Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ,,ჩვენი რეფორმები არ ჩაფლავებულა, მე ერთი შილა ფლავი მახსოვს 2012 წლის პირველ ოქტომბერს”

,,ჩვენი რეფორმები არ ჩაფლავებულა, მე ერთი შილა ფლავი მახსოვს 2012 წლის პირველ ოქტომბერს”

,,რეფორმები, რომელიც ჩვენ გავატრეთ,ჩაფლავებული არ არის. მე ერთი შილაფლავი მახსოვს 2012 წლის პირველ ოქტომბერს,” – ამის შესახებ საქართველოს იუსტიციის მინისტრობის კანდიდატმა, თეა წულუკიანმა პარლამენტში რამდენიმე გაერთიანებული კომიტეტის სხდომაზე განაცხადა.

როგორც თეა წულუკიანმა აღნიშნა, იუსტიციის სამინისტროს მიერ გატარებული რეფორმები დასაკნინებელი არ არის.

„რაც შეეხება ირმა ნადირაშვილის კითხვას, ჩააფლავე რეფორმებიო, მე ერთი შილა ფლავი მახსოვს 2012 წლის პირველ ოქტომბერს. ფლავი არ ვიცი საიდან მოვიდა. რეფორმები, რომელიც ჩვენ გავატარეთ, ჩაფლავებული არ არის. ამის დაკნინების მცდელობის უფლებას, სანამ მე ვარ პოლიტიკურ ასპარეზზე და შიგნით ვიქნები თუ გარეთ, ამის საშუალებას ნამდვილად ვერ მოგცემთ. ეფექტი არის, რომ შეკრებითობის წესით აღარ ჯდებიან ციხეში მრავალი წლით და ამის ავტორები ჩვენ ვიყავით მთავრობა და იუსტიციის სამინისტრო. საპროცესო შეთანხმების რეფორმა გატარდა და აღარ არის ეს, რომ მომეცი ფული და გაგიშვებ ციხიდან. წინასწარი პატიმრობა გადასინჯვადი გახდა რამდენიმე კვირაში ერთხელ, რამაც მოიტანა ეფექტი, რომ ხალხი წინასწარ პატიმრობაში არ ელოდება განაჩენს და გამოიყენება გირაო ან სხვა ღონისძიებები”, – განაცხადა თეა წულუკიანმა.

მისივე თქმით, რეფორმის ფარგლებში დაკითხვის ახალი წესი დამკვიდრდა.

„დაკითხვის ახალი წესი შემოვიდა ალბათ ამის გახსენება არავის არ უნდა ოპონენტებისგან და გამოირიცხა ის, რასაც წინა ხელისუფლება აკეთებდა. წარსულზე ნუ ლაპარაკობო და მომავალზე ვლაპარაკობ და მომავალზეც ნუ ლაპარაკობო, მაგრამ შეგახსენებთ, რომ დაკითხვის წინა წესის დროს ღამე იბარებდნენ ადამიანებს და გამომძიებელი იძულების წესით კითხავდა. ეს მთლიანად არის აღმოფხვრილი და თქვენ იცით, რომ ღამით დაკითხვა აკრძალულია”,

ხორავას ქუჩაზე მომხდარი ფაქტი ბავშვთა შორის მკვლელობა იყო, ყველაზე დიდი ტრაგედია, რომელიც შეიძლება ოჯახებს, ნებისმიერ მხარეს დაატყდეს თავს, – განაცხადა თეა წულუკიანმა.

წულუკიანმა „ევროპული საქართველოს“ წევრს, დეპუტატ ელენე ხოშტარიას უპასუხა.

„ელენე ხოშტარია ოჯახის თავზე დატრიალებულ ცუნამებზე მელაპარაკება. დიახ, ცუნამი კი არა, უარესი დატრიალდა ბატონი სარალიძის, სუბელიანის, დადუნაშვილისდა ბევრი სხვა ოჯახის თავზე. არ ვიცი, რა შეიძლება იყოს ამაზე დიდი ტრაგედია. არც ერთ მშობელს და ოჯახის წევრს არ ვუსურვებ, რომ მისმა შვილმა სხვა ბავშვი მოკლას ან მისი შვილი იქნეს სხვა ბავშვის მიერ მოკლული“, – განაცხადა წულუკიანმა.

ამასთან, იუსტიციის მინისტრობის კანდიდატმა სანდრო გირგვლიანის საქმეც გაიხსნება.

„იმ ეზოში მომხდარი ბავშვთა შორის მკვლელობა იყო, ყველაზე დიდი ტრაგედია ალბათ, რაც ოჯახებს, ნებისმიერ მხარეს შეიძლება დაატყდეს თავს. მაგრამ მე კიდევ სხვა ცუნამი მახსენდება – ეს არის სანდრო გირგვლიანის საქმე და ქალბატონო ელენე, თქვენ სანდროს მეგობარი იყავით და შეხედეთ, ახლა ვისთან ერთად ხართ პარტიაში და ამის მერე დამისვით კითხვები“, – მიმართა თეა წულუკიანმა ელენე ხოშტარიას.

„ახობაძის შემთხვევაში, სასამართლო გადაწყვეტილება არის გაბათილებული, რადგან იმ პოზიცია, სადაც აღდგენილი იქნა ახობაძე, ცოცხალი ადამიანი მუშაობს. ამ ადამიანმა იჩივლა და თქვა, რომ მისი, როგორც მესამე მხარის უფლებები ირღვევა და ახლა მიმდინარე დავაა სასამართლოში. შესაბამისად, მანამ დავა არ დასრულდება, ვერ შესრულდება ეს სასამართლო გადაწყვეტილება.

რაც შეეხება ქალბატონ სუბელიანს, რომელიც ღელავს და არ სიამოვნებს ის პასუხები, რასაც მე ვიძლევი, ელენეს კითხვის პასუხად. სუბელიანის შემთხვევაში, საქმე ეხება შემდეგს, ის აღდგენილი იქნა სასამართლოს მიერ იმ პოზიციაზე, რომლიდანაც არ გათავისუფლებულადა უფრო მეტიც, იმ პოზიციაზე, რომელიც არასდროს მოცემულ სსიპ-ში არ არსებულა, შესაბამისად, აღსრულების ფურცელი აღუსრულებლად დაბრუნდა და ამაზე მიმდინარეობს სასამართლო დავა. ნებისმიერ იურისტს ესმის, რომ მიმდინარე დავაზე არ არსებობს სასამართლო გადაწყვეტილება, რომელიც ექვემდებარება აღსრულებას“, – განაცხადა თეა წულუკიანმა.

31 იანვარს საია-მ იუსტიციის სამინისტროს დანაშაულის პრევენციის ცენტრი სასამართლოს გადაწყვეტილების შეუსრულებლობაში დაადანაშაულა.

საია-ს ინფორმაციით, სასამართლოს გადაწყვეტილების თანახმად, 2014 წელს ცენტრიდან ორი თანამშრომლის, თამაზ ახობაძისა და ანა სუბელიანის გათავისუფლება უკანონოდ მოხდა და დაკმაყოფილდა მოთხოვნა აღნიშნული პირების თანამდებობებზე აღდგენისა და იძულებითი განაცდურის ანაზღაურების შესახებ, რომელიც ორივე მათგანის შემთხვევაში, ჯამში დაახლოებით 150 ათას ლარს შეადგენს.

www.infopostalioni.com




კომენტარები




მსგავსი სიახლეები:
  • წულუკიანი სუბელიანს: “თქვენ არ გეცალათ, დაკავებული იყავით მემორიალზე ცეკვით ...
  • წულუკიანი: “მთხოვენ, რომ ის ადამიანი, რომელსაც აქვს მამაკაცის ორგანოები გავ ...
  • „მივესალმებით იმას, რომ ევროპული ქვეყნები ჩვენს მოქალაქეებს უარს ეტყვიან თა ...
  • თეა წულუკიანმა ახლადდაქორწინებულ წყვილს სპეციალური მოწმობა გადასცა
  • წულუკიანი: ჩვენ ვიწყებთ მიხეილ სააკაშვილისთვის საქართველოს მოქალაქეობის შეწ ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
    6-11-2018, 07:36
    ქუთაისში აზიური ფაროსანა დააბეს - ფოტო, რომელმაც სოცქსელი გახალისა
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    27-09-2018, 09:45
    როგორ იზრდება პატარა ევა, რომლის დედის გარდაცვალებამ მთელი საქართველო შეძრა

    ვიდეო კოლაჟი
    4-12-2018, 20:40
    პილოტმა შეიტყო, რომ ბორტზე მისი სკოლის მასწავლებელი იმყოფებოდა და ემოციური სიურპრიზი მოუწყო (ვიდეო)
    3-12-2018, 20:00
    სულხან მოლაშვილმა რომელიღაც ეთერში დააყრანტალა, ბოკერიამ მაწამაო – თამარ ჩერგოლეიშვილი (ვიდეო)
    30-11-2018, 20:11
    2012 წელი - კარტოფილის დარიგება წინასაარჩევნოდ
    29-11-2018, 21:27
    "თუ სალომე ზურაბიშვილი გახდება პრეზიდენტი, საქართველოდან წავალ!"- ნიკა გვარამია
    29-11-2018, 21:11
    ცეკვა, რომლითაც ირაკლი მაქაცარიამ უკრაინული „ცეკვავენ ვარსკვლავები“ წააგო (ვიდეო)
    28-11-2018, 16:41
    სააკაშვილი: არ ვაღიარებ არჩევნების შედეგებს, მოვითხოვოთ ვადამდელი საპარლამენტო არჩევნები
    23-11-2018, 20:37
    "იყოს ჩემი მხრიდან ბოლო შანსი..." - უცნობის ახალი პოლიტიკური კლიპი “4 და 8, 4 და 8 – თუ არადა გაგერღვა!” (ვიდეო)

         
    News.Mcvane.Ge © 2013-2018 საავტორო უფლებები დაცულია