Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » საინტერესო ბმულები » ქართველი ექიმების რეკომენდაციები მათ, ვისაც მოწევისთვის თავის დანებება სურს

ქართველი ექიმების რეკომენდაციები მათ, ვისაც მოწევისთვის თავის დანებება სურს

თარიღი: 4-02-2018, 16:05,
2015 წელს სასუნთქი გზების ქრონიკული ავადმყოფობების ჯგუფში ფილტვის ქრონიკულ ოსტრუქციულ ავადმყოფობებზე 70,1% მოდიოდა. ამის შესახებ საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრი იტყობინება. ფილტვის ქრონიკული ობსტრუქციული ავადმყოფობის ძირითად მიზეზს კი თამბაქოს კვამლი (პასიური მოხმარების ჩათვლით) წარმოადგენს.

შესაძლოა, ამ ინფორმაციას ფლობთ ან იცით, რომ მოწევა კლავს და გსურთ, რომ თამბაქოს მოხმარებას თავი დაანებოთ, თუმცა მოთხოვნილება და ჩვევა ამის საშუალებას არ გაძლევთ.

თამბაქოს მოხმარებისთვის თავის დანებებაში, შესაძლოა, თერაპევტისა და ალერგოლოგის რჩევები დაგეხმაროთ და უფრო ღრმად დაგარწმუნოთ იმაში, რომ მოწევა ავადმყოფობის რისკს ზრდის.

უსაფრთხოა თუ არა ჯანმრთელობისთვის ელექტრო სიგარეტი

ალერგოლოგ ქეთევან ომიაძის თქმით, თამბაქო ავადობისა და სიკვდილობის წამყვანი გამომწვევია, როგორც აქტიური, ისე პასიური მოხმარების შემთხვევებში. მისი განმარტებით, როგორც აქტიური, ისე პასიური მოხმარება, მსოფლიოს მასშტაბით, ყოველწლიურად, ნაადრევი სიკვდილის 600 000-ზე მეტ შემთხვევას იწვევს.

"თამბაქო მავნებელია ზოგადად, ჯანმრთელობისთვის, არამხოლოდ სასუნთქი სისტემისთვის. ის 7 000-ზე მეტ ქიმიურ ნივთიერებას შეიცავს, რომელთა შორისაც, დადასტურებულია, რომ სულ ცოტა 250 მავნებელია, ხოლო სულ ცოტა 69 კიბოს იწვევს. არსებობს მოსაზრება, რომ კუპრის დაბალი შემცველობით, ნაკლებ ზიანს ვაყენებთ საკუთარ თავს, მაგრამ ეს ასე არ არის. არ არსებობს უსაფრთხო სიგარეტი, თამბაქო თავის საზიანო მოქმედებას ყველა შემთხვევაში ავრცელებს. იგივე ეხება მცირე რაოდენობით, თუნდაც დღეში სამი ღერის ოდენობით თამბაქოს მოხმარებას. ის სამი ღერიც, შესაძლოა, გულსისხლძარღვთა სისტემის პათოლოგიის მიზეზი გახდეს," - განმარტავს მედიკოსი.

რა შედეგები მოაქვს არასრულწლოვნების მიერ თამბაქოს მოხმარებას

ქეთევან ომიაძის თქმით, თამბაქოს მავნებლობის გამოვლენა, მოხმარებისას, გრძელვადიან პერსპექტივაში არ ხდება და ჯანმრთელობის პრობლემებს მხოლოდ მოხუცების შემთხვევაში არ ქმნის, - "თუ კარგად დავაკვირდებით, ახალგაზრდებში არის პრობლემები, რომელიც უკავშირდება თამბაქოს - ხველა, ქოშინი, ადვილად დაღლა, კანის ნაადრევი დაბერება, ყნოსვისა და გემოს დაკარგვა..."- აღნიშნავს ის.

იმისათვის, რომ აღნიშნული პრობლემების წინაშე არ აღმოჩნდეთ, თერაპევტ სოფო ჩხეიძის თქმით, თამბაქოსთვის თავის დანებების ძლიერი სურვილია საჭირო და შემდეგ იმ გარემოებების თავიდან აცილება, რომელიც ხელს თამბაქოს მოხმარების დაწყებას უწყობს.

მისი თქმით, თუ მოწევისთვის თავის დანებება გვსურს, ამისთვის, პირად ექიმს უნდა მივაკითხოთ და მისგან რეკომენდაციები მივიღოთ. რაც შეეხება რჩევებს, - "კარგ შედეგს იძლევა ფიზიკური აქტივობა, სპორტით დაკავება, იქნება ეს ტრენაჟორები, აერობიკა თუ ცურვა. ასევე შედეგიანია სუნთქვითი ვარჯიშები. როდესაც თამბაქოს სურვილის მოძალების პერიოდი დადგება და კვლავ მოწევა მოგინდებათ, ამ შემთხვევაში საჭიროა ტრენინგებზე მისვლა, რათა სპეციალური ვარჯიშები ჩაიტაროთ, რომელიც დიდ დახმარებას გაგიწევთ და იმ მომენტში კონცენტრირებაში დაგეხმარებათ,"- გვირჩევს თერაპევტი.

სოფო ჩხეიძე ასევე განმარტავს, რომ მნიშვნელოვანია, არამწეველ გარემოში ვიტრიალოთ, სადაც თამბაქოს ნაკლებად მოიხმარენ.

მოწევისთვის თავის დანებების საშუალებად კი, მედიკოსი ელექტროსიგარეტს არ მიიჩნევს, რადგან, მისი თქმით, ის ისეთივე საზიანოა, როგორც თამბაქოს მოხმარება, - "ელექტროსიგარეტს უფრო ძლიერი მავნებლობა აქვს, რადგან მასში უფრო მეტი მავნებელი ნივთიერებაა აღმოჩენილი, ვიდრე თამბაქოში. თამბაქოსთვის თავის დანებებისთვის განკუთვნილი აბების რეალიზება ჩვენს ქვეყანაში ხდება, თუმცა ეს აბები, სახელად "ტაბექსი," საქართველოში აქტიურად მოხმარებადი არ არის. თუ ერთმანეთს შევადარებთ თამბაქოს მოხმარებას, ელექტროსიგარეტის გამოყენებას თუ საღეჭი აბების გამოყენებას, შედარებით უკეთესი საღეჭი აბებია," - განმარტავს ის.

საქართველოში არ არსებობს სტატისტიკა, თუ კონკრეტულად რამდენი ადამიანი იღუპება მოწევისგან ყოველწლიურად, თუმცა, მხოლოდ აშშ-ის მაგალითს რომ შევხედოთ, სურათი ნათლად წარმოგვიდგება. "აშშ-ის ფილტვის კიბოსთან ბრძოლის ასოციაციის" ინფორმაციით, ქვეყანაში თამბაქოს მოხმარებისგან ყოველწლიურად 480 000 ადამიანი კვდება.

მოწევა კლავს, მოწევა იწვევს ნაადრევ დაბერებას.

www.allnews.ge




კომენტარები




მსგავსი სიახლეები:
  • პარლამენტმა სიგარეტის, ჩილიმის და ელექტრონული სიგარეტის ყველა დახურულ სივრც ...
  • ქუჩაში თამბაქოს მოწევა არ იკრძალება, ტაქსებში კი ამის შესაძლებლობა აღარ იქნ ...
  • შენობებში თამბაქოს მოწევის აკრძალვას თბილისში მცხოვრებთა 26% ემხრობა
  • მეცნიერები: ყოველი მეათე ადამიანი მოწევისგან კვდება
  • ფილმებში მოწევის კადრები შეიძლება დაფარონ

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია