Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » რატომ თქვა უარი „ცეკვავენ ვარსკვლავებში“ მონაწილეობაზე ნინი შერმადინმა

რატომ თქვა უარი „ცეკვავენ ვარსკვლავებში“ მონაწილეობაზე ნინი შერმადინმა

მომღერალი ნინი შერმადინი უკვე რამდენიმე თვეა, საქართველოში იმყოფება. მისი სამშობლოში ყოფნის ვადა კიდევ 3 თვით უნდა გახანგრძლივებულიყო, ვინაიდან მომღერალს დიდი სურვილი ჰქონდა, პროექტ „ცეკვავენ ვარსკვლავებში“ მიეღო მონაწილეობა, თუმცა შეთანხმება ვერ შედგა. მხარეები პირობებზე ვერ შეთანხმდნენ. როგორი იყო პირობები და რომელ პუნქტში ვერ დაემთხვა პროექტის პროდიუსერისა და ნინის სურვილები, მომღერალი თავად გიამბობთ.

ნინი მის ახალ მუსიკალურ პარტნიორთან, ბექა მაჩიტაძესთან ერთად ჩავწერეთ. ინტერვიუ კაფე „ორანჟერეაში“ შედგა.

ნინი:

– ძალიან მონდომებული და მოტივირებული ვიყავი. შეთანხმებაც თითქმის მიღწეული გვქონდა. დიმასთანაც ვიყავი, გამსინჯა. მაგრამ შეთანხმება ვერ შედგა ისევ და ისევ ჩემი არეული გრაფიკიდან გამომდინარე. არ ვიცოდი, ასე სწრაფად თუ მომიწევდა დაბრუნება უკან. ამერიკაში იწყება პროექტი ბროდვეიზე, რომელსაც ამდენი ხანი ველოდებოდი.

– როგორც ვიცი, უკვე მესამე წელია, „ცეკვავენ ვარსკვლავებიდან“ შემოთავაზება გაქვს...

– ბედის ირონიაა, ისე ძალიან მინდოდა მონაწილეობა, წელს თვითონ შევეხმიანე ამ პროექტის მესვეურებს. მანამდე რამდენჯერაც დამირეკეს, იმდენჯერ ამერიკაში ვიყავი. მთავაზობდნენ კიდეც, ბილეთებს გიყიდითო და ეგებ ხელფასზეც შევთანხმდეთო... მაგრამ წინა ორი წელი კონტრაქტიანი სამსახურები მქონდა ამერიკაში და ვერ დავარღვევდი.

– წლევანდელი მიზეზი მხოლოდ „ბროდვეია“?

– არა, შემეძლო გამერისკა, მეცეკვა და საპატიო მიზეზიც მექნებოდა, რატომ დავაგვიანებდი ამერიკაში ჩასვლას...

– მაშ რა არის მთავარი მიზეზი?

– ეს ყველასთვის გასაგები მიზეზია, რომელზეც ლაპარაკი არც უნდა მერიდებოდეს. მე ერთადერთი ადამიანი ვარ ოჯახში, რომელიც მუშაობს და აქვს შემოსავალი. ჩემზეა დამოკიდებული ძალიან ბევრი ადამიანი, შვილი, მშობლები, მაქვს უამრავი ხარჯი, გადასახადები ორ ქვეყანაში. მერე რა, რომ აქ ვარ, იქ ყველაფერს ვიხდი, რომ ჩასვლამდე შემენახოს. ყველამ იცის, როგორი შრომატევადია ეს პროექტი, რომ სხვას ვერაფერს გააკეთებ პარალელურად. შესაბამისად, მე მჭირდებოდა მიზერული ხელფასი მაინც, რომ ჩემი ოჯახი შემენახა ამ სამი თვის განმავლობაში. აღმოჩნდა, რომ ამისთვის ფონდი არ არსებობს.

– მე მქონდა ინფორმაცია, რომ ვარსკვლავებს ხელფასს უხდიდნენ ამ პროექტში. ასე არაა?

– წინა წელს თავად შემომთავაზეს, მაგრამ... მე თუ ფინანსური პრობლემა არ მომეხსნებოდა, ცეკვას ვერ შევძლებდი. ნახევარფაბრიკატი არაფერში არ ვარ. თუ მონაწილეობას გადავწყვეტდი, მთლიანად უნდა გადავვარდნილიყავი პროექტში. მაქვს ამბიცია, რომ ამას შევძლებდი.

– ამერიკიდან ჩამოსვლის შემდეგ საგრძნობლად დაიკელი წონაში. ეს მზადება იყო პროექტისთვის?

– ესეც იყო მოტივაცია. საქართველო მიხდება (იცინის). მიხდება იმიტომ, რომ სახლში ვარ. აქ ბედნიერი ხარ. ყველა გიყვარს, ყველას უყვარხარ. 2 კვირით ჩამოვედი და 6 თვე დავრჩი. ძალიან პროდუქტიული აღმოჩნდა ჩემი ჩამოსვლა, ამას არ ველოდი, არც გამითვლია.

– როგორ გგონია, რატომ? უცხო ქვეყნიდან დაბრუნებულ ქართველ მომღერლებს უფრო ვაფასებთ?

– არ ვიცი. სანამ წავიდოდი, მართლაც არ ვიყავი ასეთი პროდუქტიული. მოდუნებული ვიყავი თითქოს, დეპრესიული ფონიც მქონდა, გავჩერდი, თითქოს გავიყინე კიდეც ერთ ადგილზე. სწორი გადაწყვეტილება მივიღე, როცა ამერიკაში წავედი, თუმცა აქვე უნდა ვთქვა, რომ იძულებული არ ვყოფილვარ. მინდოდა, მეტი გამეკეთებინა, მეტი მესწავლა. გამზარდა ამერიკამ, საკუთარ თავში დაჯერებული გავხდი, შრომისმოყვარე, დამოუკიდებელი, სირთულეების აღარ მეშინია.

რატომ თქვა უარი „ცეკვავენ ვარსკვლავებში“ მონაწილეობაზე ნინი შერმადინმა


– ახლა ბექა გაგვაცანი...

– ბექა გახლავთ გერმანიაში მოღვაწე ქართველი მომღერალი. ჩვენმა საერთო მეგობარმა მაჩვენა ბექას ვიდეოები და ასე ამერიკიდან გერმანიაში დავუკავშირდით ერთმანეთს. გავუგზავნე ჩემი დაწერილი სიმღერები, ავარჩიეთ ერთ-ერთი – „გაუღიმე ყველას“, რომელიც იყო ინგლისურენოვანი. ნანა ცინცაძემ დაგვიწერა ტექსი, გადმოვაქართულეთ და ჩავწერეთ დუეტი. კლიპი ზურა ქირიამ გადაგვიღო. ფონოგრამა ბორიკო შხიანს ეკუთვნის. სიმღერა „სანოს სტუდიაში“ ჩაიწერა.

– როგორ სიყვარულზე მღერით შენ და ბექა?

– თითქმის დაშორებულები არიან, თითქოს რიგდებიან...

– ბექა, ნინის შეყვარებულს თამაშობ კლიპში?

ბექა:

– ხან კი, ხან არა. ბოლოს ჩემს მეუღლესთან ერთად ვრჩები კლიპშიც, ისევე როგორც რეალურ ცხოვრებაშიც. ნინი კი გოგა ჯიქიასთან რჩება. გოგა სამოდელო სააგენტო „კატრინის“ მოდელია და მშვენივრად მოირგო ნინის რჩეულის როლი.

ნინი:

– ვისარგებლებ შემთხვევით და „სექტორს“ გადავუხდი მადლობას, სწორედ ამ ლოკაციაზე გადავიღეთ კლიპი. ასე რომ, სიშიშვლეს ვერ გპირდებით, მაგრამ საცურაო კოსტიუმში ვიქნები (იცინის).

– ბექა, შენზეც გვიამბე...

– 11 წლის ვიყავი, ოჯახთან ერთად გერმანიაში რომ წავედი. 3 თვით მივდიოდით და 13 წელი გავიდა. ბავშვობიდან მიყვარს სიმღერა, ახლა მინდა პროფესიად ვაქციო.

– ნინი, ფეისბუკის შენს გვერდს ვათვალიერებდი და უხერხული კითხვების სიას წავაწყდი. ერთ-ერთი გკითხო?

– მკითხე.

– რატომ ვერ გათხოვდი ამდენი ხანი?

– (იცინის) არ მთხოულობენ, ბატონო, არა! ეს კითხვა მართლა ძალიან აქტუალურია. ყველა მაგას მეკითხება: ნინი, რატომ ვერ თხოვდებიო? აბა, რა ვიცი.

– სასიყვარულო სიმღერებს წერ, რა ხდება შენს პირადში?

– სიმღერებიც აღარ ჩავწერო?! ესღა დამრჩენია (იცინის).

– ე.ი. იფიქრე, გავხდები, ვიცეკვებ, იქნებ შემამჩნიონ და მითხოვონო და ესეც წყალში ჩაგეყარა...

– (იცინის) აი, ზუსტად.

– სხვა დროს გიცეკვია პროფესიონალურ დონეზე?

– კი, ბავშვობაში ხომ ყველა ვცეკვავდით. პროფესიონალურ დონეზეც მიცეკვია ანსამბლ „თელაში“...

რატომ თქვა უარი „ცეკვავენ ვარსკვლავებში“ მონაწილეობაზე ნინი შერმადინმა


– იქნებ მომავალ წელს მაინც შეძლო ამ პროექტში მონაწილეობა...

– ისე ძალიან მინდა... და ისე გული მწყდება... ასე ძალიან არასდროს არაფერი მდომებია. თან მე ხომ კონკურსებზე ვგიჟდები. ეს რაღაც ანომალიაა. ეს ადრენალინი, ნერვიულობა ძალიან მიზიდავს. ყველა კონკურსი გავიარე და ცეკვები დამრჩა.

– სამომავლო გეგმებში რა გაქვს, როდის უნდა დაგვტოვო?

– ველოდები პროექტის დაწყებას ამერიკაში „ბროდვეიზე“ , რომელზეც ზემოთ მოგახსენებდით. მანამდე აქ ვარ, კიდევ სამი სიმღერა მაქვს ჩასაწერი, ორი ჩემი და ერთიც მაიკო კაჭკაჭიშვილმა დამიწერა. მყავს ბენდი „ნოუ ნეიმ“, რომელთან ერთადაც ვაკეთებ ჩემი ძველი სიმღერების ქავერებს. ასე რომ, წინ ბევრი საქმე მაქვს. მადლობა მინდა გადაგიხადოთ ჟურნალისტებს, რომ კვლავ გვერდით მიდგახართ და საშუალებას მაძლევთ, თავი შევახსენო ჩემს მსმენელს, გულშემატკივარს.

www.primetime.ge




კომენტარები




მსგავსი სიახლეები:
  • რატომ ვერ შედგა ნოდიკო ტატიშვილისა და ნინი წიკლაურის სიყვარული და ვის გაჰყვ ...
  • რა იყო ყველაზე დიდი სტრესი თიკა ჯამბურიას ცხოვრებაში და რატომ მოიხსენიებს ი ...
  • ნინი შერმადინი: სადაც ხალხს ესირცხვილები და სადაც ელემენტარულად არ გაფასებე ...
  • ხათუნა ჟორდანიამ ფიცი გატეხა და ალაპარაკდა
  • ''ახალი ლელა და მამულიჩა'' ქართულ შოუბიზნესში

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    27-09-2018, 09:45
    როგორ იზრდება პატარა ევა, რომლის დედის გარდაცვალებამ მთელი საქართველო შეძრა
    19-09-2018, 15:01
    ბერა ივანიშვილის საცოლის ფოტოები "ინსტაგრამიდან"
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ

    ვიდეო კოლაჟი
    13-10-2018, 20:26
    6 წლის გოგონამ საკუთარ თავზე აიღო პარალიზებული მამის მოვლა
    12-10-2018, 12:59
    ქართველმა გოგონამ ბერძნულ The Voice-ში ოთხივე მწვრთნელი შემოაბრუნა
    9-10-2018, 20:48
    "ფეხებს რომ პარჭყავს, ის უნდა გახდეს თურმე პირველი ლედი" - რეზო ამაშუკელი ახალ მიმართვას ავრცელებს
    7-10-2018, 20:43
    " შე კრეტინო, დედალო ძუკნა, ჩამოდი თუ შნო გაქვს, მარტო მე დაგხვდები!"- რეზო ამაშუკელი მიხეილ სააკაშვილს მიმართავს
    7-10-2018, 19:45
    "მძღოლს ალბათ დააპატიმრებენ, მაგრამ ამ ბავშვებს ეს გააცოცხლებს?!" - საზარელ ავარიას შეწირული კიდევ 2 ახალგაზრდა
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    2-10-2018, 19:47
    ,,დააბრუნეთ სააკაშვილი და უკანალზე აკოცეთ"

         
    News.Mcvane.Ge © 2013-2018 საავტორო უფლებები დაცულია