Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » გიორგი წერეთელი და ლოლიტა - რა არის წყვილის წარმატების საიდუმლო

გიორგი წერეთელი და ლოლიტა - რა არის წყვილის წარმატების საიდუმლო

თარიღი: 20-03-2016, 04:31,
14 თებერვალს გიორგი წერეთელმა და ლოლიტამ თავისი ახალი ალბომი წარადგინეს. მათ კონცერტებზე ყოველთვის ხალხმრავლობაა, აქაც და საზღვარგარეთ. წყვილი ოჯახურ ცხოვრებაშიც ბედნიერია და საქმეშიც წარმატებული. მათ თავიანთ რესტორანში ვეწვიეთ, სადაც უამრავ საღამოს მართავენ...

რა არის თქვენი წარმატების საიდუმლო?

გიორგი:

ყველაფერი დამოკიდებულია შრომაზე. უნდა იყოს საქმის ერთგული, სცენაზე დაიხარჯო ბოლომდე. რაც სცენაზე ჩანს, ულისებში სულ სხვა სურათი დაგხვდებათ, რადგან ჩვენი საქმე დიდ ენერგიას მოითხოვს, ამ ენერგიის გაცემა კი არ უნდა გეზარებოდეს. რასაკვირველია, ღვთისგან უნდა გქონდეს მოცემული ნიჭი, თუმცა მის განვითარებასაც გაუსაძლისი შრომა სჭირდება. ჩემთვის არა აქვს მნიშვნელობა, რესტორნის სცენაზე ვიდგები თუ ფილარმონიის. ხალხის სიყვარულის მოპოვება მეტად ადვილია, ვიდრე მისი შენარჩუნება. ვერ ვიტყოდი, რომ ჩემი და ლოლას შემთხვევაში, ჩვენ გაგვიმართლა. რაღაცას რომ არ ელოდები და იღებ, ესაა გამართლება. ჩვენ შემთხვევაში კი, როცა 15 წელია, სცენაზე ვდგავართ, ეს ჩვენი შრომის შედეგია, როცა ხალხზე ვიყავით გადაყოლილი ქორწილზე, ბანკეტზე, კორპორატიულსა თუ დიდ კონცერტზე. მე და ლოლას ყველაფერი წვალებითა და შრომით მოგვაქვს, ეს შრომა დაფასდა ხალხის სიყვარულით. ეს ყველაზე დიდი ჯილდოა.

რთული პერიოდები გქონიათ?

მე და ლოლას 6 წელი შეგვისრულდა ქორწინებიდან. ამ პერიოდიდან ჩემთვის და ლოლიტასთვის ახალი ცხოვრება დაიწყო. მეც და ლოლაც ყოველთვის განსხვავებულები ვიყავთ და ლიდერობისკენ ვისწრაფვოდით. ლიდერის როლის შესრულება ყველაზე რთულია. მე და ლოლა ერთნაირები აღმოვჩნდით და აღარ გვიჭირს, რაც ერთად ვართ. ლოლა თბილისურ ოჯახში გაიზარდა, სადაც მამაკაცს - თავისი, ქალს კი თავისი ადგილი ჰქონდა. მან გადაწყვიტა, რომ ოჯახში ყველას თავისი ადგილი დაეკავებინა, სცენაზე კი ორივე ლიდერები ვართ. ოჯახში ლოლა ცდილობს, დამითმოს. მე არც ისე მარტივი ხასიათი მაქვს (იცინის).

გიორგი წერეთელი და ლოლიტა - რა არის წყვილის წარმატების საიდუმლო


ლოლა:

გიორგის ნამდვილი მამაკაცის ხასიათი აქვს, როცა კაცი ამბობს, მე მინდა, რომ ასე იყოს და მორჩა!..

ასე თქვა ალბათ, მანქანა მინდა გაჩუქოო...

არა, ამის შესახებ საერთოდ არ ვიცოდი. დათო როსტომაშვილის დას, ხატიას, მეუღლემ „ბე-ემ-ვე იქს 6“ აჩუქა. ძალიან მომეწონა ეს მოდელი. როგორც მერე აღმოჩნდა, მამაკაცებმა ერთმანეთთან ილაპარაკეს და 13 თებერვალს, ღამე მანქანა უკვე თბილისში იყო... 14-ში მაჩუქა გიორგიმ.

მისი ხასიათის სირთულეებზე საუბრობდით...

მესაკუთრეა ძალიან, ჩემია და არავისიო, ამბობს. ვთქვათ, დილას გაიღვიძებს, ჩვენი დილა დღის 2 საათია, რადგან გვიანობამდე ვმუშაობთ... თუკი 2 საათამდე სადმე გავედი, ტელეონით უნდა ვაკონტროლო, გაიღვიძა თუ არა. თუკი გაიღვიძა, სახლში უნდა მოვირბინო და როცა დაიძახებს, ლოლაო, შინ უნდა ვიყო (იცინის). ეჭვიანი არის, საინტერესო ისაა, რომ მე არ ვეჭვიანობ, მხოლოდ - ის. თუკი მამაკაცი მეტ ყურადღებას გამოიჩენს ჩემ მიმართ, ეს, რასაკვირველია, არ მოეწონება.

სულ მუშაობთ, როდის ისვენებთ?

გიორგი:

როცა გასტროლზე მივფრინავთ, დასვენება მაშინ გამოგვდის. ერთი დღე ვმუშაობთ, კონცერტსა თუ კორპორატიულზე, შემდეგ კი რამდენიმე დღით ვისვენებთ. თბილისში ჩემი დასვენება არ გამოდის. მიყვარს თევზაობა და ერთი დღით თუ სადმე გავალ ხოლმე, გუშინ ექვსი კილო თევზი დავიჭირე. თევზაობისას არ დამასვენეს, იქაც მირეკავდნენ, საქმეებზე, პრობლემებზე...

გიორგი წერეთელი და ლოლიტა - რა არის წყვილის წარმატების საიდუმლო


როგორ გხვდებიან გასტროლებზე?

ლოლა:

გვეუბნებიან, რომ ვუყვარვართ, ვენატრებით. ნიუ-იორკში გიჟი კონცერტი იყო, 200-კაციან ღონისძიებაზე, ბრუკლინში, რესტორანში, 4 საათნახევარი არ გავჩერებულვართ. „საქართველო, სად არის“, აკომპანემენტის გარეშე, დარბაზთან ერთად ვიმღერეთ. იქაც გოგონები გვყავს და მოცეკვავეებთან ერთად ვაკეთებთ შოუს. გოგონები აქაც გვყავს, სარვამარტო კონცერტზე საკმაოდ საინტერესო პროგრამა წარვადგინეთ, მთელი დღეს ჩაცმულობას ვეძებდით, გვჭირდებოდა პარიკები, საქსოფონი... ვერკა სერდიუჩკაც გვყავდა, „ჯაზში მხოლოდ ქალიშვილებია“ განვასახიერეთ.

გიორგი:

გამოვეცით ალბომი. გვაქვს სიახლეები, კვარტეტი შევქმენით, იწერება სიმღერები, ქალაქური სიმღერების კვარტეტი იქნება. მე და ლოლას გვექნება ანსამბლი, რომელიც ყველა ტიპის ღონისძიებას, ქორწილს, ბანკეტს, გაუძღვება თავიდან ბოლომდე. რვა მარტსაც საცდელად გავაკეთეთ პროექტი, კოსტიუმირებული შოუ მსახიობების მონაწილეობით დავდგით, რამაც დიდი მოწონება დაიმსახურა.

ამბობენ, რომ საზღვარგარეთ დიდი ჰონორარები გაქვთ...

ჩვენ ძალიან მრავალფეროვანი პროგრამა გვაქვს, 19 ენაზე ვმღერით, არ არსებობს ჰიტი, რომელსაც ჩვენ არ ვასრულებთ... როცა ასეთი მრავალფეროვანი პროგრამაა, ჰონორარიც მეტია, მხოლოდ „პაჩებით და პუჩებით“ და „პეპელათი“ ფონს ვერ გახვალ. როცა მხოლოდ ჩვენი პროგრამით მივემგზავრებით, ჰონორარიც ნაკლებია. მე და ლოლას ბოლოს გვქონდა 920-კაციანი ღონისძიება. საქართველოში იყო დიდი ქორწილი, მთლიანად მე და ლოლამ წავიყვანეთ და ჩავატარეთ, ამიტომაცაა ჩვენი ჰონორარი მაღალი.

ლოლა:

ეს მხოლოდ გამოცდილება არ არის. ყველა მომღერალმა უნდა იმუშაოს საკუთარ თავზე. არ არსებობს ფრაზა - „არ შემიძლია“. რა მნიშვნელობა აქვს, სად გამოდიხარ. თუ ვარსკვლავი ხარ და დი სცენაზე დგახარ, უნდა ჩაწერო ახალი სიმღერები და წინ წაიწიო. თუკი რესტორანში დგახარ, ყველაფერი უნდა შეასრულო, ვერ იტყვი, ამას და ამას ვერ შევასრულებო... მილიონი ვარიანტია, რისი შესრულებაც შეიძლება მოგთხოვონ. რაც კი ახალი გამოდის, ეგრევე ვაკეთებთ, დღემდე ვმეცადინეობ.

გიორგი წერეთელი და ლოლიტა - რა არის წყვილის წარმატების საიდუმლო


შოუბიზნესი რატომ არ მუშაობს საქართველოში?

კონცერტები არ ტარდება. მომენატრა ერთი რამ, ქალაქში იყოს აფიშა, თბილისელებო, გიწვევთ ფილარმონიაში საგაზაფხულო კონცერტზე, და მიყვარს ერთი სიტყვა, მონაწილეობენ: ...

ოთარ ტატიშვილის შოუს მესამე ბლოკის პროდიუსერი ვიყავი. ყოველ კვირას ვწერდი ახალ სიმღერას. 30 სიმღერა დამიგროვდა. მინდოდა, მე და ოთარს, ფილარმონიაში ამ სიმღერების კონცერტი გაგვეკეთებინა. მერე გადავხედეთ, ეს რა ჯდებოდა და...

მე არანჟირების ავტორები მყავს რუსეთში, ისრაელში, ორმაგს ვიხდი იქ, რადგან შესაბამისი აპარატურა აქვთ, თითო სიმღერა მიჯდება 2000-2500 დოლარი. ამ ჩადებული თანხის ამოღებაზეც არ არის საუბარი, საიდანღაც ხომ უნდა აიღო? მომღერლებს სჭირდებათ სპონსორები. ადრე სახელმწიფო აფინანსებდა. დღეს არ არის პრიორიტეტული არც ბიზნესისთვის. ვიცნობ ბევრ ნიჭიერ ვარსკვლავს და მაქვს ახლო ურთიერთობა. ისინი ვინმემ უნდა დაასპონსოროს, რომ შეძლონ ალბომის გამოშვება, კონცერტის გამართვა.

ჩემი ალბომი საკუთარი სახსრებით გამოვეცი და არც ვყიდი, იმიტომ რომ, აზრი არ აქვს. ჩემს მსმენელს ვჩუქნი. მე და ლოლა არ ვართ სპონსორების იმედად. მივხვდით, რომ ხალხის მიტოვება არ შეიძლება და ბიზნესშიც ჩავერთეთ, რესტორნის ბიზნესში. ჩვენ ვმართავთ ამ რესტორანს. მინდა, ის გახდეს ხელოვნების სახლი, რითაც მსმენელს მივაწოდებთ, რაც შეგვიძლია. მხოლოდ ჩვენ არ გამოვდივართ, მიყვარს ყველა ნიჭიერი ადამიანის გათვალისწინება, ვინც საქართველოშია.

სხვათა შორის, მანანა თოდაძეს აქვს მომავლის წინასწარ დანახვის უნარი. მან მითხრა ადრე, რომ ძალიან დიდი სახლი გექნება, სადაც ბევრ სტუმარს მიიღებო. მაშინ გამიკვირდა, დღეს კი არარ მიკვირს, რადგან მისი ნათქვამი ახდა (იღიმის).

/ნინო მურღულია/

ფოტოგრაფი: დათუნა აგასი

გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


გიორგი წერეთელი და ლოლიტა - რა არის წყვილის წარმატების საიდუმლო


ardaidardo.ge




კომენტარები




მსგავსი სიახლეები:
  • "ხელოვნებით შეგვიძლია ყველას დავუმტკიცოთ ჩვენი სიმართლე და სიკეთე" - ქართ ...
  • ექსკლუზივი: თაკო ჩხეიძე წარმატებასა და სიყვარულზე - "ახალი შვილი“ და "საი ...
  • ნატო გელაშვილი: "ძმის დაკარგვის შემდეგ, როგორც მუსიკოსი, აღარ ვარსებობ"
  • ირაკლი ნოზაძე ცოლს ისევ გაშორდა
  • გიორგი წერეთელი 50 ათას დოლარიან "მაგარ გოგოს" დააქროლებს

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია