Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » "ნაცმოძრაობის" გამარჯვების წარმოდგენაც არ მინდა, შეიძლება გული გამისკდეს"

"ნაცმოძრაობის" გამარჯვების წარმოდგენაც არ მინდა, შეიძლება გული გამისკდეს"

"ვაშაძემ - პირველად რასაც გავაკეთებ, შევიწყალებ სააკაშვილს და დანარჩენებსო. რა უნდა ელაპარაკო ახლა მაგას!.."

მსახიობ ზურა ყიფშიძესთან ბევრი დღევანდელობაზე და ცოტაც მარადიულობაზე ვისაუბრეთ.

- გავიხსენებ სხვა­დ­ასხვა სტატიიდან ფრაზებს. მამაჩემს ხელფასი­ არ ჰყოფნისო, - გიორგიმ... ზურამ ბინა დაკარგაო...­ ამის შემდეგ საზოგადო­ების ნაწილს გაუკვირდა, სალომე ზურაბიშვილის მხარდამჭერთა შორის რომ გიხილათ.

- კანდიდატთა შორის ჩემთვის სალომე ზურაბ­­იშვილი ყველაზე მისაღები იყო. ჩვენი ქვეყნის 80% უნდა ააყვ­ავო ისე, რომ ის 20% თვითონ შემოგიერთდეს. ამას სჭირდება
"დრეკადი" პოლიტიკოსი.
ასეთად მიმაჩნია ეს ქალბატონი, აღარაფერს ვიტყვი მის გარეგნობასა და წინაპ­რებზე. ბინის ამბავი კი არანაირად არ არის დაკავშირებული არჩევნებსა და პოლიტიკასთან. არავინ დამპირებია, რომ ბინას დამიბრუნებს. შევიტანე საჩივარი სასამართლოსა და პოლიციაში. ჩემი ცოლია მოტყუებული! რაც მოხდა, ჩემი ბრალია?

- ჩემი ცოლი მოტყუებულიაო. რატომ?
- ჩემმა­ ქალიშვილმა­ და ცოლმა ახალგაზრდებს მიაქირავეს­ ფართობი, ისინიც ადგნენ და დაუკი­თ­ხავად ჩადეს იპოთეკაში, ის ფული კი დახარჯეს... მერე სხვა ფინანსურ დაწესებულებებში გადაიტან-გადმოიტანეს. მერე ერთ-ერთმა დამქირავებელმა თავი მოიკლა,­ ცოცხალი კი ყველაფერს გარდაც­ვლილს აბრალებს, არადა, თვითონ აქვს ხელი მოწერილი საბუთებზე.

იურისტები მეუბნებიან, ბევრი დეტალია ხელმოსაკიდი, თუმცა ხანგრძლივი პროცესი იქნებაო.

- ხილიანის ბინაზეა ლაპარაკი?
- არა, ეს ბინა ჩემს ცოლსა­ და მის დას მამამისმა დაუტოვა. ყოფილი მხატვართა სახლის უკან, გუდიაშვილის სახლი რომ იყო, ის სადარბაზოა...

ახლა დავუბრუნდეთ ისევ ქალბატონ სალომეს... შემრცხვა­ მათ მაგივრად, ვინც ქართული დაუწუნა. მერე რა, რომ ლევან ბერძენიშვილივით მჭევრმეტყველი არ არის. ბატონ ლევანს დიდ პატივს­ ვცემდი, მაგრამ გამაგიჟა, როცა ეს ნაბიჯი გადადგა და ვაშაძის მხარდამჭერებში აღმოჩნდა...

ამას წინათ, დილაუთენია, მირე­კავს ქალბატონი, პრეზიდენტობის კანდიდატმა გრიგოლ ვაშ­აძემ თქვა, თეატრები დოტაც­იაზე არ უნდა იყოს, თავი თვითონ­ შეინახონო. თუ მართლა ასე ამბობს,­ დეგენერატი ყოფ­ილა-მეთქი. ამან კი არ დაწერა­ პირდაპირ?­ ვაშაძეს მეუღლე მაინც არ ჰყავდეს ხელოვანი, მან ხომ კარგად იცის, რაც ხდება თეატ­რში?!

"ნაცმოძრაობის" გამარჯვების წარმოდგენაც არ მინდა, შეიძლება გული გამისკდეს"


ფეხბურთელ­ებს რატომ ვაძლევთ ფულს, მაინც ცუდად თამაშობენო, ამბობს კაცი, რომელსაც პრეზიდენტობაზე აქვს პრეტენზია. როგორ შეიძლება იყო იმ პარტიის გულშემატკივარი,­ რომელსაც ასეთი კაცი ჰყავს კანდიდატად. "ნაცმოძრაობის" ადგილას­ საერთოდ არ გამო­ვჩნდებოდი­. ვაშაძემ - პირველად რასაც გავაკეთებ, შევიწყალებ სააკაშვილს და დანარჩენებსო. რა უნდა ელაპარაკო ახლა მაგას!.. საგიჟეთში მაინც დააწვინონ ეს კაცი, ავად არის აშკარად.

- დავუშვათ, გაიმარჯვა "ნაცმ­ოძრაობის" კანდიდატმა. როგორ განვითარდება მოვლენები?
- აუჰ... ან უნდა გაუყვე კუდიგორის გზას, ან კიდევ ომობანა, დაპირისპირება დაიწყოს. წარმოდგენაც არ მინდა, შეიძლება გული გამისკდეს. სხვა რომ არაფერი, სირცხვილია! სააკაშვილის რეჟიმის მობრუნება დაუშვებელია!

მე სალომე ზურაბიშვილის გა­მ­არჯვების მჯერა! დიდი მნიშვნელობა აქვს გარემოცვას - ვნახოთ, როგორი გუნდი შეიკვრება. დღეს "ქართული ოცნების" გუნდი "ჭრიჭინებს". შეცდ­ომებში, გაურკვევლობასა და ბურუსში ვიყავით და ამას არც მალავენ... უნდა დავწყნარდეთ, დავისვენოთ. ჩვენ კი არ ვცხოვრობთ, პოლიტიკით ვართ შეპყრობილი.
ვერ დავალაგეთ ქვეყანა და გაუთავებელ მოლოდინსა და გარდამავალ პერიოდში ვართ.

- მოხვიდოდით ოდესმე პოლიტიკაში?
- მიმაჩნია, რომ მსახიობობით­ მეტი სიკეთის მოტანა შემიძ­ლია ჩემი ქვეყნისთვის, ვიდრე პოლიტიკაში მოსვლით...

გახსოვთ, მიშას დროს რო­გორ­ ცდილობდნენ, დაენერგათ არასწორი შეხედულებები, ვითომ ამერ­იკულ ცხოვრ­ებას გვასწავლიდნენ...­ ერთხელ სახლში მისულს რაღაც ტესტი მომაჩეჩეს, აბა, სწორი პასუხი გამოიცანიო? სიტ­უაცია ასეთია: ზიხარ საზოგადო­ებრივ ტრანსპორტში. დგანან ფე­ხმოჭრილი­ ჯარისკაცი, ფეხმძიმე ქალი და მოხუცი. რომელს დაუთმობდი ადგილსო? დავიწყე მსჯელობა: ფეხმძიმე ყველაზე ძლიერია, რადგან მაგარ მდგომარეობაშია; ფეხმოჭრილი ვაჟკაცია, იომა; ამან კი რა ქნას, ბუნებამ დააბერა - ბებიას-მეთქი. არა ხარ მართალიო. ვაჰ, ამერიკელებს უყურე შენ, მაინც ფეხმძიმე ქალია, მომავალზე ფიქრია უმთავრესი, როგორ ვერ მივხვდი-მეთქი. არა ხარ მართალიო! უი, სამშობლოსთვის თავდადებულებს ხედავ, როგორ აფასებენ-მეთქი. მაინც არაო. ბილეთი გაქვს ნაყიდი და დაეტიე შენს ადგილასო - მაზიარეს ჭეშმარიტებას... ასეთები ვერასოდეს გახდებიან ქართველები!

- დრო ისე გარბის, ხვალ ეს არჩევნებიც აღარავის ეხსომება... და რა არის მარადიული?...
- შეგრძნება მაქვს, თითქოს 45-ის ვიყო, არადა,­ უკვე 65-ის ვარ. მარადიულია­ მუსიკა, ფიქრი, შეGრძნებები... სამი შვილიშვილი მყავს. პატარა ალექსანდრე ყველას გვაგიჟებს. არქიტექტორი უნდა გავხდე, ბევრი ფული მექნებაო. ფული რაში გჭირდება-მეთქი. ავაშენებ სახლებს, მაგრამ თბილისში არა, სადაც მგლები და მელიებიც არიან და ბევრი ჟანგბადიაო. ცხვირი ჩვენი აქვს - მოკაუჭებული ცხვიროსნები ვართ. უფროსი, ნიკუშა, უკვე დიდია. მე უმამოდ გავიზარდე, ნიკუშა ჩემთან ცხოვ­რობს. ხანდახან მამაც ვარ მისთვის. ზოგჯერ თუ რამეს გადავამეტებ, მებუტება... ნატალი არაჩვეულებრივი მყავს, საყვარელი, მიამიტი და ფაქიზია.

www.kvirispalitra.ge




კომენტარები




მსგავსი სიახლეები:
  • ზურა ყიფშიძე: გრიგოლ ვაშაძე იდიოტია!
  • ლადო პაპავა: მეორე ტურში იძულებული ვარ ხმა მივცე ზურაბიშვილს, რადგან წინააღ ...
  • ვეუბნებოდი – წამო მიშა, ერთად გავიაროთ შემოწმება საგიჟეთში-მეთქი და ასათიან ...
  • სალომე ზურაბიშვილი: ვარ ძალიან ბედნიერი, მაგრამ მაინც დაველოდები ცესკო-ს შე ...
  • ექსკლუზივი: „გულგახეთქილმა დამირეკა დედაჩემმა... ვინ აკეთებს ამას ან რატომ? ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    15-06-2020, 20:44
    “ეპიდემია არ არსებობს, არც ვაქცინაა საჭირო, არც კარანტინი და არც კომენდანტის საათი” – ჯანმოს ეპიდემიოლოგი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს

         
    News.Mcvane.Ge © 2013-2018 საავტორო უფლებები დაცულია