აქტიური უნდა იყოს, რომ კარგ სტუდენტად ჩაითვალოს?


- არა, ამას არ ვამბობ. მაგრამ, მაგალითად, თეა წულუკიანი ძალიან აქტიური სტუდენტი იყო. ირაკლი ასეთი არ ყოფილა. სერიოზული და კარგი სტუდენტი იყო, მაგრამ თავის გამოჩენის სურვილი, როგორც ბევრ სტუდენტს, არ ჰქონია. მისი მიზანი არ იყო, რომ გამოჩენილი ყოფილიყო. არც იმას ვამბობ, რომ აქტიურობა მაინცდამაინც კარგი თვისებაა. 

- როგორ დაახასიათებდით ახლა, როგორც მომავალ პრემიერ-მინისტრს და ქვეყნის პირველ პირს?


- როგორც შს მინისტრი, ვფიქრობ, წარმატებული იყო. როგორც პრემიერს ვერ დავახასიათებ, რადგან ეს ყველაზე სერიოზული თანამდებობაა. ძალიან სერიოზულ პრობლემებთან შერკინება მოუწევს და არ ვიცი, როგორ გაართმევს თავს.

- ფიქრობთ, რომ შეიძლება გაუჭირდეს?

დიახ, რა თქმა უნდა, გაუჭირდება. როდესაც ქვეყანაში ასეთი სერიოზული პრობლემებია, შეუძლებელია ვინმემ ადვილად გადაჭრას. იმიტომ კი არა, რომ სხვა წარმატებით გადაჭრის და ირაკლის გაუჭირდება, ნებისმიერი ვინც უნდა იყოს მის ადგილას, ყველას გაუჭირდებოდა. რა, ივანიშვილს არ გაუჭირდა? 

- ირაკლი ღარიბაშვილი მთავრობაში ყველაზე ღირსეული კანდიდატურაა ბიძინა ივანიშვილის შემდეგ, არა?

- იცით, რაშია საქმე, ის, რომ წარმატებულია ერთი მიმართულებით, არ გაძლევს იმის საფუძველს, რომ ყველაფერს წარმატებით გაართმევს თავს.პირველ რიგში ეკონომიკას ვგულისხმობ, რაც პრემიერ-მინისტრის პირველი საზრუნავი იქნება. ეს გაცილებით რთული პრობლემაა, ვიდრე ის, რაც შს სამინისტროში მას ეკისრებოდა. 


მანანა ვალიშვილი, ირაკლი ღარიბაშვილის ყოფილი მეზობელი:

- ირაკლი ჩვენს მეზობლად, ნუცუბიძეზე მე-17 კორპუსში ცხოვრობდა. იმდენად წესიერი ბავშვი იყო, მისი თაობის ბიჭები გარეთ რომ იდგნენ უსაქმურად, ირაკლი გარეთ გამოსული და იმ ბიჭებში გარეული არასოდეს გვინახავს.ცუდი ურთიერთობა არავისთან ჰქონია, მაგრამ იმდენად სწავლაზე იყო გადაყოლილი, ბევრი თითქმის არც იცნობდა. 

- როგორც ამბობენ, ღარიბაშვილი ხელმომჭირნე ოჯახიდან არის.

- მე მის ოჯახს არ ვიცნობ. ჩვენს კორპუსში შეძლებული ოჯახები არ ცხოვრობდნენ. ჯანდაცვის მინისტრი დავით სერგეენკო ამავე კორპუსში ცხოვრობდა. ნუკი კოშკელიშვილიც ჩვენი მეზობელი იყო. 

ირაკლი ღარიბაშვილის ოჯახს ნორმალური ურთიერთობა ჰქონდა ყველა მეზობელთან. ირაკლის ოჯახი მეტად განათლებული და კულტურული იყო სამეზობლოში.

- იმ პერიოდში ახალგაზრდა თაობა სწავლაზე ორიენტირებული არ იყო. 

- ირაკლი 31 წლისაა. მის თაობას საკმაოდ რთული პერიოდი აქვს გავლილი.,,ჯაბახანას"" პერიოდს ვგულისმობ. იმ დროს ახალგაზრდა, რომ ასე სწავლაზე ყოფილიყო ორიენტირებული და თან მისთვის დედიკოს ბიჭი არ დაეძახათ, იშვიათი იყო. იმ დროს სხვა ბიჭები ნარკოტიკებზე იყვნენ გადაყოლილი. ირაკლისთან ცუდი დამოკიდებულება არავის ჰქონდა. ჩვენს უბანში სულ ჩხუბი და იარაღის ტრიალი იყო. ირაკლი იმ თაობის თვალსაჩინო მაგალითია და ამ თაობებისთვისაც მისაბაძი კაცი. უბნის ბიჭებიდან ზოგი ცოცხალი აღარც არის. ბევრი განარკომანდა და დაავადმყოფდა...

ზაზა გიგაური

წყარო





კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია