Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » საინტერესო ბმულები » „უცხოელები გვეკითხებიან, - მთელი ერი ავად ხართ, თუ რა გჭირთო?!“- რატომ არის ქიმიოთერაპია „ძვირადღირებული სიკვდილი“ და რა ძალა აქვს სტრუქტურირებულ წყალს?

„უცხოელები გვეკითხებიან, - მთელი ერი ავად ხართ, თუ რა გჭირთო?!“- რატომ არის ქიმიოთერაპია „ძვირადღირებული სიკვდილი“ და რა ძალა აქვს სტრუქტურირებულ წყალს?

თარიღი: 29-03-2017, 16:02,
ზურაბ ქუმსიაშვილის მკურნალობის არატრადიციული მეთოდები და საკუთარ თავზე ჩატარებული ექსპერიმენტის შედეგები.

რამდენიმე წლის წინ პანკრეასის სიმსივნე დაუდგინდა. ოპერაცია მოსკოვში გაიკეთა, თუმცა ძვირადღირებული წამლებით შემდგომ მკურნალობაზე უარი განაცხადა. პროფესიით ექიმს ქიმიოთერაპიის გვერდითი მოვლენების არსი კარგად ესმოდა, ამიტომ მკურნალობის ალტერნატიული გზის ძიება დაიწყო. გზამ სტრუქტურირებული წყლის ეფექტურობამდე მიიყვანა. აღმოჩენილი მეთოდი ჯერ საკუთარ თავზე დატესტა, შემდეგ კი ახლობლების მკურნალობაც დაიწყო. ახლა ცდილობს, ის მთელ საქართველოში დანერგოს.


ტრადიციული მედიცინისა და ფარმაცევტული ბიზნესის ფონზე, ალტერნატიული მეთოდოლოგიის მართებულობასა და ეფექტურობაში საზოგადოების დარწმუნება არც ისე მარტივი საქმეა. დაავადებულები ამ გზაზე მხოლოდ მაშინ დგებიან, როდესაც ყველანაირი იმედი გადაწურული აქვთ. არადა, როგორც პროფესორი ზურაბ ქუმსიაშვილი ამტკიცებს, მეთოდი, რომელსაც ის თავის პაციენტებს სთავაზობს, ამ საშინელი დაავადების მკურნალობისთვის ყველაზე უსაფრთხო და ეფექტური ხერხია.

ცნობისთვის, არატრადიციული მედიცინა სამედიცინო საიტებზე განმარტებულია, როგორც დაავადების მკურნალობის (ან თავიდან აცილების) მეთოდების ერთობლიობა, რომელთა ეფექტურობა და უსაფრთხოობა მეცნიერულად დადასტურებული არაა. არატრადიციულ მედიცინას ალტერნატიულადაც მოიხსენიებენ, თუკი მას პაციენტი აღიარებული მედიცინის ნაცვლად მიმართავს. თუმცა პროფესორი ზურაბ ქუმსიაშვილი ამტკიცებს, რომ არატრადიციული მკურნალობის მეთოდები, უმეტეს შემთხვევაში, ტრადიციულზე ბევრად მაღლა დგას.

ზურაბ ქუმსიაშვილი: თანამედროვე მედიცინა უამრავ საკითხთან დაკავშირებით ცდება. ანალოგიურია ონკოლოგიური პაციენტების შემთხვევაც. ვიცით, რომ მათ ქიმიო და სხივური თერაპიით მკურნალობენ, მე კი ამის კატეგორიული წინააღმდეგი ვარ. უამრავი მაგალითია ამ თერაპიების გარეშე პაციენტების განკურნების და უამრავი მაგალითია ქიმიოთერაპიით და სხივური თერაპიით ადამიანის დაღუპვის. ანუ ეს ის შემთხვევაა, როდესაც პაციენტი იღუპება არა ონკოლოგიური დაავადებისგან, არამედ იმ ვაი მკურნალობისგან, რასაც ტრადიციული ონკოლოგია აკეთებს. ამას ონკოლოგებს პირდაპირ ვეუბნები და ფაქტებიც მომყავს დასტურად.

რატომ არის, რომ თუ სტომატოლოგს ან თერაპევტს გარდაეცვლება პაციენტი, იმას დასჯიან, ონკოლოგს კი - არა?! ის ექიმი არაა და არ მკურნალობს?

უბრალოდ, აქ ძალიან დიდი ინდუსტრიაა, წამლების ძალიან დიდი მაფიაა, ხოლო ეს მიმართულება მისი გასაღების ბაზარია...

ქიმიოთერაპიული პრეპარატები თავიდან მოიგონეს არა ონკოლოგიისთვის, არამედ ვენერიული დაავადებისთვის, შემდეგ პაციენტები რომ ეღუპებოდათ, ონკოლოგიაში გადაიტანეს - იქ, სადაც ისედაც იღუპებიან ადამიანები და გასასამართლებელიც აღარაფერი ჰქონდათ შესაბამისად.

ჩემს პაციენტებს ყოველთვის ვუშლი ქიმიოთერაპიას. როდესაც მიჯერებენ, უკეთეს შედეგს იღებენ. გარანტიას ვაძლევ ნებისმიერს, თუ ჩემი მეთოდებით იმკურნალებენ, სიცოცხლე გაუხანგრძლივდებათ და უკეთესად, ანუ უფრო ხარისხიანად იცხოვრებენ. ხშირ შემთხვევაში, სრული გამოჯანმრთელებაც მისაღწევია. მაგრამ თუ ქიმიოთერაპიას გამოიყენებენ, მაშინ ძალიან რთული იქნება შედეგის მიღება.

ზოგადად, ქიმიოთერაპიის დროს პაციენტს ძალიან ჯანმრთელი ორგანიზმი უნდა ჰქონდეს. სიმსივნურ უჯრედს ჩვენს სისხლში არსებული ლიმფოციტების გარკვეული ჯგუფი კლავს და არანაირად - ქიმიოთერაპია. თუ ქიმიოთერაპია მოკლავს სიმსივნურ უჯრედს, ჯერ სხვა უჯრედები უნდა გაანადგუროს და მერე სიმსივნური, იმიტომ, რომ ის გაცილებით სიცოცხლისუნარიანია.

- და რაში მდგომარეობს თქვენი მეთოდოლოგია?

- მე ვიყენებ სტრუქტურირებულ წყალს, რომელსაც ვაწარმოებ საქართველოში. ეს დავნერგე პელსივანიის უნივერსიტეტიდან, დოქტორ რუსტუმ როის განყოფილებიდან, შემდეგ ჩემი ცოდნა და გამოცდილებაც დავუმატე. ასევე გვაქვს სტრუქტურირებული მალამოები, სპეციალურ ფუნქციურ დიეტასაც ვუნიშნავთ. გვყავს ისეთი პაციენტები, რომლებიც ქიმიოთერაპიასაც იტარებენ და ჩვენი მკურნალობის მეთოდსაც იყენებენ პარალელურად. ასეთ დროს ის გვერდითი მოვლენები, რომლებიც აწუხებთ ქიმიოთერაპიის დროს, ან ნაკლებად გამოხატულია, ან საერთოდ არაა გამოხატული. შესაბამისად, გამოჯანმრთებელის პროცესი უკეთესად მიმდინარეობს.

-ანუ თქვენ ამბობთ, რომ მკურნალობის ორივე მეთოდის გამოყენება შეიძლება ასეთი დაავადების შემთხვევაში? და ეს ერთმანეთს ხელს არ შეუშლის?

- დიახ, დასაშვებია, მაგრამ ნაკლებად ეფექტური… არანაირად არ არის სასურველი. გვყოლია ერთნაირი დიაგნოზის მქონე პაციენტები, ერთი იყენებდა ქიმიოთერაპიას, მეორე მხოლოდ ჩვენს მეთოდებს. ასეთ შემთხვევაში, განსაკუთრებულად საგრძნობი იყო განსხვავება. ერთის მდგომარეობა არ იყო სახარბიელო, მეორე კი ჩვეულებრივად ცხოვრობდა.

- აქ ერთი ფაქტორიცაა გასათვალისწინებელი. ქიმიოთერაპია ფინანსდება სახელმწიფოს მიერ, თქვენთან მკურნალობის ხარჯებს კი, სავარაუდოდ, სახელმწიფო არ დააფინანსებს.

- კი, ქიმიოთერაპია ფინანსდება და ადამიანებს ჰქონიათ, რომ რადგან ეს მათთვის უფასოა (თუმცა სინამდვილეში ძალიან ძვირია და ხარჯებს სახელმწიფო ფარავს), ამიტომ არის კარგი. მე ამას ძვირადღირებულ სიკვდილს ვეძახი. ისეც ხდება, რომ დიაგნოზია არასწორად დასმული და მკურნალობაც, შესაბამისად, არასწორად დანიშნული. მაგალითად, ერთხელ ჩვენთან მოვიდა პაციენტი, რომელსაც ჯერ დიაგნოზი არ ჰქონდა დასმული, მაგრამ უკვე ქიმიოთერაპია ჰქონდა დანიშნული. ასევე სიმსივნის დიაგნოზის მქონე პაციენტების უმრავლესობას ქიმიოთერაპიის შედეგად, დაუმძიმდათ სიცოცხლის დარჩენილი ნაწილი, ანუ რაც ჰქონდათ, ისიც შეუმოკლდათ და არა სიმსივნისგან, არამედ ქიმიოთერაპიისგან გარდაიცვალნენ.

მე თვითონ, დაახლოებით, 20 წლის წინ მქონდა პანკრეასის სიმსივნე, რომლის ოპერაციაც გავიკეთე მოსკოვში, ვიშნევსკის კლინიკაში. ძლიერმოქმედი წამლებით რომ დამეწყო მკურნალობა, ვიცოდი, რაც დამემართებოდა, იმიტომ, რომ მე თვითონ ვარ ექიმი, ამიტომ ალტერნატიული გზების ძიება დავიწყე. სპეციალური დიეტები, ვარჯიშები და ა.შ. ამ დროს მივაგენი წყლის სტრუქტუირების საკითხებს. ჩვენი ორგანიზმის 80 პროცენტი ხომ წყალია?! ამიტომ რაც უფრო ხარისხიანი იქნება წყალი, მით უფრო უკეთესად იმუშავებს ორგანიზმი. შემდეგ გავხდი დაივერიც, ბაიკერიც, დავიწყე საქართველოს ალპებში სიარული, ვეძებდი ისეთ წყალს, რომელიც ადვილად სტრუქტურირდება. მივაგენი კიდეც სამსარის ქედზე, ეს არის დიდი აბულის მთასთან არსებული ქედი, ფარავნის ტბის ზედა მხარე, იქ არის მცირე არტეზიული ტბები, რომელშიც არ ჩაედინება მდინარე და იკვებება მიწიდან ამომავალი არტეზიული წყლებით. ჩავდივართ ამ ტბებში, ვყვინთავთ, ნაპრალებს სპეციალურ მოწყობილობას ვუერთებთ, საიდანაც დიდი წნევით ამოდის წყალი. შემდეგ ის სპეციალური კასრებით ჩამოგვაქვს და უკვე სპეციალურ აპარატურაში ხდება ამ წყლის მოლეკურული სტრუქტურის, ანუ კლასტერების იმგვარად სტრუქტურირება, როგორიცაა, მაგალითად, ჩვილი, თოთო ბავშვის სისხლის წყალში. ვამცირებთ წყლის ზედაპირულ დაჭიმულობას, ვუცვლით პოტენციალს, იმიტომ, რომ ყველა წყალს აქვს სუსტი დადებითი პოტენციალი და ორგანიზმი მიღების დროს ახდენს ამის გადამუხტვას, სუსტის უარყოფითისკენ, ვაცლით ასევე მძიმე წყალს და ა.შ.

თავიდან დავიწყეთ მუშაობა ცხოველებზე, საექსპერიმენტო თეთრ თაგვებზე და მივიღეთ ძალიან კარგი შედეგები.

შემდეგ ყველაფერი ჯერ საკუთარ თავზე, მერე ახლობლებზე გამოვცადე, შედეგი რომ კარგი იყო, დავიწყეთ სხვა ადამიანების მკურნალობაც. ეს მიმართულება ჩაჯდა არატრადიციული მედიცინის დარგში.

ეს წყალი არ არის განკუთვნილი მხოლოდ პაციენტებისთვის, მას ნებისმიერი ადამიანი დალევს, დალევენ სპორტსმენებიც… კიდევ გვაქვს ტექნოლოგიები, რომლითაც შეგვიძლია, ყოველგვარი დოპინგის გარეშე გავაძლიეროთ ნებისმიერი ადამიანის ორგანიზმი...

დავნერგეთ ორგონული კაბინებით მკურნალობა, რაც სერიოზულ დადებით შედეგებს იძლევა უამრავი დაავადების შემთხვევაში.

- ამ ყველაფრის შესახებ თუ აქვთ ინფორმაცია სახელმწიფო სტრუქტურებს?

- რა თქმა უნდა, არაერთი წერილი მივწერეთ, მაგრამ ტრადიციული მედიცინა ისეთ რელსებზე დგას, რომ იქიდან გადახვევა მათთვის ძალიან რთული იქნება. ამხელა წამლის ინდუსტრიაა…

ჩვენთან ჩამოდიან სტუმრები და ვერ მალავენ განცვიფრებას, იმდენი აფთიაქია ამ პატარა ქალაქში, რომ... და ყველგან რიგებია... უამრავი საავადმყოფოა და აქაც რიგებია... პირდაპირ გვეუბნებიან, მთელი ერი ავად ხართ, თუ რა გჭირთო. ეს არის ხელოვნურად შექმნილი პრობლემა. წამლების 50 პროცენტი, რაც იყიდება, საერთოდ არ მოქმედებს ორგანიზმზე, ხოლო დარჩენილი 50 პროცენტიდან დიდი ნაწილი იმ საქმეს არ აკეთებს, რაც უწერია ინსტრუქციაში. არ ვიცი მსოფლიოში არცერთი ქვეყანა, ანალოგიურად რომ მოიხმარდეს ამ რაოდნეობის მედიკამენტებს, როგორც ამას საქართველო აკეთებს.

- ამბობენ, ექიმები წამლებს გარკვეული საზღაურის საფასურადაც ნიშნავენო…

- დიახ, მეც მსმენია ამის შესახებ... აქ მთელი სისტემაა შექმნილი, რომელიც ამ მიმართულებით მუშაობს. გარდა ამისა, მედიკამენტების ფასიც ძალიან გაზრდილია. იყიდება არა იმ რეალური მოგებით, რითაც უნდა იყიდებოდეს, არამედ, 400-800-1500%-იანი ფასნამატით… ეს დაუშვებელია... ექიმები გახდნენ წამლების გამსაღებლები და ამაში უამრავ ბონუსს იღებენ თანხის და საზღვარგარეთ დასვენების სახით ფარმაცევტული კომპანიების ხარჯზე.

- დავუშვათ, არატრადიციული მედიცინა უშლის ხელს ტრადიციულს, აგდებს ფარმაცევტულ ბიზნესს და ა.შ. მაგრამ თქვენ ხომ წყლის წარმოებაზე საუბრობთ? ეს რატომ უნდა იყოს პრობლემატური და წინააღმდეგობრივი?

-არა, წინააღმდეგობრივი არაა, წყლის გამოშვებაც არაა პრობლემა, უბრალოდ, ამას დაფინანსება სჭრიდება. ეს ან ბიზნესმენმა უნდა აიღოს საკუთარ თავზე, ან სახელმწიფომ. სახელმწიფო არ დააფინანსებს… რაც შეეხება ბიზნესმენს, ამ მიმართულებით ჯერ კიდევ ვმუშაობთ. ბიზნესგეგმა არსებობს, არსებობს პროგრამა მინიმუმი და პროგრამა მაქსიმუმი. ნებისმიერმა რომ შეხედოს, ნახავს, რომ ძალიან დიდ მოგებაზეა საუბარი. ეს ძალიან კარგი საქმეა. იმ მიმართულებასა და მეთოდებში, რაც დავნერგეთ და რომელსაც ვაკეთებთ საქართველოში, პრაქტიკულად, სულ ჩვენი ფინანსები დაიხარჯა, არავის დავუფინანსებივართ. უკუგებაც არის, მაგრამ რაც ჩავდეთ, ის უკვე ამოვიღეთ-მეთქი, ვერ ვიტყვი ჯერ. მეტ მოგებას მეტი ფინანსური რესურსის ინტეგრირება სჭირდება.

სხვა ხელისშემშლელი ფაქტორებიც არსებობს, მაგალითად, კვლევების წარმოების მიმართულებით. მეცნიერება ბოლო წლებში საერთოდ განადგურდა, თითო საექსპერიმენტო თაგვში 25 დოლარის გადახდა მიწევს. ერთ ექსპერიმენტს კი რამდენიმე ათეული თაგვი შეიძლება დასჭირდეს. ეს ყველაფერი ხელმისაწვდომი იყო, სანამ საბჭოთა კავშირი დაინგრეოდა, მეცნიერებს უფასოდ ჰქონდათ ლაბორატორიაც და ის საშუალებებიც, რომელიც სხვადასხვა ექსპერიმენტებისა და მიმართულების გასავითარებლად სჭირდებოდათ.

- განათლება ტრადიციული მედიცინის კუთხით გაქვთ მიღებული და მაინც არატრადიციული მედიცინა აირჩიეთ საასპარეზოდ. რატომ შეეჭიდეთ ასეთ პრობლემატურ სფეროს?

- ეს წმინდა ენთუზიაზმია, იმიტომ, რომ ჩემს თავზე გამოვცადე… შემდეგ მინდოდა, სხვებსაც გამოეცადათ. არატრადიციული მეთოდებით პაციენტების განკურნება ძალიან დადებით ემოციებსაც იწვევს და კარგი საქმეც არის. გააჩნია პაციენტი რა დონეზე დაგვიჯერებს და რომელ ეტაპზე მოვა ჩვენთან. ბევრია ისეთიც, ვინც ჯერ იტარებს ქიმიოთერაპიის სრულ კურსს, იმძიმებს ორგანიზმს და მერე გვივრეკავს, - წყალწაღებული ხავსს ეჭიდებოდაო და აი, დაგირეკეთო. ასეთი მიდგომაც არასწორია. დროულად თუ მოვა პაციენტი, შედეგიც უკეთესი იქნება.

www.sazogadoeba.ge




კომენტარები




მსგავსი სიახლეები:
  • ერთ თვეში თქვენს ორგანიზმს ვერ იცნობთ, იაპონური მედიცინა, რომელიც სასწაულებ ...
  • 2017 წელს ისრაელი კიბოს საწინააღმდეგო ვაქცინას უშვებს - მსოფლიო გამარჯვებას ...
  • მკერდის კიბოს ზოგიერთი ფორმა შესაძლოა, 11 დღეში განიკურნოს
  • მეცნიერებმა დაადგინეს, თუ რატომ ვერ ანადგურებს სიმსივნეს ქიმიოთერაპია
  • ქიმიოთერაპია არის დიდი ფული, ის არ ანადგურებს კიბოს უჯრედებს, არც ცხოვრებას ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია