Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » რა კავშირი აქვს გამომცემლობა "ტორი"-ს გარდაცვლილი ბავშვის მშობლებთან და რატომ აღარ არის საცხოვრებელი ფართი ოჯახის საკუთრებაში

რა კავშირი აქვს გამომცემლობა "ტორი"-ს გარდაცვლილი ბავშვის მშობლებთან და რატომ აღარ არის საცხოვრებელი ფართი ოჯახის საკუთრებაში

თარიღი: 23-01-2019, 19:18,
რა ვითარებაში გარდაიცვალა 4 წლის გოგონა სანზონაში - ფაქტზე, რომელიც საზოგადოების განსაკუთრებული ყურადღების ცენტრშია ახალი ვერსია ვითარდება.

"პრაიმტაიმს" იმ ოჯახის ერთ-ერთი ახლობელი დაუკავშირდა, სადაც ტრაგედია მოხდა. მისი მტკიცებით, მცდარია ინფორმაცია თითქოს ბავშვის გარდაცვალებაში დამნაშავე მისი დედაა. წყარო ყვება, რომ დაკავებული ქალი, რომელიც ბავშვის ბიოლოგიური დედაა ადეკვატური პირია. ამასთან ის სოციალური მდგომარეობის მიუხედავად ცდილობდა შვილებზე ეზრუნა, მათ შორის გარდაცვლილ 4 წლის გოგონაზე, რომელსაც ჯანმრთელობის პრობლემები ქონდა. კერძოდ იყო აუტისტური სპექტრის მქონე, განუვითარებელი ქონდა ყლაპვის ინსტიქტი, შესაბამისად კვება იყო პრობლემატური. განვითარებული იყო კუჭნაწლავის პრობლემებიც. ამასთან ბავშვი იყო ზედმეტად აქტიური და ნერვიული. ასევე პანიკურად რეაგირებდა წყლის შეხებაზე. (დაახლოებით იგივეს ყვებოდა დღეს "პრაიმტაიმთან" ბავშვის მამინაცვალი არკადი ძავაშვილი).

ოჯახის ახლობელი ირწმუნება, რომ ბავშვი ბუნებრივად გარდაიცვალა, ხოლო ვერსია, რომ მცირეწლოვანი დედამ იმსხვერპლა მიზანმიმართულად არის გავრცელებული. წყარო მინიშნებას მეზობლად მდებარე გამომცემლობა "ტორი"-ს შესაძლო კომერციულ ინტერესებზეც აკეთებს და ამბობს, რომ ამ ორგანიზაციის მფლობელებს მომიჯნავე ტერიტორიიდან სოციალურად დაუცველი ოჯახის გასახლება სურთ.

"სტამბას ტერიტორიის ათვისება სურს, მიმდინარეობს სასამართლო დავაც. მათი გავლენების და კავშირების შედეგია, რომ ფართი სადაც სოციალურად დაუცველი ოჯახი ცხოვრობს 2017 წლიდან არკადი ძავაშვილს აღარ ეკუთვნის. ეს ტერიტორია რეგისტრაციიდან მოიხსნა. რამდენჯერმე ეს კაცი ცემეს და ოჯახს მაქსიმალურად ავიწროვებენ" - ყვება ოჯახის ახლობელი.

კონფლიქტის არსებობას არ უარყოფენ გამომცემლობა "ტორი"-ს ხელმძღვანელები. ერთ-ერთი დამფუძნებელი მარინა იაშვილი ამბობს, რომ წლების განმავლობაში არაერთი ინციდენტი მოხდა.

"ჩვენ ამ ადამიანებისგან დასაცავები ვართ. არაერთხელ მივმართეთ პოლიციას. როგორც ამჟამად დაკავებული ქალი, ასევე მისი მეუღლე მუდმივად გვემუქრებოდნენ ტერიტორიის დაწვით და იყვნენ აგრესიულები. ვითხოვდით მათი ფსიქიკური ჯანმრთელობის შემოწმებას. როგორც გაირკვა 2015 წელს ტერიტორია სადაც ცხოვრობენ უკანონოდ ქონდათ დარეგისტრირებული. როდესაც თბილისის საკრებულომ კანონიერება გადაამოწმა, რეგისტრაცია თავად გააუქმეს რადგან თვითნებურად იყო გაფორმებული. ჩვენთვის ეს ფართი საინტერესო არ არის, არცერთხელ არ მოგვითხოვია მისი დარეგისტრირება, მითუმეტეს, რომ ამ ადგილზე საკანალიზაციო სისტემის კვანძებია განლაგებული," - აცხადებს მარინა იაშვილი.

რაც შეეხება მომხდარი ტრაგიკული შემთხვევის შესახებ ინფორმაციას, გამომცემლობის დამფუძნებელი ამბობს, რომ არც თანამშრომლებმა და არც პირადად მან კონკრეტულად ამ ბავშვის არსებობის შესახებაც არ იცოდნენ. ხშირად ესმოდათ ბავშვის ტირილის ხმა, შეატყობინეს პოლიციასაც, თუმცა ბავშვი რომელსაც ამჩნევდნენ არა გარდაცვლილი 4 წლის გოგონა, არამედ მისი ძმა, 5 წლის ბიჭი იყო.

4 წლის გოგონა, სანზონაში გუშინ დილით გარდაიცვალა. ოჯახის წევრები ფაქტს ბავშვის ავადმყოფობას უკავშირებენ. თუმცა მალევე მეზობლების მონაყოლზე დაყრდნობით, რომ დედა შვილს ხშირად ცემდა გავრცელდა ვერსია, რომ ბავშვი სწორედ მშობელს შემოაკვდა. ქალი პოლიციამ გუშინვე დააკავა. ოფიციალური ინფორმაციით მას 6 იანვარს შემაკავებელი ორდერი უკვე ქონდა გამოწერილი.

შინაგან საქმეთა სამინისტროს განცხადებაში ვკითხულობთ, რომ ბავშვის მიმართ ოჯახში შესაძლო ძალადობის ფაქტებზე შეტყობინება 6 იანვარს შევიდა. ფიზიკური ძალადობის შესაძლო ფაქტზე დაიწყო გამოძიება. გამოიკითხა ბრალდებული და არაერთი მოწმე, მათ შორის ოჯახის წევრები, შეტყობინების ინიციატორი და პოლიციის თანამშრომლები. გამოკითხულმა მოწმეებმა უარყვეს ბავშვის მიმართ დედის მხრიდან რაიმე ფორმით ძალადობა.

რა კავშირი აქვს გამომცემლობა "ტორი"-ს გარდაცვლილი ბავშვის მშობლებთან და რატომ აღარ არის საცხოვრებელი ფართი ოჯახის საკუთრებაში


ბრალის წარდგენის მტკიცებულებითი სტანდარტის არარსებობის მიუხედავად, ლ.ქ.-ს მიმართ პოლიციამ გამოწერა შემაკავებელი ორდერი, რომლის მიხედვით, დედას ეკრძალებოდა არასრულწლოვანთან კონტაქტი. 22 იანვარს მომხდარი ფაქტის შემდეგ, ლ.ქ. პოლიციამ ორდერის დარღვევისთვის სისხლის სამართლის წესით დააკავა.

შინაგან საქმეთა სამინისტროში გენერალური ინსპექციის მიერ პარალელურად დაწყებულია შესწავლა და სამსახურებრივი შემოწმება, რომელიც დაადგენს, ეფექტიანად მიმდინარეობდა თუ არა შემაკავებელი ორდერის მონიტორინგი.

მცირეწლოვნის გარდაცვალების ზუსტი მიზეზის დასადგენად ტარდება საგამოძიებო ღონისძიებები, დანიშნულია სასამართლო-სამედიცინო ექსპერტიზა.

www.primetime.ge




კომენტარები




მსგავსი სიახლეები:
  • ქალი, რომელმაც 4 წლის ბავშვი ცემით მოკლა, დაკავებულია
  • "გამოვრიცხავთ, რომ დედას ბავშვი დაეწვა და შემდეგ თავი მოიკლა" - რას ჰყვებ ...
  • რატომ ჩამოიხრჩო თავი ოზურგეთში 7 წლის ბავშვმა? - უმძიმესი ტრაგედია გურიაში
  • სკანდალი: სად გაუჩინარდა 4 წლის გარდაცვლილი ანდრიას ცხედარი - ტრაგედიით დას ...
  • მოკლული ბავშვის დედა შვილის მკვლელობაში ეჭვმიტანილის ოჯახის წევრების დასჯას ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია