Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ექსკლუზივი: ,,სანამ დაიღუპებოდა, თითქოს დამილაგა ცხოვრება“ - პოპულარული ლუნას უცნობი ისტორია

ექსკლუზივი: ,,სანამ დაიღუპებოდა, თითქოს დამილაგა ცხოვრება“ - პოპულარული ლუნას უცნობი ისტორია

„ლუნამ შეცვალა მთელი ჩემი ცხოვრება... ახლა ორი მე არის ჩემში, ქეთი ხუციშვილი და ლუნა მაზიაშვილი. ხან ქეთი ვარ ხან ლუნა“ - ამბობს ჩემი ღიმილიანი რესპონდენტი, ხალისიანი და პოზიტივით სავსე.

ვუყურებ, ვუსმენ და ვფიქრობ - აი, რატომ შეიყვარა ასე მოკლე დროში ხალხმა ქეთიში ჩასახლებული ლუნა მაზიაშვილი... სწორედ ეს დადებითი მუხტია ეკრანიდან რომ მოდის და ავსებს მაყურებელს.

ლუნას, დღეს „ნიუპოსტი“ სტუმრობს და ჩვენი მკითხველიც ბევრ საინტერესო დეტალს გაიგებს მისი საყვარელი გმირის ცხოვრებიდან.

-სანამ ლუნა გამოჩნდებოდა სად იყო და რას აკეთებდა ქეთი?

-სახლში იყო ქეთი, შვილთან ერთად. არც მოსაწყენი ცხოვრება მქონია, არც აქტიური, ჩვეულებრივი ცხოვრებით ვცხოვრობდი. პაროდია, სიმღერის დამუშავება, ცეკვა - ეს ყველაფერი დღის განრიგში შედიოდა. ჩემ თავთან ვმუშაობდი... არ ვეძებდი ახალ ურთიერთობებს, ძალიან მავსებდნენ ჩემს გარშემო მყოფნი, პირველ რიგში ჩემი და, რომლის დამსახურებითაც ვარ დღეს სერიალში. მე კმაყოფილი ვიყავი როგორც ვიყავი, პრეტენზიები ნამდვილად არ მქონდა, მაგრამ ეხლა საერთოდ სხვა ეტაპი დადგა ჩემს ცხოვრებაში.

-როგორ დაიწყო ეს ყველაფერი?

ექსკლუზივი: ,,სანამ დაიღუპებოდა, თითქოს დამილაგა ცხოვრება“ - პოპულარული ლუნას უცნობი ისტორია


-როდესაც ჩემი ვიდეოები ინტერნეტის საშუალებით გავრცელდა, დამიკავშირდნენ და დამიბარეს ქასთინგზე... ერთ-ერთ სოფელში ჩემს მეუღლესთან ერთად უნდა მემღერა. ჩემს მეუღლეს სერიალში ჩემი ბიძაშვილი ვახო ოქრუაშვილი ანსახიერებს, ერთად გვქონდა ვიდეო ჩაწერილი და ისიც ნახა „ჩემი ცოლის დაქალების“ სცენარისტმა ქეთი დევდარიანმა. შემდეგ მეორედ დამიკავშირდნენ, ისევ სოფელში იქ ცოცხლად შევასრულე ჯანსუღ კახიძის „გოგოვ ნატვრა მათქმევინე“, იქაც ემოციები მოჰყვა ამ სიმღერას შემდეგ უკვე წამოვიდა ლუნა მაზიაშვილი.

-რა შეგრძნება იყო როცა პირველად დაგიკავშირდნენ და გითხრეს უნდა მოხვიდე კასტინგზეო ?

-რისკი იყო ჩემთვის, ამიტომ უარი ვთქვი ჩემს დასთან , მეშინოდა ამ პასუხისმგებლობის, გადამღებ ჯგუფთან მუშაობა, ჩემთვის იყო სრულიად უცხო, არანაირი შეხებ არ მქონია. შესაბამისად შიშიც მქონდა, ვფიქრობდი თუ როგორ მიმიღებდა საზოგადოება, ამ რისკზე წასვლის მეშინოდა, მაგრამ ისევ ჩემმა დამ მიბიძგა. და გავრისკე.

-პირველი ეპიზოდი ალბათ მთელი ცხოვრება დაგამახსოვრდება?

-კი... მართლაც ასეა... ერთ-ერთ სოფელში წაგვიყვანეს, საშინლად ციოდა, ამომაცვეს ფლოსტები, აჯაჯულ-მიჯაჯული ვიყავი და ... გადამწყვეტ მომენტში გადავიქეცი ლუნად, ეს წამებში მოხდა. არასოდეს დამავიწყდება პირველი სცენა, ემოციაში იმდენად ვიყავი შესული, რომ ძლივს გამოვედი. კიდევ მინდოდა იმპროვიზაცია ყოფილიყო ჩემი მხრიდან...

- როდესაც ასეთი რეაქცია და ძალიან დადებითი შეფასება მოჰყვა ამ ყველაფერს, მერე რა მოხდა შენში? როგორ შეხვდი ამას?

-ემოციურად, თან ძალიან... შინაგანად ვარ ძალიან ემოციური, ყველაფერი გულთან მიმაქვს. სიხარულიც, ტკივილიც, ყველაფერი... წარმოიდგინეთ რამხელა რამ მოხდა ჩემს ცხოვრებაში, ჩვეულებრივი ცხოვრებით რომ ცხოვრობ და უცებ ასეთი ცნობილი ხდები. ვერ ავიტანე... გამიჭირდა მიღება. მეტირებოდა, მეღიმებოდა... ბედნიერებისგან ვიყავი ცუდად. დაუჯერებლად ვარ, ახლაც ... ყველა მცნობს, ბავშვი, მოხუცი, ახალგაზრდა... ყველა აბსოლუტურად... ახლა მე გზაში ვარ და ვეწევი ამ ჩემს ყოფას....

სასწაული სითბო მოდის მათგან... თვალები, ღიმილი... დამინახავენ და ეცინებათ.... წარმოიდგინეთ რამხელა ბედნიერებაა, მე ვგვრი ადამიანებს სიხარულს... ღიმილს...

თქვენ ლუნა ხართ ხო? მეკითხებიან გაბრწყინებული თვალებით... მერიდება, თითქოს მცხვენია ხალხი რომ მცნობს . კიდევ ვერ შევეგუე. ნამდვილად ვერ წარმოვიდგენდი ამხელა დადებით ემოციას თუ მივიღებდი. ამისთვის ძალიან დიდი მადლობა ყველას და მადლობა ფორმულა კრეატივს.

-როგორ ფიქრობ ეს ყოველივე ბედისწერაა?

ექსკლუზივი: ,,სანამ დაიღუპებოდა, თითქოს დამილაგა ცხოვრება“ - პოპულარული ლუნას უცნობი ისტორია


-ალბათ ესეც არის, სწორედ აი ამ ასაკში უნდა ყოფილიყო ეს ყველაფერი და ცხოვრებამ მომიტანა. ერთ სიმღერას რომ დავამუშავებდი, ერთი კვირა მყოფნიდა ის ემოცია. ელემენტარულ რაღაცაში ვპოვებ ბედნიერებას, მავსებს. არასოდეს ვეძებდი დიდ რაღაცას, ამიტომაც ეს ჩემთვის იმდენად სასწაული იყო , რომ პირდაპირი მნიშვნელობით ტირილამდე მივდივარ... უცებ ბრახ და სამივე სფერო რაც ჩემია ის მოვიდა. არ მიოცნებია ამ ყველაფერზე თვითონ მოვიდა, ალბათ რაც გავეცი ეს სიყვარული იმ სფეროში რაც მე მიყვარდა ბუმერანგივით უკან დამიბრუნდა. მე როდესაც საკუთარ თავთან ვრჩები ამ ახსნას ვუძებნი ამ ყველაფერს. რაც გულით მინდოდა, რაც გულით მიყვარდა ცხოვრებამ მომიტანა ეს ყველაფერი და ცხოვრებას ვუხდი ამისთვის დიდ მადლობას. მეც მინდა რომ კარგად შევხვდე და იგივე ემოცია დავუბრუნო.

-და ამ ყველაფერში დას „ადანაშაულებთ“?

-კი (იცინის) ყველაფერი ჩემი დის „ბრალია“. ორი წლით უფროსია ჩემზე. არ მომეშვა... ჯერ ვიდეოები განათავსა ინტერნეტში.... ჰოდა, შემაყვარა ლუნა...

-ეს ერთი და გყავთ?

-პატარა და ლიკა დაღუპული მყავს, 24 წლის იყო. შეყვარებულთან ერთად ავტოავარიაში მოჰყვა. ყოველთვის ვგრძნობ ჩემი დის მხარდაჭერას, რეალურად ვგრძნობ ჩემს დას. სიცოცხლეში ისეთი რაღაცები მითხრა ჩემზე ... სანამ დაიღუპებოდა ორი წლით ადრე, თითქოს დამილაგა ცხოვრება... რაც მითხრა დეტალურად ახდა ყველაფერი...

ჩემი პატარა დაც მღეროდა, უფროსიც მღერის, სამ ხმაში ვშლიდით სიმღერებს დები, ბავშვობიდან ვმღეროდით. ჩვენთან უყვარდა ყველას მოსვლა. იშლებოდა სუფრები და სულ სიმღერების ხმა გადიოდა ჩვენი სახლიდან.

-მშობლებიც მღერიან?

-კი ... დედა გიტარასა და ფორტეპიანოზე უკრავს და ძალიან მაგრად მღერის. მამასაც ძალიან კარგი ხმა აქვს.

ექსკლუზივი: ,,სანამ დაიღუპებოდა, თითქოს დამილაგა ცხოვრება“ - პოპულარული ლუნას უცნობი ისტორია


-შვილს თუ გამოყვა დედის ნიჭი?

-გიორგიც მღერის, აბსოლუტური სმენა აქვს, ჩემს შვილთან ერთად დიდი სიამოვნებით ვიმღერებდი რამეს, ძალიან მინდა. ვიმღერებდი ან ქართულს, ან ესპანურს, ან ბოშურს...

-გიორგი როგორ შეხვდა დედის პოპულარობას?

-არაემოციურად. ჩემგან განსხვავებით ბევრად უფრო გაწონასწორებულია, არ არის ჩემსავით ემოციური, მაგრამ იმ კლიპის შემდეგ შემოვარდა - რა ხდება დედა ჩვენს თავსო?

-ქეთი ერთი შვილი გყავს?

-პირველი შვილი დაღუპული მყავს. სამი თვის ნინო. ძალიან დიდი სტრესი გადავიტანე. ვირუსი შეხვდა და ვერაფრით ვუშველეთ. სამი წლის მერე გიორგი დაიბადა და ისეთი დიდი ბედნიერება მივიღე, რომ ბედნიერებისგან ძალიან ცუდად გავხდი, წნევა ძლივს დამიგდეს ექიმებმა. ახლა 14 წლის არის.

-ქეთი რატომ ხარ მარტო?

-მარტო ვარ, თუმცა იყო ჩემს ცხოვრებაში ისეთი ნაბიჯებიც, რომელიც მეგონა რომ იქნებოდა, მაგრამ მერე არ აეწყო, არ ვიცი ვისი ბრალი იყო ჩემი თუ სხვისი, არავის არაფერს ვაბრალებ ცხოვრებაში. მაგრამ მაინც აღმოჩნდა ისე რომ ასე ვარ ეხლა

- ანუ იყო იმედგაცრუება

-კი იყო...

-დეპრესიაც?

-არა ... არანაირად, დეპრესია არ მქონია. ძალიან ლოგიკურად და გააზრებულად ვუყურებ ცხოვრებას. არ ვცხოვრობ ზღაპრულ სამყაროში, რეალურად ვუყურებ ყველაფერს. ამიტომ დეპრესია არ მქონია, თუმცა მოწყენილობა, ტკივილი მქონდა... მაგრამ შინაგანი ხასიათი ისეთი მაქვს, რომ თავს ყოველთვის ვაიძულებ კარგად ყოფნას, ვეუბნები შენ არ ხარ მარტო, შენ გყავს შვილი და ამიტომ უნდა იყო კარგად. მარტო ჩემს თავს არ ვეკუთვნი. არ ვარ ეგოისტი ამ კუთხით.

-ყოფილ ქმარს როგორ გაიხსენებ?

-ჩემს ყოფილ ქმართან ერთად 9 წელი ვიცხოვრე. ბაღშიც ერთად დავდიოდით. მეხუთე კლასამდე სკოლაშიც ერთად ვიყავით და სკოლაში ვუყვარდი. მერე ისე მოხდა რომ მე სხვაგან გადავედი საცხოვრებლად და სკოლაც შევიცვალე.

მერე ისევ შევხვდით ერთმანეთს, შემთხვევით იუსტიციის სახლში. 18 წლის ვიყავი რომ გავყევი...

მეგონა ვიცნობდი, მაგრამ თურმე არ ვიცნობდი. რამდენიმე წლიანი ცხოვრების შემდეგ ვიგრძენით რომ არ ვიყავით ერთმანეთისთვის. ის სხვა პლანეტაზე იყო, მე სხვა პლანეტაზე ვიყავი. ჩვენ არ ვიყავით ერთად ბედნიერები. რთულია ასეთ ყოფაში ცხოვრება. ამიტომ გადავდგი ეს ნაბიჯი და ვუთხარი სიმართლე. ძალიან კარგად მიიღო ეს ყველაფერი და წავიდა, იმის მერე აღარ მინახავს აღარც მე და აღარც ჩემს შვილს.

-რა გჭირდება სრული ბედნიერებისთვის?

-შინაგანი სიმშვიდე... არ ვაძლევ ხოლმე საკუთარ თავს იმის უფლეებას, რომ ბოლომდე მივენდო ბედნიერებას, საკუთარ თავს გამოვუძებნი ხოლმე სანერვიულოს. ასე მგონია რომ იმაზე მეტი მაქვს რასაც ვიმსახურებდი, მაშინებს ეს მომენტი, მაგრამ ისევ მეორე მე შემომძახებს ხოლმე და მაფხიზლებს...

მაბედნიერებს თითოეული ადამიანის გამოხედვა, მზერა, ღიმილი, ჩალაპარაკება - აი, ეს ლუნაა, სასწაულ ემოციას მგვრის, ყველა ადამიანი მიყვარს ვინც ჩემს მიმართ ასეთ დადებით ემოციას გამოხატავს. ხალხნო ძალიან მიყვარხართ, მადლობა თქვენ, მადლობა ცხოვრებას, მადლობა ფორმულაკრეატივს და მადლობა საერთოდ მთელ სამყაროს.

/ დეა თავბერიძე /

www.newposts.ge




კომენტარები




მსგავსი სიახლეები:
  • „ლუნა“: დღესაც ვერ ვიგებ ჩემს თავს რა ხდება, ავიხვიე შარფი, სათვალე გავიკეთ ...
  • „მიყვარხარ ლუნა! ფორმულა კრეატივ, ეს გოგო დაბლოკეთ ინტერვიუებისგან“ - სტეფა ...
  • ანი ღონღაძის ქმარი კომიდან გამოვიდა - მომღერალი ფეხბურთელი მეუღლის ფოტოს აქ ...
  • გაინტერესებთ როგორია რეალურ ცხოვრებაში "ჩემი ცოლის დაქალების" ლუნა?
  • ქეთი ხუციშვილისა და გიორგი სუხიტაშვილის „ვოლარემ“ სოცქსელი ააფეთქა!.. (ვიდე ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია