Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » კოტე თოლორდავა: "ილია ჭავჭავაძეს ვთამაშობ იმის ფონზე, რაც მთელი საქართველო "ბაბულიკას" მეძახის"

კოტე თოლორდავა: "ილია ჭავჭავაძეს ვთამაშობ იმის ფონზე, რაც მთელი საქართველო "ბაბულიკას" მეძახის"

თარიღი: 24-09-2013, 11:09,
პოპულარული მსახიობის, კოტე თოლორდავას ცხოვრებაში სიახლეა, მას ილია ჭავჭავაძის როლის გასახიერება უწევს. ფილმს პირველ ეტაპზე, სამუშაო სახელწოდებად "ვინ მოკლა ილია?" დაარქვეს. ვინაიდან პროექტის ავტორი შინაგან საქმეთა სამინისტროა, ამიტომ ამ საქმეს თავადვე უდგას სათავეში. რეჟისორი მიშა ბერინაშვილი გახლავთ. ნამუშევარი მხატვრულ-დოკუმენტური ჟანრის იქნება და წინასწარი მონაცემებით, გადაღებები 10 ოქტომბერს უნდა დასრულდეს. 

კოტე თოლორდავა:

- კარგად მოგეხსენებათ, რამხელა პასუხისმგებლობაა, ითამაშო ილია ჭავჭავაძის როლი და შესაბამისად, რამხელა ემოციურ მუხტთან მაქვს საქმე... როგორც კი გავიგე, რომ ფილმში ილია ჭავჭავაძის როლი უნდა შემესრულებინა, მაშინვე გავვარდი უწმინდესთან და მისგან ლოცვა-კურთხევა მივიღე. ილია ხომ წმინდანად არის შერაცხული და ასეთი როლის თამაშისას მინდოდა, რომ ემოციურადაც დავმუხტულიყავი და სულიერად გავძლიერებულიყავი... პატრიარქმა დამლოცა და წარმატებები მისურვა. 

ფილმის სცენარი იმ ინფორმაციასა და დოკუმენტებზე დაყრდნობით არის აგებული, რაც ზოგადად, ილია ჭავჭავაძის შესახებ არსებობს და განსაკუთრებით ყურადღება მახვილდება იმ ეპიზოდებზე, რაც შინაგან საქმეთა სამინისტროს არქივში ბოლო დროს მოიძებნა. 

მინდა, რომ ჩემ მიერ შექნილი ილიას სახე მაქსიმალურად მიმსგავსებული იყოს ნამდვილ ილიასთან. მისი ნიშან-თვისებები, ხასიათი, რაც ისტორიას შემორჩა, იქიდან გამომდინარეც ყველაფერს ვითვალისწინებ, თუმცა როლს ჩემეულიც მინდა, რომ შევძინო, რასაკვირველია, რეჟისორთან შეთანხმებით, რასაც უკვე შემდეგ მაყურებელი დაინახავს. 

- მოკლედ, როგორც მსახიობს სერიოზულად გაგიმართლა...
- კი, უდიდესი პასუხისმგებლობაა, მაგრამ ჩემთვის როგორც მსახიობისთვის წარმოიდგინეთ, რამხელა ნახტომია. თეატრში არაერთი საინტერესო როლი მაქვს ნათამაშები, მაგრამ ეკრანზე ილია ჭვჭავაძის განსახიერება სერიოზული გამოწვევაა იმის ფონზე, რომ მთელი საქართველო სერიალიდან გამომდინარე, "ბაბულიკას" მეძახის. ამიტომ, ჩემთვის საუკეთესო საშუალებაა, დავანგრიო კლიშე, რომ კოტე თოლორდავას მხოლოდ მოძველბიჭო ტიპების თამაში შეუძლია. ახლა ჩემი სამსახიობო დიაპაზონი იზრდება...

ამასთან, არაჩვეულებრივი პარტნიორი მყავს, ნანუკა ხუსკივაძის სახით. ის ოლღა გურამიშვილის როლს თამაშობს და შეუდარებელია... თან, გადაღება ურთულესი სცენით, მკვლელობით დავიწყეთ. ვინაიდან ფილმი ბოლომდე მხატვრული არ არის და მხატვრულ-დოკუმენტური გახლავთ, ძირითადი აქცენტი ილიას მკვლელობის შემდგომ, მის საგამოძიებო ნაწილზე კეთდება, ფილმს უმეტესად საგამოძიებო მიმართულება აქვს. მოკლედ, საოცარი დეტალებია გათვალისწინებული - თვით ტყვიის ტრაექტორიაც კი დადგენილია... მოკლედ, ამ ნამუშევრით ბევრი ახალი ინფორმაცია და დეტალი გამჟღავნდება, რაც საზოგადოებამ დღემდე არ იცის და ძალიან აინტერესებს. 

















- ისე, პირველად ილია ჭავჭავაძეს ვინ მიგამსგავსა?
- ცოტა ხნის წინ არაჩვეულებრივი გადაცემა "ფრაგმენტი" მიმყავდა, სადაც წამყვანის გარდა, პერსონაჟებსაც ვასახიერებდი. ერთ-ერთი გადაცემა ოლღა გურამიშვილზე იყო, რომელიც თან მიმყავდა და თან ილიას ვასახიერებდი. ოღონდ, უფრო ახალგაზრდა ილია გახლდით. ტექსტში პოეტის სასიყვარულო ამბებზე, ოლღას მიმართ მის დამოკიდებულებაზე ვსაუბრობდი. მოკლედ, პროექტის ავტორებმა ის "ფრაგმენტი" ნახეს და იდეაც აქედან გაუჩნდათ. თან ისე, რომ როლზე ყოველგვარი კასტინგის გარეშე დამამტკიცეს. უბრალოდ, დამირეკეს და მითხრეს, - ბატონო კონსტანტინე, ილია ჭავჭავაძის როლი უნდა განასახიეროთო. წარმოიდგინეთ, რა დამემართებოდა? ეს ადამიანი ერის მამა გახლდათ და ყველა მიმართულებით უპროგრესულესი პიროვნება იყო. რაც მან იმ პერიოდში თუნდაც საბანკო რეფორმების სახით განახორციელა,  
 
გასაოცარია... ნებისმიერ საკითხზე მსჯელობისას დროს უსწრებდა და მისი უნიკალურობაც სწორედ ამაში მდგომარეობს... 
მოკლედ, ამ ფილმით იმის გამოძიება ხდება, თუ რა მოხდა რეალურად იმ ავბედით დღეს. ვინ მოკლა ილია ჭავჭავაძე?

- ფილმზე მუშაობისას სოციალური ქსელის საშუალებით შენი ფოტოები გავრცელდა. გარეგნულად მართლა ჰგავხარ შენს პერსონაჟს, რასაც ყველა ადასტურებს. რას იტყვი ამაზე?
- ჰო, მაგრამ მალევე ეგ ფოტოები აიკრძალა, რადგანაც ჯერ სანამ ფილმი მზად არ იქნება, მისი გავრცელება მიზანშეწონილი არ არის. 

ისე კი, რომ იცოდეთ, რამდენი ადამიანი მირეკავს და მეუბნება, ვერც კი წარმოვიდგენდით, თუ ასეთი მსგავსება იქნებოდაო, ყველა გაოგნებულია, წარმოიდგინეთ, თვითონ მეც... ამიტომ დიდი მადლობა მარინას, მარჯანიშვილის თეატრის გრიმიორს. მან ფილმის თითოეული პერსონაჟთან საოცარი სამუშაო გასწია და ყოჩაღ მას!

წყარო




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
15-06-2020, 20:44
“ეპიდემია არ არსებობს, არც ვაქცინაა საჭირო, არც კარანტინი და არც კომენდანტის საათი” – ჯანმოს ეპიდემიოლოგი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს

     
News.Mcvane.Ge © 2013-2018 საავტორო უფლებები დაცულია