Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ,,ყველაზე მეტად ქეთის ზარს ველოდი... არც დამირეკა...“ - რატომ თქვა ჩცდ-ს დოჩიმ მამის გამო მსახიობობაზე უარი

,,ყველაზე მეტად ქეთის ზარს ველოდი... არც დამირეკა...“ - რატომ თქვა ჩცდ-ს დოჩიმ მამის გამო მსახიობობაზე უარი

„ამ სერიალმა მოკლე დროში ძალიან ბევრი რამ შეცვალა ჩემშიც და ჩემ ირგვლივაც, სულ კარგ განწყობაზე ვარ და სულ ტონუსში“ - ამბობს „ნიუპოსტთან“ „ჩემი ცოლის დაქალების“ დოჩი ალიშბაია. უკვე საკმაოდ პოპულარული გმირი, რომელიც ეკრანზე გამოჩენისთანავე მაყურებლის ფავორიტად იქცა და უამრავთა ქება დაიმსახურა.

„ლუნას მერე არ მეგონა ვინმე თუ გამაკვირვებდა ... საღოლ თქვენ“.... „დოჩიზე ვაფანატებ.... უამრავჯერ ვუყურე შეცხადების კადრს თმებს რომ იშლის“... „სუფთა მეგრული მიმიკები, სად იპოვეთ?“ - ამ სახის კომენტარებს ბლომად ამოიკითხავთ სოციალურ ქსელში.

წარმოშობით ზუგდიდელმა ნანუკა გულუამ, რომელიც თბილისში 16 წელზე მეტია ცხოვრობს, დოჩიმდე დიდი გზა გაიარა, სხვადასხვა პროფესია მოირგო და ბოლოს თავისი ადგილი გადასაღებ მოედანზე იპოვა.

მეგრული სახის სუპერ განმსახიერებელიც სხვა გმირების მსგავსად, სერიალის სცენარისტმა ქეთი დევდარიანმა აღმოაჩინა. მერე როლიც შესთავაზა და ცხოვრების ჩვეულებრივი დღეები არაჩვეულებრივად უქცია.

ნანუკა გულუა: „სერიალში გამოჩენისთანავე შეიცვალა გარე სამყარო, ყველა მცნობს, ყველას ვუყვარვარ, თუ აქამდე ვიწრო წრეში ვიყავი ცნობილი ჩემი კომიკური გამოსვლებით, ახლა უცხოები მხვდებიან და ღიმილით მესალმებიან... ეს ძალიან მაგარია... ბედნიერი ვარ ამით. არ ველოდი ... მართლა არ მეგონა, თუ ასეთი რამ მოხდებოდა.

-უცხო ადამიანები რას გეუბნებიან?

-ძირითადად მაქებენ ხოლმე, მეფერებიან, ხუმრობენ... ერთხელ სუპერმარკეტში რაღაცაზე ვიკითხე რა ღირს მეთქი და რას კითხულობ ფასს 100 000-ის მფლობელოო...

ჩემი გმირის სახელით ხშირად მომმართავენ - დოჩი გვიყვარხარო... რამდენიმე დღის წინ სადარბაზოსთან უცნობმა მამაკაცმა გამაჩერა და უამრავი კომპლიმენტით ამავსო - ათასი მადლობა დოჩი შენ მეგრელი ქალი რომ ასე კარგად წარმოაჩინეო...

ძირითადად სოციალურ ქსელში ვხვდები ადამიანების რეაქციას. ძალიან ბევრს მწერენ, აზიარებენ ჩემს ვიდეოებს, არის უამრავი დადებითი კომენტარი...

-ზუგდიდმა რაო?

-ჩემს ქალაქში უდიდესი სითბოთი და სიყვარულით დამხვდა ყველა. ამაყები და ბედნიერები იყვნენ. სამი დღით დავრჩი იქ და არ ეყოთ. ასე მგონია, ეს როლი ჩემს ახლობლებს კიდევ უფრო ახარებთ და აბედნიერებთ, ვიდრე მე... ძალიან თბილად დამხვდნენ.

,,ყველაზე მეტად ქეთის ზარს ველოდი... არც დამირეკა...“ - რატომ თქვა ჩცდ-ს დოჩიმ მამის გამო მსახიობობაზე უარი


-მამას როგორ მოსწონს შენს მიერ განსახიერებული დოჩი? მითხრეს მამის მიზეზით თქვა უარი მსახიობობაზეო, რას ამბობს ახლა?

- ბედნიერი, ძალიან ამაყია და ძალიან გახარებულია. სუბიექტური შეფასებით, ყველაზე ნიჭიერი და ყველაზე მაგარი ვყავარ...

ზოგადად ძალიან თავისუფლად გავიზარდე, არც პროვინციული, არც ქართული შეზღუდვები არ მქონია. ყოველთვის დამოუკიდებელი ვიყავი და მიზანი როცა მქონდა, რა უნდა ყოფილიყო, რომ არ მიმეღწია. ამ შემთხვევაში კი მე თვითონაც მერყევად ვიყავი, როგორც ჩანს გულით არ მინდოდა მსახიობობა.. ან ვერ ვაცნობიერებდი რეალურად მინდოდა თუ არა. ამიტომ როდესაც მამამ მირჩია, იქნებ სხვა რამ სცადოო, დავუჯერე... თუმცა, ეს რომ ჩემი აკვიატება ყოფილიყო, აუცილებლად გავიტანდი ჩემსას.

მერე და მერე უფრო დავრწმუნდი, რომ მსახიობობა ჩემი იყო. ვერ შევეშვი. ხშირად მიხდებოდა კომიკოსის თამაში და პაროდიების კეთება სამეგობრო წრეში... არადა პროფესიად ჟურნალისტიკა ავირჩიე... მერე პიარში ვიყავი ვერ მივიღე რაც მინდოდა, წლების მანძილზე ეიჩარად ვმუშაობდი, არც ის იყო ჩემი, ატელიეც ავამუშავე და საკმაოდ წარმატებულადაც, თუმცა მაინც ვერ ვიპოვე ჩემი თავი.

-როდის მიხვდი რომ იქ ხარ სადაც უნდა იყო?

-პირველივე გადაღებაზე... მიუხედავად იმისა რომ ძალიან ვნერვიულობდი, გადაღების პროცესში ჩავერთე თუ არა ეგრევე მივხვდი თუ როგორი ბედნიერია ადამიანი, როცა იმას აკეთებს რაც უნდა და როგორ შეიძლება, ყოველ დღე ამ დადებითი ემოციით იცხოვროს ... ეს მართლა უდიდესი სიამოვნებაა და მადლობა იმისთვის, რომ ეს შეგრძნება განვიცადე.

- არადა ბევრს პროფესიონალი მსახიობი ჰგონიხარ

- როცა მწერენ ან მეუბნებიან კარგი მსახიობი ხარო, რაღაცნაირი შეგრძნებაა. წლები სჭირდება ადამიანებს რომ ისწავლონ, დაიხვეწონ, და კარგი მსახიობები გახდნენ. ამიტომაც მეუხერხულება... თან ძალიან ბედნიერიც ვარ როდესაც ამ სიტყვებს მეუბნებიან. ძალიან მინდა ყველაფერი ისე დაინახონ ადამიანებმა, როგორც მე ვაკეთებ, ისე როგორც ჩემი ვიწრო წრის გახალისებისას ხდება.

- ქეთი დევდარიანმაც ამ ვიწრო წრის გახალისებისას ხომ არ აღმოგაჩინა?

-კი ასე იყო ნამდვილად, მე და ქეთიმ ერთმანეთი პირველად ჩემი მეგობრის დაბადების დღეზე ვნახეთ, იმ დღეს ჩემს მიერ გამოგონილი პერსონაჟებით იქ მყოფნი ძალიან ვახალისე, მაშინ ქეთის ვიზუალურად არ ვიცნობდი... მერე ყოველ დაბადების დღეზე ვხვდებოდით ერთმანეთს და დავმეგობრდით... ბოლოს გადაწყვიტა რომ ვყოფილიყავი სერიალის გმირი... ამან ცოტათი შემაშინა ...ეს იყო სფერო რომელთანაც არასოდეს მქონია შეხება... თან ასეთ პოპულარულ სერიალში თამაში ძალიან დიდი განაცხადიც იყო... ქეთიმ მითხრა ნახე და თუ არ გამოგივიდა არანაირი პრობლემა არ იქნებაო... ბოლოს სცენარი წავიკითხე და მივხვდი, რომ ძალიან მორგებული პერსონაჟი იყო, მერე ერთი წუთითაც კი აღარ მიფიქრია.

- ახლა რას გეუბნება ქეთი?

- სერიალი როდესაც გავიდა, არ მომწერა ქეთიმ, არც დამირეკა. არადა ყველაზე მეტად ქეთის ზარს ველოდებოდი. მისი სიტყვა ძალიან მნიშვნელოვანი იყომ ჩემთვის. ვიფიქრე არ მოეწონა და იმედები გავუცრუე მეთქი და დავურეკე.

აღმოჩნდა რომ გადატვირთული დღის გამო ნანახი არ ჰქონდა. როცა უყურა მითხრა - არ ინერვიულო, ძალიან კარგად გამოგივიდა, ვიხალისეო...

,,ყველაზე მეტად ქეთის ზარს ველოდი... არც დამირეკა...“ - რატომ თქვა ჩცდ-ს დოჩიმ მამის გამო მსახიობობაზე უარი


- დოჩი რეალურ ცხოვრებაში გათხოვილი არ არისო

-ჩვენი დოჩი რეალურ ცხოვრეშიც არის დოჩი. მიამიტი ნამდვილად არ ვარ. რომ ვთქვა, რომ სხვების ცხოვრებაში არ ვერევი მეთქი, არც ეს იქნება მართალი, ვგავართ ერთმანეთს...

და გაუთხოვრობა ამას დავაბრალოთ?

- რაღაცნაირად არ დამდგარა ამისი დრო, ასე მგონია. იმდენად კარგად ვარ და იმდენად ყველაფრისგან ბედნიერებას ვიღებ, რომ კონკრეტულად მიზნად არ დამისახავს გათხოვება. სხვათაშორის ამ სერიალის გასვლის შემდეგ, ერთი ორად მოიმატა ხელის მთხოვნელების რიცხვმა. და ახლა საგონებელში ვარ...

- შეყვარებული თუ ყოფილხარ?

- რაღაც პერიოდში როცა გატაცებული ვარ, მგონია, რომ ყველაზე შეყვარებული ადამიანი ვარ მსოფლიოში, ზოგადად ჩემი მეგობრები მეუბნებიან - ზუსტად ვიცით, ერთ თვერში შენ ეგ არ გემახსოვრებაო. ძალიან არასერიოზული ვარ ამ საკითხში. ვამბობ ამ მოკლე დროში არაზეციური სიყვარული მესტუმრა -მეთქი და ასევე მალე ქრება ეს გრძნობა. რომ ვთქვა სერიოზული გრძნობა და სერიოზული სიყვარული მქონია-თქო, არ ყოფილა...

- ანუ დიდ სიყვარულს ველოდებით

- ხო ველოდები დიდ სიყვარულს.... მანამდე კი ხალხის სიყვარულით ვტკბები მახარებს და მაბედნიერებს ეს თქვენი დამოკიდებულება... ეს დიდი ბედნიერებაა... ამისთვის დიდი მადლობა ყველას.

დეა თავბერიძე

www.newposts.ge




კომენტარები




მსგავსი სიახლეები:
  • როგორ მოხვდა ნანუკა გულუა “ჩემი ცოლის დაქალებში“?
  • ,,უნდოდა ბოზი ცოლი და მოიყვანა...“ – რატომ თქვა უარი მსახიობობაზე და რითი ჰ ...
  • ექსკლუზივი: ,,სანამ დაიღუპებოდა, თითქოს დამილაგა ცხოვრება“ - პოპულარული ლუნ ...
  • ლელა მებურიშვილი: არ მინდოდა სერიალის დატოვება
  • ვინ არის “ჩემი ცოლის დაქალების” ბაქარი – ისეთ გოგოს ვერასდროს შევიყვარებ, რ ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია