Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ჰქონდათ თუ არა რომანი ნინა სუბლატსა და ბერა ივანიშვილს

ჰქონდათ თუ არა რომანი ნინა სუბლატსა და ბერა ივანიშვილს

თარიღი: 15-06-2013, 10:20,
ნინა სუბლატი პროექტში "საქართველოს ვარსკვლავი" ამბიციური გეგმებით მივიდა – სურს, ქართულ შოუბიზნესში რაღაც ახალი შეიტანოს, მაყურებელი გააოცოს. ერთ–ერთ ტურში სცენაზე მისი თამამი ჩაცმულობა ვულგარულობის ზღვარზე იყო (თუმცა ამ ზღვარს არ გადასცდენია). ეგონა, ამის გამო მძაფრ კრიტიკას დაიმსახურებდა, მაგრამ მაყურებელმა ამ იმიჯითაც მიიღო და ქებაც არ დაიშურა. 
სუბლატი ნინას ფსევდონიმია, ჯერჯერობით თავის გვარს არ ამხელს, მხოლოდ იმას ამბობს, რომ დედაც ქართველი ჰყავს და მამაც. 18 წლის კონკურსანტი ბერა ივანიშვილის სტუდიის მოსწავლეა და ერთი პერიოდი პრემიერის ვაჟთან საკმაოდ ახლო ურთიერთობაც ჰქონდა, თუმცა ამაზე ქვემოთ. ახლა ნინა შეყვარებულია და ინტერვიუზე თავის გულისსწორთან ერთად მოვიდა. 
– ნინა, პირველ რიგში, თქვენი ოჯახი გაგვაცანით. 
– დედა და მამა გაშორებულები არიან. მამის მხრიდან და–ძმა მყავს. მამასთან ძალიან კარგი ურთიერთობა მაქვს. ვცხოვრობ დედასთან და ბებოსთან. დედა ერთ–ერთ მობილურ კომპანიაში ბიზნესადმინისტრატორად მუშაობს. მამა ფარმაცევტული კომპანიის მენეჯერია. 
– სუბლატი რატომ შეარჩიეთ ფსევდონიმად? 
– 8–9 წლის ვიყავი, როცა ეს მეტსახელი მოვიგონე. თავიდან ალბათ რაღაც შინაარსი ჰქონდა, რომელიც დღეს აღარ მახსოვს. იმის მერე ყველა ამ მეტსახელით მომმართავს. 
– როდის აღმოაჩინეთ, რომ სიმღერის ნიჭი გქონდათ? 
– პატარაობიდანვე ვმღერი. მასწავლებლებთან არ მივლია. მამა ამის კატეგორიული წინააღმდეგი იყო, რადგან თვლიდა, რომ ინდივიდუალიზმს დავკარგავდი. დღეს მას ამის გამო ვემადლიერები. თვითნასწავლი მომღერალი ვარ. 

– ბერა ივანიშვილის სტუდიაში ხომ დადიოდით? 
– კი. ერთი წლის წინ ბერამ სიმღერის შემსწავლელი კურსი გახსნა, კასტინგი გამოაცხადა და შვიდი კონკურსანტი შეარჩია. მასტერკლასს უცხოელი პედაგოგები გვიტარებდნენ, გვასწავლიდნენ ქორეოგრაფიას, სცენიდან მაყურებელთან კონტაქტს და ა.შ. 
– თუ ასეთი პედაგოგები გასწავლიდნენ, თვითნასწავლი აღარ გამოდიხართ. 
– თუ ამ ერთწლიან კურსს არ ჩავთვლით, თვითნასწავლი ვარ. 
– ამ ერთი წლის განმავლობაში ბერასთან როგორი ურთიერთობა გქონდათ? 
– ძალიან მეგობრული ადამიანია. ხშირად მოდიოდა ჩვენთან და მონაწილეებს რჩევებს გვაძლევდა. კონკრეტულ რჩევას ვერ გავიხსენებ, რადგან ასეთი ბევრი იყო. 
– ამბობენ, რომ თქვენ შორის რომანიც იყო. 
– ეს მეც გავიგე, როცა "საქართველოს ვარსკვლავში" გამოვჩნდი. ბერასთან მხოლოდ კარგი, მეგობრული ურთიერთობა მქონდა. 
– დღეს როგორი დამოკიდებულება გაქვთ მასთან? 
– დღეს აღარ გვაქვს კონტაქტი, მაგრამ ვიცი, სადმე რომ ვნახო, აუცილებლად თბილად შევხვდებით ერთმანეთს. 
– თუ იცით, უყურებს ბერა თქვენს გამოსვლებს? 
– არ ვიცი. ალბათ უყურებს, რადგან ძალიან ვუყვარდით, როცა მასთან ვიყავით და, შესაბამისად, ისე გამოდის, რომ მისი გაზრდილები ვართ. ძალიან მაინტერესებს, თუ გვიყურებს, მისი შეფასება როგორია. 
– რატომ გადაწყვიტეთ ამ კონკურსში მონაწილეობა და არა, ვთქვათ, სხვა კონკურსებში სხვა არხებზე? 
– "საქართველოს ვარსკვლავი" უფრო დიდი პროექტია, მეტი ხალხი უყურებს, დიდ დარბაზშია კონცერტი და მეტ გამოცდილებას ვიღებ. თან მარიკო ლეჟავა ჩემი კლასელია და კონკურსში ყოფნა მასთან ერთად უფრო მსურდა. ყოველთვის მინდოდა რომელიმე დიდ პროექტში მონაწილეობა, მაგრამ არა – მოუმზადებლად გასვლა. ადრე ასაკიც არ მიწყობდა ხელს. 18 წლის რომ გავხდი, ვიფიქრე, დადგა დრო, როცა შემეძლო ქართულ სცენაზე რაღაც შემეცვალა. არ მინდოდა, მხოლოდ მორიგი კონკურსანტი ვყოფილიყავი. 
– ჟიურის რომელი წევრისგან გრძნობთ განსაკუთრებულ მოწონებას? 
– მიშა მშვილდაძისგან და ეს მიხარია. მთელი კვირის განმავლობაში ძალიან ბევრს ვმუშაობ სცენაზე გასვლისთვის და ჟიურის კარგი კომენტარი სასიხარულოა. ჟიურის სამივე წევრის აზრი ჩემთვის ძალიან მნიშვნელოვანია. 
– წინა სეზონის გამარჯვებულს, ლუკა ზაქარიაძეს, იცნობთ? 
– კი, მას ძალიან ვგულშემატკივრობდი. ერთადერთი კონკურსანტი იყო, ვისაც ვურეკავდი, რომ ფინალში გასულიყო. ის ხშირად მოდის ჩვენთან, რეპეტიციებს ესწრება და რჩევებს გვაძლევს, რომ სცენაზე გასვლის წინ არ ვინერვიულოთ. 
– კონკურსანტებს შორის ძლიერი მეტოქეობა იგრძნობა? 
– არა, პირიქით, ძალიან ვმეგობრობთ, რეპეტიციების მერე ხშირად ვიკრიბებით, ერთმანეთს მხარში ვუდგავართ. 
– ნუკა გვალიას ერთ–ერთ ლიდერად მოიაზრებენ. გსურთ თუ არა, კონკურენცია მაინც იქნება. 
– ბევრს უნდა, რომ ჩვენ ერთმანეთს დაგვაპირისპირონ. სოციალურ ქსელში ხშირად წერენ, რომ კონფლიქტი გვაქვს. სინამდვილეში ფანტასტიკური ურთიერთობა გვაქვს. რა თქმა უნდა, ყველა ჩვენგანი გამარჯვებაზე ფიქრობს, მაგრამ ეს ხელს არ გვიშლის მეგობრობაში. თან მე მხოლოდ ტიტულისთვის არ ვარ ამ კონკურსში. მინდა, ქართულ შოუბიზნესში რამე შევცვალო. ვფიქრობ, უკვე გავაკეთე ისეთი რამ, რაც აქამდე არ ყოფილა. თუნდაც ის, რომ სხეულზე ბევრი ტატუ მაქვს, უკვე სიახლეა ქართულ სცენაზე. მკლავზე ჯვარი მაქვს ამოსვირინგებული და ამის გამო ბევრს ათეისტი ვგონივარ, ამ დროს კი პირიქითაა, ეს სვირინგი რწმენის გამო გავიკეთე. 
– ერთ–ერთ კონცერტზე საკმაოდ თამამი ჩაცმულობით, ბოდეში გამოწყობილი იყავით. თავად მიიღეთ გადაწყვეტილება, ასე ჩაგეცვათ? 
– დიზაინერი გვაცმევს, მაგრამ ჩვენი გემოვნების და სურვილის გათვალისწინებით. მინდოდა, თამამი სამოსი მცმოდა. მარიკო ლეჟავამ მომაწოდა იდეა, რომ ბოდე ჩამეცვა.
– კონცერტის შემდეგ რა შეფასება მიიღეთ მაყურებლისაგან ამ ჩაცმულობის გამო? 
– ძალიან ცუდ შეფასებას ველოდებოდი, მაგრამ მსგავსი არაფერი მომხდარა. ერთადერთი, რამდენიმე აზრი წავიკითხე სოციალურ ქსელში, რომ ისე მეცვა, შემდეგ კონცერტზე ალბათ სულ შიშველი გამოვიდოდი. ცუდი კომენტარები არ ყოფილა. მაყურებელმა სწორად მიიღო ის, რომ სცენაზე სხვანაირად უნდა გეცვას. 
მე თავისუფლად ვიზრდებოდი. არასდროს არაფერს მიშლიდნენ. ვიცი ადამიანის თავისუფლების ფასი. ერთადერთი, მამას არ უნდოდა, სახლში გვიან დავბრუნებულიყავი და ამას ვითვალისწინებდი. დედა ყოველთვის მენდობოდა. 
– მამა როგორ გაფასებთ დღეს, როცა სცენაზე გხედავთ? 
– დღეს ის სცენაზე მაფასებს, როგორც მომღერალს და არა – როგორც შვილს. ეს ძალიან მომწონს. მისი რჩევები მხოლოდ ჩემს ვოკალს თუ ეხება. გარეგნობასთან დაკავშირებით არ მოუცია შენიშვნა, რადგან იცის, რომ სცენაზე დგას არა მისი შვილი, არამედ – შემსრულებელი. შვილი სახლში ვარ. 
– ამ კონკურსმა პოპულარობა მოგიტანათ, მაგრამ ალბათ რაღაც დაგათმობინათ კიდეც. 
– ბევრ რამეს ვეღარ ვაკეთებ, მათ შორის – დღეში მილიონ სიმღერას ვეღარ ვმღერი, რადგან ხმას ვუფრთხილდები. ასევე ყურადღებას ვაქცევ სოციალურ ქსელში ჩემი აზრის დაფიქსირებას. ადრე თუ თამამი განცხადებებით გამოვირჩეოდი, ახლა ვაკონტროლებ, როგორ სტატუსს დავწერ. გარეგნობას კონკურსამდეც დიდ ყურადღებას ვაქცევდი, ამიტომ ამ მხრივ სიახლე არაფერია. 
– გარეგნულ იმიჯს თავად იქმნით? 
– კი. ხშირად ვიცვლი თმის ფერს. ბუნებრივად ქერა ვარ, მაგრამ ჩემი თავი შავ თმაში ყველზე მეტად მომწონს. 
– თქვენი შეყვარებული ვინ არის? 
– პიტო სეთურიძე, 19 წლის, მომავალი არქიტექტორი, სამხატვრო აკადემიაში სწავლობს.
ინტერვიუს პიტოც შემოუერთდა: 
– ნინა ერთი წლის წინ გავიცანი მეგობართან, წვეულებაზე. შორიდანვე შევამჩნიე. მერე გვერდით ჩამიარა და მისი სიარულის მანერა ძალიან მომეწონა. გავიცანი და ნელ–ნელა ჩვენი ურთიერთობაც დაიწყო. ერთნაირები ვართ. მეც მიყვარს ტატუები და განსხვავებული იმიჯი. ერთმანეთს ძალიან ვენდობით. 
– პიტო, მას მერე, რაც ნინა საზოგადოებამ გაიცნო, არ ეჭვიანობთ? 
– არა. მწერენ, ნახე, შენი შეყვარებული რა ფორმით გავიდა სცენაზეო. მე კი მომწონს ნინას ჩაცმულობა. ძალიან ლამაზი ფეხები აქვს. როცა მის ფოტოებზე წერენ, რომ მოსწონთ, მეამაყება, რადგან ეს გოგო ჩემ გვერდით დგას. 
– ოჯახის შექმნაზე ხომ არ ფიქრობთ? 
– არა, იმიტომ, რომ ჯერ ამისთვის პატარები ვართ. ამ ასაკში შექმნილი ოჯახები, როგორც წესი, მალე ინგრევა. ამიტომ მირჩევნია, შეყვარებულები ვიყოთ, თუნდაც რამდენიმე წელი და როცა ოჯახის შესაქმნელად ფინანსურად თუ მორალურად მზად ვიქნებით, დავქორწინდეთ. 
– ნინას ახლა თქვენი მხარდაჭერა ძალიან სჭირდება. რას აკეთებთ ამისთვის? 
პიტო: გარდა იმისა, რომ კონცერტებს ვესწრები და ვგულშემატკივრობ, ვცდილობ, დავეხმარო, სწორად გაიგოს მის მიმართ გამოთქმული ყველა აზრი. ნინა საკმაოდ ემოციურია და ხშირად იმაზე მეტი რეაქცია აქვს სხვადასხვა თემაზე, ვიდრე უნდა ჰქონდეს. 
ნინა: თანდათან შევეჩვევი, რომ ყველას აზრს ყურადღება არ მივაქციო. ჯერჯერობით მწყინს, თუ ვინმე თვლის, რომ ცუდად ვმღერი, რადგან დიდ შრომას ვდებ შედეგის მისაღებად და ჩემი თავის და მონაცემების ფასი კარგად ვიცი. კრიტიკის მიღება შემიძლია, მაგრამ არაკომპეტენტური აზრის – არა. 
მანანა ნოდია


წყარო





კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია