Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ყველაზე მეტი ქართველი ემიგრანტი რუსეთში ცხოვრობს

ყველაზე მეტი ქართველი ემიგრანტი რუსეთში ცხოვრობს

2017 წლის მონაცემებით, მსოფლიოს სხვადასხვა ქვეყანაში 840 000 ქართველი ემიგრანტი ცხოვრობდა. ამის შესახებ „პიუს კვლევითი ცენტრზე“ დაყრდნობით "ამერიკის ხმა" წერს.

მონაცემები „პიუს კვლევითი ცენტრის“ ვებგვერდზე გამოქვეყნდა. ინტერაქტიური რუკა, რომელიც მასალას ახლავს, აჩვენებს, რომ საქართველოდან წასული ყველაზე მეტი - 450 ათასამდე მიგრანტი რუსეთის ფედერაციაში ცხოვრობს; 80 000 - საბერძნეთში, 70 000 - უკრაინაში, 50 000 - აზერბაიჯანში, 40 000 - სომხეთში, 30 000 - ამერიკაში, 20 000 - გერმანიაში. 20 000 - კვიპროსზე, იტალიაში კი დაახლოებით 10 000 ქართველი მიგრანტია.

ყველაზე მეტი ქართველი ემიგრანტი რუსეთში ცხოვრობს


ამავე მონაცემებით, 10 000-ზე ნაკლები და 1000-ზე მეტი მიგრანტია ამ დროისთვის ისრაელში, ესპანეთში, ბელორუსში, თურქეთში, საფრანგეთში, ავსტრიაში, ყაზახეთში, ყირგიზეთში, გაერთიანებულ სამეფოში, კანადაში, ბელგიაში, ესტონეთში, შვედეთში, ლატვიაში, პორტუგალიასა და ჩეხეთში.

ქართველი მიგრანტები მსოფლიოში

1990 წლისთვის მონაცემები მცირედით განსხვავებული იყო, თუმცა მაშინაც ქართველი მიგრანტების უდიდესი ნაწილი რუსეთში ცხოვრობდა - 660 000 ადამიანი. შემდეგი იყო უკრაინა - 80 000 ქართველი იმიგრანტით, შემდეგ აზერბაიჯანი, სადაც ამ დროისთვის 70 000-მდე ქართველი მიგრანტი ცხოვრობდა, საბერძნეთი - 40 000 და ისრაელი - საქართველოს 30 000 მოქალაქით.

2000 წლისთვის არსებული მონაცემებით, იმ ქვეყნების „ტოპ-სამეული“, სადაც ყველაზე მეტი ქართველი იმიგრანტი იყო, არ შეცვლილა - რუსეთი (630 000 ), უკრაინა (70 000), და საბერძნეთი (70 000). შემდეგ ქვეყნებს შორის არიან საქართველოს მეზობლები - აზერბაიჯანი (60 000) და სომხეთი (50 000). 2000 წლისთვის, როგორც ჩანს, 20 000-მდე ქართველი ცხოვრობდა ისრაელში, შეერთებულ შტატებში კი - 10 000.

1990 წლისთვის ამერიკაში 10 000-ზე ნაკლები ქართველი ცხოვრობდა, 20 წლის შემდეგ ეს რიცხვი გაორმაგდა და 2010 წელს აქ უკვე 20 000-ზე მეტი ქართველი იმიგრანტი იყო. 2017 წლისთვის კი დაახლოებით - 30 000 .

„პიუს კვლევითი ცენტრი"

​2010 წლის მონაცემებით, მკვეთრად დაეცა რუსეთში მცხოვრებ ქართველთა რაოდენობა. თუკი 2000 წლის მონაცემებით, იქ 630 000 ქართველი ცხოვრობდა, 2010 წელს ამ მაჩვენებლმა 440 000-მდე დაიკლო, თუმცა რუსეთი მაინც პირველი ქვეყანა იყო მსოფლიოში ქართველი იმიგრანტების რაოდენობის მიხედვით.

მას კვლავ მოჰყვებოდა საბერძნეთი (90 000), უკრაინა (60 000), აზერბაიჯანი (50 000), სომხეთი (30 000) ქართველი მცხოვრებით.

რაც შეეხება, შეერთებულ შტატებში ქართველ მიგრანტთა რაოდენობის დინამიკას, „პიუს კვლევითი ცენტრის“ ინფორმაციით, თუკი 1990 წლისთვის ამერიკაში 10 000-ზე ნაკლები ქართველი ცხოვრობდა, 20 წლის შემდეგ ეს რიცხვი გაორმაგდა და 2010 წელს აქ უკვე 20 000-ზე მეტი ქართველი იმიგრანტი იყო. როგორც მონაცემები აჩვენებს, ყოველ 10 წელიწადში ქართველი მიგრანტების რაოდენობა შეერთებულ შტატებში დაახლოებით 10 000-ით იმატებს - 2017 წლისთვის ამერიკაში უკვე 30 000-მდე ქართველი ცხოვრობდა.

2000 წელთან შედარებით, 2010 წელს რუსეთში მცხოვრებ ქართველთა რაოდენობა 630 000-დან 440 000-მდე შემცირდა. საქართველოში კი რუსეთში დაბადებული მიგრანტების რიცხვი დაახლოებით ორი მესამედით შემცირდა.

რუსეთი ლიდერობს საქართველოში მცხოვრები იმიგრანტების რაოდენობითაც: 2017 წლისთვის საქართველოში 40 000-მდე ის ადამიანი ცხოვრობდა, რომელიც რუსეთის ფედერაციაში დაიბადა. შემდეგ ლიდერობენ სომხეთსა და უკრაინაში დაბადებული მოქალაქეები (10 000 თითოეული). 1000-დან 10 000-მდე იმიგრანტია საქართველოში აზერბაიჯანიდან, ყაზახეთიდან და ბელორუსიდან. შედარებით ნაკლები, ათას მცხოვრებზე ცოტაა საქართველოში შემდეგ ქვეყნებში დაბადებულ მოქალაქეთა რიცხვი: გერმანია, მოლდოვა, თურქეთი, ყირგიზეთი, ბულგარეთი, რუმინეთი, ლიტვა, ლატვია, თურქმენეთი, პოლონეთი, საბერძნეთი, ტაჯიკეთი, ესტონეთი, ირანი, ამერიკა, პაკისტანი, ჩინეთი, უნგრეთი, ავღანეთი, საფრანგეთი, ჩეხეთი, გაერთიანებული სამეფო, ინდოეთი, ისრაელი, მონღოლეთი, ავსტრია, ბელგია და სხვები.

ამ მხრივ, 1990 წელთან შედარებით მონაცემები მნიშვნელოვნად განსხვავდება - 28 წლის წინ საქართველოში ცხოვრობდა რუსეთში დაბადებული 150 ათასამდე ადამიანი, შემდეგი იყო უკრაინა - 50 000 მოქალაქით და ყაზახეთი - 20 000 ადამიანით. რუსი მიგრანტების რიცხვი 10 წლის შემდეგ, 2000 წლისთვის 150-დან 40 ათასამდე შემცირდა.

მონაცემები არ ეყრდნობა მიგრაციის ყოველწლიურ მონაცემებს თითოეული ქვეყნისთვის. გაანალიზებულია ე.წ. „კუმულაციური“ მონაცემები 1990, 2000, 2010 და 2017 წლებისთვის.

შესაბამისად კვლევა მოიცავს 1990-2017 წლების პერიოდს და აჩვენებს რომელ ქვეყნებში მიდიოდნენ საცხოვრებლად კონკრეტული ქვეყნების მოქალაქეები, როგორ იცვლებოდა მათი რაოდენობა სხვადასხვა ქვეყანაში ამ ოთხი სხვადასხვა წლისთვის, თითქმის 30 წლის განმავლობაში.

„გაერთიანებული ერების ორგანიზაციის“ მოსახლეობის დეპარტამენტის განმარტებით, „საერთაშორისო მიგრანტი“ არის ადამიანი, რომელიც ერთი წლის ან მეტი ხნის განმავლობაში ცხოვრობდა სხვა ქვეყანაში და არა იქ, სადაც დაიბადა.

www.imedinews.ge




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია