Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » სააკაშვილი ისევ იმეორებს “ებრაელ აფერისტს”

სააკაშვილი ისევ იმეორებს “ებრაელ აფერისტს”

“რუსთავი2”-თან ინტერვიუს დროს საქართველოს მესამე პრეზიდენტმა მიხეილ სააკაშვილმა “ებრაელ აფერისტად” მოიხსენია პიარის ისრაელელი სპეციალისტი მოშე კლუგჰაფტი, რომლის შესახებაც ამავე ტელეარხმა სიუჟეტი 17 ნოემბერს მოამზადა.

“3 მილიარდი ლარი გააკეთა ბოლო 2 წელიწადში საბანკო მანიპულაციებით [ივანიშვილმა], მევახშეობით და ქართველი ხალხის ძარცვით. შეიძლება 5 კილო კარტოფილივით რაღაცა გადმოუგდოს ქართველ ხალხს, 50 ლარი, 100 ლარი ვიღაცას.

გეუბნება, ახლა ამ 50 ლარს, 100 ლარს შეგიმსუბუქებ და მომეცი კიდევ 6 წელი თქვენი უმოწყალო ძარცვისთვის. ჩვეულებრივი ულტრაკორუმპირებული არსებაა. თვითონ იყო ბანკირი, თვითონ ძარცვავდა ჩვენს ხალხს სულ ცოტა ხნის წინ.

გარდა ამისა, მინდა ვთქვა რომ ხაინდრავას მისცა 3 მილიონი, რომ კამპანიაში ჩაერთოს, აგერ ვიღაც ებრაელ აფერისტს, მოშეს, მისცეს მილიონ ორასი ათასზე მეტი, რომ ეს ბილბორდები დაამზადოს დაჯღანული სახეებით, რომლებიც თბილისში გამოფინეს. ერთი სიტყვით, ისინი არიან სულ პანიკაში, ხან რას იგონებენ, ხან რას”, – თქვა მან.

“რუსთავი2”-ის სიუჟეტში კლუგჰაფტი “შავი პიარის და ყალბი ახალი ამბების მსოფლიოში ცნობილი სპეციალისტად” არის დახასიათებული. ტელეკომპანიის ცნობით, სპეციალისტი სხვადასხვა ქვეყანაში, მათ შორის, ისრაელსა და ავსტრიაში ჩატარებული არჩევნების წინ კონკრეტულ პარტიებთან თანამშრომლობდა.

“რუსთავი2” იუწყება, რომ პიარის სპეციალისტი ამჟამად საქართველოშია და მმართველ პარტიასთან ერთად მუშაობს წინასაარჩევნოდ.

სააკაშვილმა კლუგჰაფტის შესახებ ფეისბუქ პოსტიც გამოაქვეყნა, რომელშიც სპეციალისტი “ისრაელელ აფერისტად” მოიხსენია და აღნიშნა, რომ “ქართული ოცნება” მის წინააღმდეგ კამპანიას სწორედ მოშე კლუგჰაფტთან ერთად ახორციელებს.

ეს პირველი შემთხვევა არ არის, როდესაც სააკაშვილი ებრაელს და სიტყვა “აფერისტს” ერთ კონტექსტში ახსენებს.

მიმდინარე წლის ივნისში, მიხეილ სააკაშვილმა “აფერისტ რუს ებრაელად” მოიხსენია “ქართული ოცნების წევრი შოთა შალელაშვილიც, რის გამოც მან საქართველოს მესამე პრეზიდენტი ანტისემიტიზმსა და რასიზმში დაადანაშაულა.

მოგვიანებით, აღნიშნულზე განცხადება გაავრცელა სამოქალაქო პლატფორმამ “არა ფობიას!”. პლატფორმაში შემავალმა NGO-ებმა განცხადება ქსენოფობიურად შეაფასეს და განმარტეს, რომ “ამა თუ იმ უარყოფითი მახასიათებლების მიწერით მან დამამცირებელ კონტექსტში წარმოაჩინა ებრაელები”.

არასამთავრობოების კრიტიკას კრიტიკითვე უპასუხა სააკაშვილმა. მან განცხადებას სიცრუეზე აგებული უწოდა. “არაფობიას” მას ჩეჩნებზე გაკეთებული განცხადების გამოც აკრიტიკებდა და მესამე პრეზიდენტის სექსისტურ განცხადებაზეც აპელირებდა შს მინისტრის მოადგილე ნათია მეზვრიშვილის წინააღმდეგ, თუმცა სააკაშვილმა NGO-ებს მხოლოდ ქსენოფობიის საკითხზე უპასუხა, სექსიზმზე – არა.

“აი, ეს არასამთავრობო, არა მხოლოდ რუსეთს და კადიროვის ჩეჩნეთს “იცავს” ჩემგან, არამედ ამ “დაცვაში” ნათლად გამოსჭვივის ქართველი ერის, როგორც მრავალეთნიკური ერთობის მიმართ, დისკრიმინაციული მიდგომა. მთელი განცხადება აგებულია სიცრუეზე და ყველაფრის უკუღმა წარმოდგენაზე. ტექსტის შემდგენელებისგან შეგნებულადაა ამოღებული კადიროვი და ამით ცდილობენ ჩემს მიერ ნათქვამი აზრის დამახინჯებას… ხაზგასმით ვიმეორებ-კადიროვის ჩეჩნეთი არის ისეთივე საშიში, როგორც პუტინის კაცთმოძულე მმართველობა. ის, რომ რუსეთიდან ჩამოყვანილი აფერისტი შალელაშვილი საქართველოს პარლამენტში არ უნდა იჯდეს და ჩვენ ქვეყანას არ უნდა ძარცვავდეს, და,რომ ის თავისი ეთნიკური წარმომავლობის ხაზგასმით, ვერ მოიპოვებს უფლებას, დაკავდეს საეჭვო საქმიანობით, სრულიად ნათელია ყველასთვის, ვისაც ობიექტურობის ნატამალი გააჩნია. განცხადება დაწერილია არაკეთლსინდისიერად და არაფერი აქვს საერთო რეალობასთან”, – აცხადებდა სააკაშვილი.

2017 წელს, როდესაც სააკაშვილი უკრაინაში ოპოზიციური აქტივიზმით იყო დაკავებული, მან კამპანიის პრესმდივანი თანამდებობიდან სწორედ ანტისემიტური პოსტის გამო გაათავისუფლა. სააკაშვილის პრესმდივანმა პრეზიდენტი პეტრო პოროშენკო კრიტიკისას ისრაელური გვარით, ვალცმანით მოიხსენია.

www.netgazeti.ge




კომენტარები




მსგავსი სიახლეები:
  • მიხეილ სააკაშვილის ვაჟი, ედუარდი აშშ-ში დაქორწინდა
  • "ვინც არ უნდა მოისყიდო, შე საცოდავო ჯუჯავ, აუცილებლად ჩამოგაკითხავ და შენი ...
  • სააკაშვილი: წულუკიანი და ივანიშვილი ვერ მომწვდნენ, მათ ქართველი ხალხი მიწვდ ...
  • „ივანიშვილი არის ქვეშაფსია, ლაჩარი და არარაობა“ - მიხეილ სააკაშვილი
  • პირველი არხის გადამღები ჯგუფი ავტობუსში, რომლითაც სააკაშვილი უკრაინაში მიემ ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია