Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » სამი გოგო ერთი სოფლის, ერთი სკოლის, ერთი კლასიდან 100-პროცენტიანი გრანტით

სამი გოგო ერთი სოფლის, ერთი სკოლის, ერთი კლასიდან 100-პროცენტიანი გრანტით

ნია, ნინი და ვიოლეტა ქობულეთის მუნიციპალიტეტის სოფელ ქვედა კვირიკეს საჯაროს სკოლის მოსწავლეები იყვნენ. წელს სამივე სტუდენტია და სამივემ ეროვნულ გამოცდებზე 100-პროცენტიანი სახელმწიფო დაფინანსება მოიპოვა. გოგონები თანასოფლელები, მეგვარეები და ნათესავები არიან.

ვიოლეტა შაქარიშვილი თბილისში, ილიას სახელმწიფო უნივერსიტეტში სამართალს ისწავლის. ამბობს, რომ იურისტობა მისი ბავშვობის ოცნებაა. კითხვაზე – პროფესიის არჩევისას რა იყო მისი ინსპირაციის წყარო, ვიოლეტა ამბობს, რომ ეს ადამიანის უფლებებია. ვიოლეტას იურისტობის გარდა კიდევ ერთი გატაცება აქვს, – აქამდე ფეხბურთს თამაშობდა.

„გამიმართლა, რომ იქ ჩავირიცხე, სადაც მინდოდა. მართალია, ხუთ საგანში ვემზადებოდი, მაგრამ შედეგით კმაყოფილი ვარ“, – გვეუბნება ის.

ვიოლეტა ამბობს, რომ მიუხედავად იმისა, რომ სკოლაში კარგად სწავლობდა და ვერცხლის მედალოსანიც არის, გრანტის მისაღებად მაინც დასჭირდა რეპეტიტორის დახმარება.

ვიოლეტა შაქარიშვილი


სამი გოგო ერთი სოფლის, ერთი სკოლის, ერთი კლასიდან 100-პროცენტიანი გრანტით


„ქობულეთში დავდიოდი მოსამზადებლად, ეს 4 000 ლარი დამიჯდა. ვფიქრობ, იძულებული ხარ მოემზადო, რადგან ეროვნულზე ითხოვენ უნარების ჩაბარებას. ეს ისეთი საგანია, რომელსაც თავისებური მიდგომა სჭირდება. სკოლაში ყველა ბავშვს არ აქვს შესაძლებლობა ინდივიდუალურად გამოავლინოს თავისი შესაძლებლობები, რადგან კლასში ბევრი ბავშვია და მასწავლებელი ვერ ახერხებს იმუშაოს თითოეულ ბავშვთან“.

ვიოლეტამ იცის, რომ იურისტისთვის დასაქმება საკმაოდ რთულია, რადგან მაღალი კონკურენციაა ამ სფეროში. მაგრამ, მისი აზრით, ადამიანის უფლებების სფეროში ჯერ კიდევ ბევრი რამ არის საქართველოში გასაკეთებელი და ის სწორედ ამ მიმართულებით აპირებს მუშაობას.

„ძალიან მინდა, რომ გაცვლით პროგრამაშიც მოვხვდე და უცხოური გამოცდილებაც მივიღო ჩემს სპეციალობაში. თუ ეს არ გამოვიდა, მაშინ ვაპირებ, მაგისტრატურა გერმანიაში გავიარო“.

ვიოლეტა ამბობს, რომ ძალიან უყვარს სპორტი და წლების მანძილზე საქართველოს გოგონათა ფეხბურთის ნაკრებში თამაშობდა. „არ ვიცი ამისთვის დამრჩება თუ არა კიდევ დრო, თუმცა მინდა, რომ თამაში გავაგრძელო“.

ნია შაქარიშვილი თავისუფალ უნივერსიტეტში, საერთაშორისო ურთიერთობებზე ისწავლის. სკოლა ოქროს მედალზე დაამთავრა, თუმცა, როგორც ვიოლეტა, ისიც მიიჩნევს, რომ აბიტურიენტს დამატებითი მომზადება მაინც სჭირდება:

ნია შაქარიშვილი


სამი გოგო ერთი სოფლის, ერთი სკოლის, ერთი კლასიდან 100-პროცენტიანი გრანტით


„სკოლა უნდა გაძლევდეს საშუალებას, ეროვნული გამოცდები დამატებითი მომზადების გარეშე ჩააბარო: გჭირდება აღიდგინო 12 წლის განმავლობაში განვლილი მასალა. გარდა ამისა, გვიწევს ზოგადი უნარების სწავლა, უცხო ენის უკეთესად დაუფლება და ა.შ. ჩემი აზრით, ქართული განათლების სისტემა უნდა შეიცვალოს და ბოლო დამამთავრებელ კლასებში მოსწავლემ ის საგნები უნდა ისწავლოს, რასაც ეროვნულ გამოცდებზე აბარებს. სხვა შემთხვევაში, რეპეტიტორის ინსტიტუტი ყოველთვის იქნება“.

ნია ამბობს, რომ სამომავლოდ დიპლომატიურ სამსახურში მუშაობაზე ოცნებობს.

„დიდი ხანია გადაწყვეტილი მაქვს, რომ დიპლომატი გამოვიდე. მიყვარს მოგზაურობა და ვფიქრობ, თუკი წარმატებული ელჩი ვიქნები, სხვადასხვა ქვეყანაში მომიწევს ცხოვრება.

პირველ ეტაპზე მინდა ჩინეთში წავიდე ელჩად, რადგან ძალიან მომწონს ჩინური კულტურა. დიდი ხანია მაინტერესებს ეს ქვეყანა. ზოგადად, აღმოსავლეთი მაინტერესებს“, – გვეუბნება ის.

ნიაც, ვიოლეტას მსგავსად, ფეხბურთით არის გატაცებული, ისინი ერთად თამაშობდნენ კიდეც ნაკრებში და 2012 წელს, აშშ-ში დისნეის მსოფლიო ჩემპიონატზეც იასპარეზეს.

„ამჟამად მხოლოდ მაყურებლის როლში ვარ და ჩემს სამომავლო კარიერაზე ვფიქრობ“, – გვეუბნება ნია.

ნინი შაქარიშვილი


სამი გოგო ერთი სოფლის, ერთი სკოლის, ერთი კლასიდან 100-პროცენტიანი გრანტით


ნინი შაქარიშვილიც ოქროს მედალოსანია. მან 100 პროცენტიანი სახელმწიფო გრანტი მოიპოვა და კავკასიის უნივერსიტეტში, არქიტექტურის ფაკულტეტზე სწავლობს. ეს ფაკულტეტი ასარჩევ სიაში პირველი მიუთითა.

„მანამდე ექიმობა მინდოდა, თუმცა გაზაფხულზე შევცვალე გადაწყვეტილება და არქიტექტურაზე ჩავაბარე.

თავისუფალი დრო თითქმის არასდროს მქონდა, რადგან სკოლაშიც კარგად ვსწავლობდი. ოქროს მედალზე დავამთავრე, მაგრამ მაინც ვემზადებოდი, რადგან მიუხედავად ამდენი სწავლისა და შრომისა, სკოლა ბოლომდე მაინც ვერ გაძლევს იმას, რაც ეროვნული გამოცდებისთვის გჭირდება“.

ნინის თქმით, მოსწავლეს აუცილებლად უწევს ზოგად უნარებში, უცხო ენაში მომზადება.

„კლასში ბევრი ბავშვია და რთულია მომზადება, ფაქტობრივად, გრამატიკა არ ისწავლება და აქაც მასწავლებლის დახმარება გჭირდება. სკოლას აქვს ერთი პრობლემა – სისტემა არ გაძლევს იმ ცოდნის მიღების საშუალებას, რაც შემდეგ საჭიროა. არის წიგნების პრობლემაც და კიდევ ბევრი რამის“.

ნინი ამბობს, რომ ბავშვობაში ხატავდა და არქიტექტორობა ამიტომ გადაწყვიტა.

„ამ გადმოსახედიდან რთულია ქართული არქიტექტურის შეფასება, რადგან ბევრი რამ უნდა ვისწავლო, მაგრამ მშენებლობებში ფაქტია, რომ ბევრი რამ შესაცვლელია“, – გვეუბნება ის.

ნინი, ვიოლეტას მსგავსად, სწავლის გაგრძელებას გერმანიაში გეგმავს.

www.batumelebi.netgazeti.ge





კომენტარები




მსგავსი სიახლეები:
  • სექტემბრიდან დაბალ კლასებში ნიშნები უქმდება, გაკვეთილების დრო მცირდება რეზო ...
  • მოსწავლეებს საშუალო სკოლებში პროფესიული განათლების მიღების შესაძლებლობა ექნ ...
  • გაიცანით საქართველოს ყველაზე ჭკვიანი მოსწავლე, რომელმაც სკოლის 8 საგანში უმ ...
  • ქართველმა მოსწავლემ 160 000 დოლარის გრანტი მოიპოვა
  • „ხელოვნურ ინტელექტზე მინდა ვიმუშაო“ – სად ჩაირიცხა ყველაზე მაღალი შედეგის მ ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია